11/21/2018
Today from Hiiraan Online:  _
Wararka Maanta- Khamiis, May 17, 2012
Wasiirka Dastuurka Soomaaliya oo sheegay inay Wadahadallo kula jiraan odayaashii Puntland ee shirka ka baxay


Khamiis, May 17, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay inay wadahadallo kula jiraan odayaashii Puntland ee ka baxay shirka ka socda Muqdisho, si ay howshu u sii socoto.

C/raxmaan Xoosh oo warbaahinta kula hadlay Muqdisho ayaa sheegay inay meel wanaagsan marayaan wadahadallada ay kula jiraan odayaashii shirka ka baxay ee Puntland, isagoo rajo wanaagsan ka muujiyay inay shirka kusoo laabtaan.

"Wadahadallo ayaa noo socda odayaashii Puntland ee shirka ka baxay si ay dib ugu soo laabtaan shirka, waxaana rajeynaynaa inay dib u soo laabtaan," ayuu yiri wasiirka dastuurka Soomaaliya oo sheegay in Puntland ay qayb weyn ku leedahay howlaha socda.

Odayaasha Puntland ee shirka ka baxay ayaa markii ay gaareen Puntland waxay sheegeen in shirka uusan ahayn mid si wanaagsan ku socda sidaa daraadeedna ay go'aansadeen inay ka baxaan, markii howlaha shirka la dhameystirana ay ka qayb-qaadan doonaan shirka.

Dhanka kale; wasiirka dastuurka oo wax laga weydiiyay halka uu marayo shirka u socda odayaasha dhaqanka ayaa sheegay inuu meel wanaagsan marayo, lana filayo dhawaan inay soo gudbiyaan liiska ergada ansixinaya dastuurka Soomaaliya.

"Odayaasha dhaqanku waxay doorraad billaabeen xulidda ergada ansixinaysa dastuurka, maadaama dastuurka la dhameystiray lana filayo in maalmaha soo socda lasoo bandhigo," ayuu yiri wasiirka.

Ugu dambeyn, wasiirka oo la weydiiyay sababa ay ergada Puntland uga baxeen shirka ayuu sheegay inuusan doonayn inuu arrintaas ka hadlo, maadaama ay socdaan wadahadallo lagu dhameynayo khilaafka oo uu sheegay inuu ahaa mid xasaasi ah.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/17/2012 8:32 AM EST
Khamiis, May 17, 2012 (HOL) — Hadal uu danjire Ingiriiska ee Qaramada Midoobay, Philip Parham ka jeediyay shirkii golaha ammaanka ee Ummadaha Midoobay ay kaga hadleen Soomaaliya ayaa soo jeediyay in mudnaanta koowaad la siiyo geeddi-socodka siyaasadda dalka Soomaaliya, isagoo u digay kuwa doonaya inay carqaladeeyaan geeddi-socodka nabadda.

5/17/2012 7:53 AM EST
Khamiis, May 17, 2012 (HOL) — Muran ku saabsan xilliga uu xilka hayanayo madaxweynaha Galmudug, Maxamed Axmed Caalin ayaa soo dhexgalay baarlamaanka maamulkaas, iyadoo guddoomiyaha iyo guddoomiye ku xigeenku ay hadallo iska soo horjeeda siiyeen saxaafadda.

5/17/2012 7:18 AM EST
Khamiis, May 17, 2012 (HOL) — Wajiga saddexaad dood-cilmiyeed looga hadlayay xiriirka ka dhaxeeya waalidka iyo macallinka ayaa maanta lagu soo gaba-gabeeyay magaalada Muqdisho, kaasoo ay kasoo qayb-galeen culumaa'udiin, macallimiin iyo waalidiin.

5/17/2012 4:38 AM EST
Khamiis, May 17, 2012 (HOL) — Diyaarad ay la socdeen wafdi uu hoggaaminayo afhayeenka baarlamaanka Soomaaliya ahna ku-simaha madaxweynaha, Shariif Xasan Sheekh Aadan ayaa goor dhaweyd ka dagtay garoonka diyaaradaha ee magaalada Baydhabo.

5/17/2012 4:25 AM EST
Khamiis, May 17, 2012 (HOL) — Gudoomiyaha Maxkamadda sare ee Milatariga Somaliland, Col.Yuusuf Faarax Sharmarke ayaa Dablay hubaysan oo weerar ku soo qaaday Ciidanka Milatariga Somaliland xukuno kala duwan ku xukuntay, ka dib markii eedihii lagu soo eedeeyey ay uu sheegay inay qirteen maxaabiistu.

5/17/2012 4:23 AM EST
Khamiis, May 17, 2012 (HOL) — Diyaarad ay leedahay shirkadda Turkish Airlines oo rakaab u soo waday Soomaaliya ayaa dib ugu laabtay magaalada Istanbuul kaddib markii ay ku degi waday garoonka diyaaradaha ee Muqdisho.

5/17/2012 4:11 AM EST
Khamiis, May 17, 2012 (HOL) — Guddiga doorashooyinka Somaliland, ayaa sameeyey maalin doorasho tijaabo ah oo ay doonayaan inay ka qiyaas qaataan qaabka ay doorashadda u qabanayaan iyo sida ay dadku u fahansan yihiin doorashadan golaha deegaanka oo ka duwan tii hore.

5/17/2012 4:09 AM EST
Khamiis, May 17, 2012 (HOL) — Booliiska Kenya ayaa sheegay in ciidamada ammaanka Kenya ay ku qabteen deegaanka Niivasha ee galbeedka Kenya nin u dhashay dalka Jarmalka oo ay ku sheegeen inuu ka tirsan yahay islaamiyiinta mayalka-adag.

5/17/2012 3:33 AM EST
Khamiis, May 17, 2012 (HOL) — Madaxweynaha Puntland, Cabdiraxmaan Sheekh Maxamed Faroole ayaa sheegay inaysan ku qanacsanayn dastuurka cusub ee loo sameeyay Soomaaliya, kaasoo uu sheegay inaysan ku caddeyn awoodaha maamul goboleedyada dalka.