9/19/2018
Today from Hiiraan Online:  _
Wararka Maanta- Khamiis, May 17, 2012
Khilaaf salka ku haya muddada uu xilka haynayo Madaxweynaha Galmudug oo soo dhexgalay Baarlamaanka Maamulkaas


Khamiis, May 17, 2012 (HOL) — Muran ku saabsan xilliga uu xilka hayanayo madaxweynaha Galmudug, Maxamed Axmed Caalin ayaa soo dhexgalay baarlamaanka maamulkaas, iyadoo guddoomiyaha iyo guddoomiye ku xigeenku ay hadallo iska soo horjeeda siiyeen saxaafadda.

Guddoomiyaha baarlamaanka Galmudug, Xasan Maxamuud Heyl oo warbaahinta kula hadlya Gaalkacyo ayaa sheegay in xilka madaxweynaha Galmudug uu ku eg-yahay kowda bisha Ogoosto ee sanadkan, isagoo sheegay inaanay ogolaan doonin inuu xilka kororsado.

"Madaxweynaha xilligiisu waa gabo-gabo waana in doorasho la qabta inta aan la gaarin bisha Ogoosto ee sannadkan," ayuu ku taliyay guddoomiyaha baarlamaanka Galmudug oo ka digay in muddo korosi uu sameysto madaxweynaha.

Intaas kaddib ayaa waxaa isna saxaafadda la hadlay guddoomiye ku xigeenka baarlamaanka Galmudug, Cowke Xaaji C/raxmaan isagoo sheegay in muddada uu xilka haynayo madaxweynaha Galmudug ay ku eg-tahay sannadka soo socda 2013 isagoo ka digay in muddadaas ka hor doorasho la qabto.

"Xilliga madaxweynuhu xilka haynayo waa mid ku cad dastuurka, waana 2013, inta ka horreysa haddii doorasho la sameeyo waxay taasi abuuri kartaa qalalaase," ayuu yiri guddoomiye ku xigeenka baarlamaanka Galmudug.

Murankan ayaa wuxuu imaanayaa iyadoo dhawaan la xalliyay khilaaf ay xilalka isaga qaadeen madaxweynaha Galmudug iyo guddoomiyaha baarlamaanka Galmudug, kaas oo keentay inay xilalkooda iska casilaan wasiirro badan.

Maxamed Xaaji Xuseen, Hiiraan Online
[email protected]
Muqdisho, Soomaaliya





Click here
5/17/2012 8:32 AM EST
Khamiis, May 17, 2012 (HOL) — Hadal uu danjire Ingiriiska ee Qaramada Midoobay, Philip Parham ka jeediyay shirkii golaha ammaanka ee Ummadaha Midoobay ay kaga hadleen Soomaaliya ayaa soo jeediyay in mudnaanta koowaad la siiyo geeddi-socodka siyaasadda dalka Soomaaliya, isagoo u digay kuwa doonaya inay carqaladeeyaan geeddi-socodka nabadda.

5/17/2012 7:18 AM EST
Khamiis, May 17, 2012 (HOL) — Wajiga saddexaad dood-cilmiyeed looga hadlayay xiriirka ka dhaxeeya waalidka iyo macallinka ayaa maanta lagu soo gaba-gabeeyay magaalada Muqdisho, kaasoo ay kasoo qayb-galeen culumaa'udiin, macallimiin iyo waalidiin.

5/17/2012 4:38 AM EST
Khamiis, May 17, 2012 (HOL) — Diyaarad ay la socdeen wafdi uu hoggaaminayo afhayeenka baarlamaanka Soomaaliya ahna ku-simaha madaxweynaha, Shariif Xasan Sheekh Aadan ayaa goor dhaweyd ka dagtay garoonka diyaaradaha ee magaalada Baydhabo.

5/17/2012 4:25 AM EST
Khamiis, May 17, 2012 (HOL) — Gudoomiyaha Maxkamadda sare ee Milatariga Somaliland, Col.Yuusuf Faarax Sharmarke ayaa Dablay hubaysan oo weerar ku soo qaaday Ciidanka Milatariga Somaliland xukuno kala duwan ku xukuntay, ka dib markii eedihii lagu soo eedeeyey ay uu sheegay inay qirteen maxaabiistu.

5/17/2012 4:23 AM EST
Khamiis, May 17, 2012 (HOL) — Diyaarad ay leedahay shirkadda Turkish Airlines oo rakaab u soo waday Soomaaliya ayaa dib ugu laabtay magaalada Istanbuul kaddib markii ay ku degi waday garoonka diyaaradaha ee Muqdisho.

5/17/2012 4:11 AM EST
Khamiis, May 17, 2012 (HOL) — Guddiga doorashooyinka Somaliland, ayaa sameeyey maalin doorasho tijaabo ah oo ay doonayaan inay ka qiyaas qaataan qaabka ay doorashadda u qabanayaan iyo sida ay dadku u fahansan yihiin doorashadan golaha deegaanka oo ka duwan tii hore.

5/17/2012 4:09 AM EST
Khamiis, May 17, 2012 (HOL) — Booliiska Kenya ayaa sheegay in ciidamada ammaanka Kenya ay ku qabteen deegaanka Niivasha ee galbeedka Kenya nin u dhashay dalka Jarmalka oo ay ku sheegeen inuu ka tirsan yahay islaamiyiinta mayalka-adag.

5/17/2012 3:59 AM EST
Khamiis, May 17, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay inay wadahadallo kula jiraan odayaashii Puntland ee ka baxay shirka ka socda Muqdisho, si ay howshu u sii socoto.

5/17/2012 3:33 AM EST
Khamiis, May 17, 2012 (HOL) — Madaxweynaha Puntland, Cabdiraxmaan Sheekh Maxamed Faroole ayaa sheegay inaysan ku qanacsanayn dastuurka cusub ee loo sameeyay Soomaaliya, kaasoo uu sheegay inaysan ku caddeyn awoodaha maamul goboleedyada dalka.