3/28/2024
Today from Hiiraan Online:  _
Wararka Maanta- Khamiis, May 17, 2012
Guddiga Doorashooyinka Somaliland oo sameeyay Tijaabo doorasho oo Qaybo ka mid ah Dadweynuhu Codaynayaan

Khamiis, May 17, 2012 (HOL) — Guddiga doorashooyinka Somaliland, ayaa sameeyey maalin doorasho tijaabo ah oo ay doonayaan inay ka qiyaas qaataan qaabka ay doorashadda u qabanayaan iyo sida ay dadku u fahansan yihiin doorashadan golaha deegaanka oo ka duwan tii hore.

Doorashadan golaha deegaanka Somaliland ee la filayo inay dalka ka qabsoonto ayaa loo sameeyey maalin tijaabo ah, iyadoo laba boqol oo qof oo dadweyne kala duwan ah lagu tijaabiyey qaabka ay doonayaan inay u qabtaan doorashadda iyo qalabka ay isticmaali doonaan.

"laba boqol oo qof ayaa tijaabada doorashada geli doona, waxaanay ka koobnaan doonaan dad waayeela, dhalinyaro wax akhriyi kara iyo kuwa aan waxba akhriyi Karin oo ka kooban rag iyo dumarba, guddida doorashooyinka waxay nidaamkan u samaysay si loo helo sawir dhab ah oo ka turjumaya bulshadda somaliland noocyadeedda kala duwan."ayuu yidhi afhayeenka guddidda doorashooyinka Axmed Maxamed Xirsi Geelle ka hadlayey doorashadan tijaabadda ah.

Afhayeenka ayaa sheegay Sababaha ay ugu baahdeen in la qabto maalinta doorashada tijaabadda inay taha inay si mugleh looga baaraandego baaxada hawl -gal ee codayntu yeelan doonto, xilliga doorashada deegaanka ee foodda inagu soo haysa, ahna markii ugu horaysay ee si toos ah loo soo dooranayo Xildhibaanadda golaha deegaanka oo tirada musharaxiintuna ay aad u badan tahay.

Doorashaddii hore ee golaha deegaanka ayey dadku dooran jireen xisbiga balse aan la dooran jirin musharaxa, taas oo keentay in wax laga bedelo xeerkii doorashadda oo laga dhigo mid furan oo qof waliba uu dooranayo musharaxa uu rabo, sidoo kale, waxa ay xisbiyadda ka badan yihiin kuwii bariigi hore, taasina waxay keenaysaa inay musharaxiintu aad u bataan loona baahdo agab ka badan tii hore, sidaa darteed ay xarunta Komishanka ku sameeyaan doorasho tijaabo ah si ay ugu qiyaas qaataan doorashooyinka rasmiga ah ee ay doonayaan inay qabtaan.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
5/17/2012 8:32 AM EST
Khamiis, May 17, 2012 (HOL) — Hadal uu danjire Ingiriiska ee Qaramada Midoobay, Philip Parham ka jeediyay shirkii golaha ammaanka ee Ummadaha Midoobay ay kaga hadleen Soomaaliya ayaa soo jeediyay in mudnaanta koowaad la siiyo geeddi-socodka siyaasadda dalka Soomaaliya, isagoo u digay kuwa doonaya inay carqaladeeyaan geeddi-socodka nabadda.

5/17/2012 7:53 AM EST
Khamiis, May 17, 2012 (HOL) — Muran ku saabsan xilliga uu xilka hayanayo madaxweynaha Galmudug, Maxamed Axmed Caalin ayaa soo dhexgalay baarlamaanka maamulkaas, iyadoo guddoomiyaha iyo guddoomiye ku xigeenku ay hadallo iska soo horjeeda siiyeen saxaafadda.

5/17/2012 7:18 AM EST
Khamiis, May 17, 2012 (HOL) — Wajiga saddexaad dood-cilmiyeed looga hadlayay xiriirka ka dhaxeeya waalidka iyo macallinka ayaa maanta lagu soo gaba-gabeeyay magaalada Muqdisho, kaasoo ay kasoo qayb-galeen culumaa'udiin, macallimiin iyo waalidiin.

5/17/2012 4:38 AM EST
Khamiis, May 17, 2012 (HOL) — Diyaarad ay la socdeen wafdi uu hoggaaminayo afhayeenka baarlamaanka Soomaaliya ahna ku-simaha madaxweynaha, Shariif Xasan Sheekh Aadan ayaa goor dhaweyd ka dagtay garoonka diyaaradaha ee magaalada Baydhabo.

5/17/2012 4:25 AM EST
Khamiis, May 17, 2012 (HOL) — Gudoomiyaha Maxkamadda sare ee Milatariga Somaliland, Col.Yuusuf Faarax Sharmarke ayaa Dablay hubaysan oo weerar ku soo qaaday Ciidanka Milatariga Somaliland xukuno kala duwan ku xukuntay, ka dib markii eedihii lagu soo eedeeyey ay uu sheegay inay qirteen maxaabiistu.

5/17/2012 4:23 AM EST
Khamiis, May 17, 2012 (HOL) — Diyaarad ay leedahay shirkadda Turkish Airlines oo rakaab u soo waday Soomaaliya ayaa dib ugu laabtay magaalada Istanbuul kaddib markii ay ku degi waday garoonka diyaaradaha ee Muqdisho.

5/17/2012 4:09 AM EST
Khamiis, May 17, 2012 (HOL) — Booliiska Kenya ayaa sheegay in ciidamada ammaanka Kenya ay ku qabteen deegaanka Niivasha ee galbeedka Kenya nin u dhashay dalka Jarmalka oo ay ku sheegeen inuu ka tirsan yahay islaamiyiinta mayalka-adag.

5/17/2012 3:59 AM EST
Khamiis, May 17, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay inay wadahadallo kula jiraan odayaashii Puntland ee ka baxay shirka ka socda Muqdisho, si ay howshu u sii socoto.

5/17/2012 3:33 AM EST
Khamiis, May 17, 2012 (HOL) — Madaxweynaha Puntland, Cabdiraxmaan Sheekh Maxamed Faroole ayaa sheegay inaysan ku qanacsanayn dastuurka cusub ee loo sameeyay Soomaaliya, kaasoo uu sheegay inaysan ku caddeyn awoodaha maamul goboleedyada dalka.