9/20/2018
Today from Hiiraan Online:  _
Wararka Maanta- Axad, May 20, 2012
Qaraxyo khasaare geystay oo Ciidamada DKMG Soomaaliya lagula eegtay Degmada Yaaqshiid ee Muqdisho


Axad, May 20, 2012 (HOL) — Saddex askarta ciidamada DKMG ah ka tirsan ayaa ku dhaawacmay laba qarax oo baqonimadii maanta ka dhacay isgoyska Towfiiq ee degmada Yaaqshiid ee gobolka Banaadir.

Qaraxyadan oo ka dhashay miinooyin dhulka lagu aaso ayaa waxaa lagu weeraray ciidammo ka mid ah kuwa dowladda, iyadoo waxaana sidoo kale uu dhaawac kasoo gaaray haweeney rayid ah.

"Laba qarax oo waaweyn ayaa ka dhacay isgoyska Towfiiq, ciidamada dowladdu waxay billaabeen inay rasaas furaan, dadkuna waxay ku sugan yihiin guryahooda," ayuu yiri goobjooge ku sugan xaafadda ay qaraxyadu ka dhaceen.

Goobjoogayaasha ayaa sheegaya in qaraxyadu ay ahaayeen kuwo daqiiqado kala dambeeyay, iyadoo aysan jirin weli cid sheegatay inay mas'uul ka tahay weerarka qaraxyada ah ee lagu qaaday ciidamada dowladda.

Ma jiro wax dhimasho ah oo qaraxyadan ay dhaliyeen, iyadoo ay kusoo beegmayaa xilli ay shalay Muqdisho ka dhaceen qaraxyo dhimasho ay kasoo gaartay askar ka tirsan ciidamada dowladda Soomaaliya oo ay mas'uuliyadoodu sheegatay Al-shabaab.

Magaalada Muqdisho oo ay inta badan gacanta ku hayaan ciidamada DKMG ah iyo kuwa AMISOM ayaa waxaa ka dhacayay tan iyo markii ay Al-shabaab isaga baxeen bishii Ogoosto ee sannadkan weerarro qaraxyo ah iyo dilal qorsheysan, iyadoo ay u muuqato in dowladdu ay xal u la'dahay adkeynta ammaanka Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/20/2012 6:39 AM EST
Axad, May 20, 2012 (HOL) — Wafdi ay hogaaminayaan ra'iisul wasaaraha Soomaaliya, C/weli Maxamed Cali iyo gudoomiyaha baarlamaanka Shariif Xassan Sheekh aadan ayaa maanta ka dhoofay garoonka diyaaradaha ee Muqdisho iyagoo kusii jeeda magaalada Addis Ababa ee dalka Itoobiya.

5/20/2012 6:29 AM EST
Axad, May 20, 2012 (HOL) — Mas’uuliyiinta maamul gobollka Hiiraan ayaa ka warbixiyay dagaal saacadihii aynu soo dhaafnay deegaanno hoos taga degmada Maxaas ee gobollka Hiiraan gaar ahaan deegaannka Goobo ku dhaxmaray ciidamada maamulka iyo xoogagga Al-shabaab.

5/20/2012 6:26 AM EST
Axad, May 20, 2012 (HOL) — Ardayda barata kuliyadda Kalkaaliyenimada (Nurse) ee wax ka barata Jaamacadda Jubba University ayaa maanta u fariisatay imtixaankii Finalka ee lagu soo gababeynayo sanadkii labaad ee Kuliyadda Nurse-siga.

5/20/2012 6:06 AM EST
Axad, May 20, 2012 (HOL) — Ergayga gaarka ah ee xoghayaha guud ee Qaramada Midoobay u qabailsan arrimaha Soomaaliya, danjire Augustine Mahiga ayaa sheegay inuu aad uga walaacay dagaalkii Hargeysa ku dhexmaray ciidamada Somaliland iyo dadka shacabka ah, kaasoo dhaliyay khasaaraha nafeed.

5/20/2012 3:17 AM EST
Axad, May 20, 2012 (HOL) — Ugu yaraan shan qof oo u badan askarta dowladda KMG ah ee Soomaaliya ayaa lagu dilay qarax miino oo shalay ka dhacya duleedka degmada Kaaraan ee Magaalada Muqdisho.

5/20/2012 3:16 AM EST
Axad, May 20, 2012 (HOL) — Dagaal iyo duqeyn diyaaradeed oo shalya oo Sabti ah ka dhacday dalka Yemen ayaa lagu dilay 36-qof oo uu ku jiro dagaalyahan Soomaali ah oo ka barbar dagaalamayay xoogagga Al-Qaacida ee dalka Yemen.