11/21/2018
Today from Hiiraan Online:  _
Wararka Maanta- Axad, May 20, 2012
Askar ka tirsan Ciidamada Dowladda KMG ah oo lagu dilay Qarax Miino oo ka dhacay Magaalada Muqdisho


Axad, May 20, 2012 (HOL) — Ugu yaraan shan qof oo u badan askarta dowladda KMG ah ee Soomaaliya ayaa lagu dilay qarax miino oo shalay ka dhacya duleedka degmada Kaaraan ee Magaalada Muqdisho.

Qaraxa miino oo ay saraakiisha dowladdu ku eedeeyeen inay halkaas ku aaseen xoogagga Al-shabaab ayaa dilay afar askari iyo qof shacab ah, kaddib markii ay miinadu la qaraxday gaari ay wateen ciidamada dowladda.

"Afar askari ayaa lagu dilay qaraxa miino oo ahaa mid dhulka lagu aasay, sidoo kale qof shacab ah ayaa lagu dilay weerarka, waxaana socda baaritaan ku aaddan ciddii ka dambeysay weerarkaas," ayuu yiri Cabdiraxmaan Muumin oo saraakiisha DKMG ah ka tirsan.

Sarkaalka ayaa sheegay in tuhunka ugu weyn ay ka qabaan Al-shabaab oo dagaal kula jirta dowladda KMG ah, kuwaasoo dagaallo xooggan kaddib ku dhawaaqay inay isaga baxeen qaybo badan oo Muqdisho ka tirsan bishii Ogoosto ee sannadkii hore.

"Waxaan filayaa in miinada ay halkaas ku aastay Al-shabaab habeen hore," ayuu yiri sarkaalka, oo sheegay in weerarrada noocan oo kale ah ay ka dhacaan inta badan caasimadda Soomaaliya ee Muqdisho.

Magaalada Muqdisho oo ay gacanta ku hayaan ciidamada DKMG ah iyo AMISOM ayaa waxaa inta badan ka dhaca dagaallo iyo qaraxyo qorsheysan oo khasaare ay kasoo gaarto dadka shacabka ah, iyadoo Al-shabab ay sheegtay in xoogaggeedu ay weli kula dagaalamayaan gudaha Muqdisho ciidamada DKMG ah iyo AMISOM.

Jidka uu qaraxu ka dhacay ayaa waxaa inta badan mara ciidamada DKMG ah iyo kuwa AMISOM ee u kala socdaala magaalada iyo fariisimo ay ku leeyihiin duleedka caasimadda Soomaaliya ee Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/20/2012 6:39 AM EST
Axad, May 20, 2012 (HOL) — Wafdi ay hogaaminayaan ra'iisul wasaaraha Soomaaliya, C/weli Maxamed Cali iyo gudoomiyaha baarlamaanka Shariif Xassan Sheekh aadan ayaa maanta ka dhoofay garoonka diyaaradaha ee Muqdisho iyagoo kusii jeeda magaalada Addis Ababa ee dalka Itoobiya.

5/20/2012 6:35 AM EST
Axad, May 20, 2012 (HOL) — Saddex askarta ciidamada DKMG ah ka tirsan ayaa ku dhaawacmay laba qarax oo baqonimadii maanta ka dhacay isgoyska Towfiiq ee degmada Yaaqshiid ee gobolka Banaadir.

5/20/2012 6:29 AM EST
Axad, May 20, 2012 (HOL) — Mas’uuliyiinta maamul gobollka Hiiraan ayaa ka warbixiyay dagaal saacadihii aynu soo dhaafnay deegaanno hoos taga degmada Maxaas ee gobollka Hiiraan gaar ahaan deegaannka Goobo ku dhaxmaray ciidamada maamulka iyo xoogagga Al-shabaab.

5/20/2012 6:26 AM EST
Axad, May 20, 2012 (HOL) — Ardayda barata kuliyadda Kalkaaliyenimada (Nurse) ee wax ka barata Jaamacadda Jubba University ayaa maanta u fariisatay imtixaankii Finalka ee lagu soo gababeynayo sanadkii labaad ee Kuliyadda Nurse-siga.

5/20/2012 6:06 AM EST
Axad, May 20, 2012 (HOL) — Ergayga gaarka ah ee xoghayaha guud ee Qaramada Midoobay u qabailsan arrimaha Soomaaliya, danjire Augustine Mahiga ayaa sheegay inuu aad uga walaacay dagaalkii Hargeysa ku dhexmaray ciidamada Somaliland iyo dadka shacabka ah, kaasoo dhaliyay khasaaraha nafeed.

5/20/2012 3:16 AM EST
Axad, May 20, 2012 (HOL) — Dagaal iyo duqeyn diyaaradeed oo shalya oo Sabti ah ka dhacday dalka Yemen ayaa lagu dilay 36-qof oo uu ku jiro dagaalyahan Soomaali ah oo ka barbar dagaalamayay xoogagga Al-Qaacida ee dalka Yemen.