11/12/2018
Today from Hiiraan Online:  _
Wararka Maanta- Arbaco, May 2 , 2012
Hay’adda UNICEF oo Sheegtay in Kumannaan Caruur Soomaaliyeed ah ay ku sugan yihiin Xaaladda Nololeed oo khatar ah


Arbaco, May 02, 2012 (HOL) — Hay’adda Caruurta Dunida ee UNICEF ayaa warbixin ay soo saartay ku sheegtay in kumannaan caruur Soomaaliyeed ay khatar ugu jiraan inay dhintaan kaddib nafaqo-darro xooggan oo ku habsatay, iyadoo xustay in lacag la’aan awgeed aysan caawin karin.

UNICEF waxay sheegtay inay heshay 12% lacagtii ay dalbatay sannadkan oo ah 289 milyan oo doollar si ugu sahlanaato inay xaaladaha deg-degga ee sannadkan uga jawaabto si dhaqso ah.

Hay’addu waxay sheegtay in saddex meelood laba meel aanay caruurta Soomaaliya aanay cunin raashinkii ay u baahnaayeen iyo weliba cunnada kale intaba. Iyadoo ku sheegtay in caruutaas 70% ay ku nool yihiin gob gobollada Koonfureed iyo kuwa dhexe ee Soomaaliya oo ay sannadkii hore saameynta xooggan ku yeesheen abaartii ku dhufatay Soomaaliya.

Afhayeenadda hay’adda UNICEF, Marixie Mercado ayaa sheegtay in caruur 325,000 gaaraysa ay haysto xaalad nafaqo-darro oo aad u daran, waxayna u baahan yihiin bay tiri gargaar deg-dega ah.

"Howsha aan ku badbaadinayno caruurta Soomaaliyeed waan sii wadaynaa si aan u badbaadinno maalin walba caruurta... dhab ahaan aad ayay khatar ugu jiraan caruur badan inay dhintaan," ayay tiri Mercado. Iyadoo sheegtay in haddii aysan helin dhaqaale ay khatartaas wax uga qabtaan inay howshoodu joogsan doonto.

Mr. Mercado waxay sheegtay in nabadgalyo la’aanta iyo inaan la awoodi karin in la tago goobaha ay caruurtaas nafaqo-darrada ku hayso ay kasii dari karto xaaladda ay hadda ku jiraan.

Afhayeenaddu waxay sheegtay in caruurta Soomaaliyeed ay dhibaatooyin xooggan ku hayaan cudurro ay ka mid yihiin jadeecada. "Roobabka hadda billowday waxay faafinayaa cudurro, sidaa daraadeed waa khasab in la gaarsiiyo caruurta ku nool gobollada Koonfurta iyo bartamaha Soomaaliya tallaal looga hortagayo," ayay tiri afhayeenadda UNICEF.

Ugu dambeyn, haya’dda UNICEF waxay hoosta ka xariiqday in macluushii sannadki hore ku dhufatay Soomaaliya ay kasoo kabteen, balse ay walaac xooggan ka qabto roobkii sanadkan ka di’i lahaa geeska Afrika oo aad u yaraan doona.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/2/2012 11:15 AM EST
Arbaco, May 02, 2012(HOL): Guddoomiyaha Guddiga Fulinta Ahlu Sunna Waljamaaca ee Gobollada Dhexe Maxamed Yuusuf Xeefow ayaa sheegay in dhaawacyadii ka dhashay qaraxii shalay ka dhacay Dhuusamareeb loo qaaday Magaalada Addis Ababa ee dalka Itoobiya.

5/2/2012 8:59 AM EST
Arbaco, May 02, 2012 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) iyo wafdi uu hoggaaminayo ayaa dib ugu soo laabtay Muqdisho maanta, kaddib markii ay safar shaqo ku tageen dalka Uganda.

5/2/2012 8:51 AM EST
Arbaco, May 02, 2012 (HOL) — Axmed C/salaan Xaaji Aadan oo ka mid ahaa dadkii ay dhaawacyada culus kasoo gaareen qaraxii ismiidaaminta ahaa ee shalay ka dhacay degmada Dhuusomareeb ee gobolka Galguduud ayaa sheegay in weerarkii lagu dhaawacay uusan ka leexin doonin hadafkiisa.

