9/23/2018
Today from Hiiraan Online:  _
Wararka Maanta- Khamiis, May 17, 2012
Madaxweynaha Puntland oo sheegay inay dalbadeen in Addis Ababa lagu qabto shir looga hadlayo Dastuurka Soomaaliya


Khamiis, May 17, 2012 (HOL) — Madaxweynaha Puntland, Cabdiraxmaan Sheekh Maxamed Faroole ayaa sheegay inaysan ku qanacsanayn dastuurka cusub ee loo sameeyay Soomaaliya, kaasoo uu sheegay inaysan ku caddeyn awoodaha maamul goboleedyada dalka.

C/raxmaan Faroole oo wareysi siiyay BBC-da ayaa sheegay inay dalabadeen in la isugu yimaado magaalada Addis Ababa si loo turxaan-bixiyo dastuurka oo uu xusay inaysan ku caddeyn awood-qaybsiga dhaqaalaha iyo siyaasadda.

"Haddaan dastuur jirin waxba ma jiraan, inta odayaal lagu shiriyo Muqdisho oo loo sheekeeyo iyadoo la geesmarayo shirarkii hore ma filayo in taasina ay noqon karto suuro-gal," ayuu yiri madaxweynaha Puntland

Madaxweyne Faroole wuxuu sheegay in dowladda KMG ah ay dhowr jeer ka dhego-adaygtay in Puntland ay guddiyada dastuurka ka shaqeynaya qayb ku yeellanno, isagoo xusay in taas badalkeeda ay isku halleynayeen ra'isul wasaaraha Soomaaliya iyo wasiirka dastuurka iyo arrimaha federaalka oo kasoo jeeda Puntland.

"Waxyaabihii aan la yaabnay waxay ahayd markii 30-kii Apriil naloo keenay dastuur aysan ku caddeyn Federaalka, sidoo kalena aan qeexayn awoodaha siyasaadda, dhaqaalaha iyo adeegga dowladda," ayuu yiri Faroole oo intaas ku daray in taasi ay ahayd middii keentay inay ka biyo diidaan dastuurka.

Mar la weydiiyay in laga qanciyay cabashadooda iyo in kale ayuu sheegay inaysan jirin wax laga qanciyay, balse ay sugayaan in shir lagu qabto Addis Ababa si looga saaro dastuurka loo xanaf-tiro, isagoo sheegay in eedda cabashada ay mas'uul ka yihiin dadkii qoray.

Hadalka madaxweynaha Faroole ayaa imaanaya xilli ra'iisul wasaaraha Soomaaliya, C/weli Maxamed Cali uu sheegay in cabashada Puntland ay ka mid tahay midda ay qabaan dadka Soomaaliyeed, markii dastuurka la ansixiyana wax ka bedel lagu sameyn doono.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/17/2012 8:32 AM EST
Khamiis, May 17, 2012 (HOL) — Hadal uu danjire Ingiriiska ee Qaramada Midoobay, Philip Parham ka jeediyay shirkii golaha ammaanka ee Ummadaha Midoobay ay kaga hadleen Soomaaliya ayaa soo jeediyay in mudnaanta koowaad la siiyo geeddi-socodka siyaasadda dalka Soomaaliya, isagoo u digay kuwa doonaya inay carqaladeeyaan geeddi-socodka nabadda.

5/17/2012 7:53 AM EST
Khamiis, May 17, 2012 (HOL) — Muran ku saabsan xilliga uu xilka hayanayo madaxweynaha Galmudug, Maxamed Axmed Caalin ayaa soo dhexgalay baarlamaanka maamulkaas, iyadoo guddoomiyaha iyo guddoomiye ku xigeenku ay hadallo iska soo horjeeda siiyeen saxaafadda.

5/17/2012 7:18 AM EST
Khamiis, May 17, 2012 (HOL) — Wajiga saddexaad dood-cilmiyeed looga hadlayay xiriirka ka dhaxeeya waalidka iyo macallinka ayaa maanta lagu soo gaba-gabeeyay magaalada Muqdisho, kaasoo ay kasoo qayb-galeen culumaa'udiin, macallimiin iyo waalidiin.

5/17/2012 4:38 AM EST
Khamiis, May 17, 2012 (HOL) — Diyaarad ay la socdeen wafdi uu hoggaaminayo afhayeenka baarlamaanka Soomaaliya ahna ku-simaha madaxweynaha, Shariif Xasan Sheekh Aadan ayaa goor dhaweyd ka dagtay garoonka diyaaradaha ee magaalada Baydhabo.

5/17/2012 4:25 AM EST
Khamiis, May 17, 2012 (HOL) — Gudoomiyaha Maxkamadda sare ee Milatariga Somaliland, Col.Yuusuf Faarax Sharmarke ayaa Dablay hubaysan oo weerar ku soo qaaday Ciidanka Milatariga Somaliland xukuno kala duwan ku xukuntay, ka dib markii eedihii lagu soo eedeeyey ay uu sheegay inay qirteen maxaabiistu.

5/17/2012 4:23 AM EST
Khamiis, May 17, 2012 (HOL) — Diyaarad ay leedahay shirkadda Turkish Airlines oo rakaab u soo waday Soomaaliya ayaa dib ugu laabtay magaalada Istanbuul kaddib markii ay ku degi waday garoonka diyaaradaha ee Muqdisho.

5/17/2012 4:11 AM EST
Khamiis, May 17, 2012 (HOL) — Guddiga doorashooyinka Somaliland, ayaa sameeyey maalin doorasho tijaabo ah oo ay doonayaan inay ka qiyaas qaataan qaabka ay doorashadda u qabanayaan iyo sida ay dadku u fahansan yihiin doorashadan golaha deegaanka oo ka duwan tii hore.

5/17/2012 4:09 AM EST
Khamiis, May 17, 2012 (HOL) — Booliiska Kenya ayaa sheegay in ciidamada ammaanka Kenya ay ku qabteen deegaanka Niivasha ee galbeedka Kenya nin u dhashay dalka Jarmalka oo ay ku sheegeen inuu ka tirsan yahay islaamiyiinta mayalka-adag.

5/17/2012 3:59 AM EST
Khamiis, May 17, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay inay wadahadallo kula jiraan odayaashii Puntland ee ka baxay shirka ka socda Muqdisho, si ay howshu u sii socoto.