5/2/2012 8:34 AM EST
Arbaco, May 02, 2012(HOL): Maalinta Khamiista ah oo bisha May ay tahay 3, sannadka 2012 waxaa loo dareerayaa doorashada duqa magaalada iyo golaha deegaanka ee London. Axsaab badan iyo dad iskood u tagaan ayaa u sharaxan jagooyinka, balse labada shaqsi ee ugu cad cad iminka waa Duqa jagada haya iminka oo ka socda xisbiga Muxaafidka ah (Conservative) Boris Johnson iyo duqii ugu horreeyey ee la doorto kaddib markay London qaadatay habkan doorashada tooska ah ee duqa magaalada oo ka socda xisbiga Shaqaalaha (Labour) Ken Livingstone.

5/2/2012 8:20 AM EST
Arbaco, May 02, 2012 (HOL) — Diyaarad gaar ah ayaa maanta kasoo qaadday degmada Baydhabo ee gobolka Bay 27-xubnood oo ka mid ah xildhibaannada uga qaybgalaya gobollada Bay iyo Bakool shirka ansixinta dastuurka DKMG ah ee bishan lagu qabanayo magaalada Muqdisho.

5/2/2012 8:09 AM EST
Arbaco, May 02, 2012 (HOL) — Madaxweynaha Soomaaliya, Sheekh Shariif Sheekh Axmed ayaa wareegto uu soo saaray maanta oo Arbaco ah wuxuu ku magacaabay xilka ra’iisul wasaare ku xigeen ahna wasiirka wasaaradda beeraha, xannaanada xoolaha, dhirta iyo daaqa dowladda KMG ah ee Soomaaliya.

5/2/2012 7:19 AM EST
Arbaco, May 02, 2012 (HOL) — Taliye cusub oo lagu magacaabo, Jen. Andrew Gutti ayaa maanta si rasmi ah ula wareegtay taliska ciidamada Midowga Afrika AMISOM ee ku sugna Soomaaliya, kaddib xaflad xilka lagu kala wareegsanayay oo maanta ka dhacday xarunta AMISOM ee Xalane.

5/2/2012 7:14 AM EST
Arbaco, May 02, 2012 (HOL) — Xaflad uu kasoo qaybgalay wasiirka gaashaandhiga ee Soomaaliya Xusseen Carab Ciise oo ka dhacday magaalada Nairobi ayaa shahaado sharaf lagu gudoonsiiyay danjiraha Soomaaliya u fadhiya dalka Kenya Maxamed Cali Nuur (Ameerika).

5/2/2012 6:28 AM EST
Arbaco, May 02, 2012 (HOL) — Magaalada Addis Ababa ee dalka Itoobiya ayaa la geeyay maanta dhaawacyada, Axmed C/salaan Xaaji Aadan, Xildhibaan Xuseen Samatar Warsame, wariye Bashiir Maxamed Salaad (Sanka) iyo afar qof oo shacab ah kuwaasoo ku dhaawacmay qaraxii shalay ka dhacay degmada Dhuuso-mareeb ee gobolka Galguduud.

5/2/2012 6:10 AM EST
Arbaco, May 02, 2012 (HOL) — Wafdi ka socda xisbiga Hiil Qaran oo ay hogaaminayaan xubno sare oo ka tirsan xisbigaasi ayaa booqasho ku tagay xeryaha qaxootiga ee Dhadhaab.

5/2/2012 3:22 AM EST
Arbaco, May 02, 2012 (HOL) — Magaalada Dhuusa-mareeb ee xarunta u ah gobolka Galguduud ayaa saakay ku waabariisatay Bandow galinkii danbe ee shalay ku soo rogeen maamulka Ahlu Sunna Waljameeca kaddib weerarkii Ismiidaaminta ahaa ee shalay ka dhacay.

5/2/2012 3:11 AM EST
Arbaco, May 02, 2012 (HOL) — Ra’iisul wasaaraha xukuumadda Soomaaliya, C/weli Maxamed Cali ayaa haweenka Soomaaliyeed kala hadlay hirgelinta Roadmap-ka, ansixinta dastuurka cusub iyo dhismaha baarlamaanka kaddib kulan uu xalay kula yeeshay xafiiskiisa.

5/2/2012 2:53 AM EST
Arbaco, May 02, 2012 (HOL) — Xarakada Al-shabaab ayaa sheegtay in weerarkii ka dhacay degmada Dhuuso-mareeb ee gobolka Galguduud uu fuliyay dagaalyahan ka tirsan xoogaggooda uuna ahaa mid ay uga hor-tagayeen shirqool ay maleegayeen xildhibaannadii halkaas ku sugnaa.

5/2/2012 2:38 AM EST
Arbaco, May 02, 2012 (HOL) — Xidlhibaannadii ku dhaawacmay weerarkii ka dhacay degmada Dhuuso-mareeb ee gobolka Galguduud ayaa lagu wadaa in maanta loo qaado dalka Itoobiya si halkaas loogu soo daweeyo.