9/20/2018
Today from Hiiraan Online:  _
Wararka Maanta- Khamiis, May 17, 2012
Diyaarad Turkish Airline ah oo rakaab ay Soomaaliya u wadday ku celisay Istanbuul kaddib markii ay ku degi waday Garoonka Muqdisho


Khamiis, May 17, 2012 (HOL) — Diyaarad ay leedahay shirkadda Turkish Airlines oo rakaab u soo waday Soomaaliya ayaa dib ugu laabtay magaalada Istanbuul kaddib markii ay ku degi waday garoonka diyaaradaha ee Muqdisho.

Warar kala duwan ayaa kasoo baxaya sababaha ay diyaaraddu ugu degi waday garoonka diyaaradaha ee Muqdisho, iyadoo wararka qaarkood ay sheegayaan inuu jiro khilaaf soo dhexgalay diyaaradda iyo shaqaalaha socdaalka, halka warar kalena ay sheegayaan inay cillad awgeed ugu degi waday garoonka diyaaradaha Xamar.

"Ma ahan markii ugu horreysay oo diyaaradda Turkish Airlines ay ku degi-wayday garoonka diyaaradaha Muqdisho balse waa markii saddexaad, waxaana sabab u ahaa cillad farsamo," ayuu yiri Cali Yare oo ah wakiilka Turkish Airlines ee Somalia.

Wakiilku wuxuu hadalkiisa ku daray in diyaaraddu ay saddex jeer ku dul wareegtay garoonka markaas kaddibna ay dibna ay u duushay Addis Ababa halkaasoo ay ku dagtay, isagoo xusay in rakaabkii iyo diyaaraddii ay dib ugu laabteen Turkiga.

"Rakaabka la socday diyaaradda waxay tiradoodu ahayd 150-ruux oo isugu jiray Soomaali iyo ajnabi Muqdisho u soo socday, waxayna la keeni doonaa Muqdisho," ayuu yiri wakiilka Turkish Airlines.

Shirkadda diyaaradaha Turkish Airlines ayaa waxay bishii Maarso ee sannadkan ka billowday Soomaaliya duulimaadyo caalami ah oo ay toddobaadkiiba laba jeer ku imaanayso Muqdisho taasoo ay si weyn u soo dhaweeyeen shacabka Soomaaliyeed.

Ma jiro hadal kasoo baxay waaxda socdaalka ee garoonka diyaaradaha Muqdisho taasoo ku saabsan sababihii keentay in diyaaradda Turkish Airlines ay kasoo dagto garoonka diyaaradaha ee Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/17/2012 8:32 AM EST
Khamiis, May 17, 2012 (HOL) — Hadal uu danjire Ingiriiska ee Qaramada Midoobay, Philip Parham ka jeediyay shirkii golaha ammaanka ee Ummadaha Midoobay ay kaga hadleen Soomaaliya ayaa soo jeediyay in mudnaanta koowaad la siiyo geeddi-socodka siyaasadda dalka Soomaaliya, isagoo u digay kuwa doonaya inay carqaladeeyaan geeddi-socodka nabadda.

5/17/2012 7:53 AM EST
Khamiis, May 17, 2012 (HOL) — Muran ku saabsan xilliga uu xilka hayanayo madaxweynaha Galmudug, Maxamed Axmed Caalin ayaa soo dhexgalay baarlamaanka maamulkaas, iyadoo guddoomiyaha iyo guddoomiye ku xigeenku ay hadallo iska soo horjeeda siiyeen saxaafadda.

5/17/2012 7:18 AM EST
Khamiis, May 17, 2012 (HOL) — Wajiga saddexaad dood-cilmiyeed looga hadlayay xiriirka ka dhaxeeya waalidka iyo macallinka ayaa maanta lagu soo gaba-gabeeyay magaalada Muqdisho, kaasoo ay kasoo qayb-galeen culumaa'udiin, macallimiin iyo waalidiin.

5/17/2012 4:38 AM EST
Khamiis, May 17, 2012 (HOL) — Diyaarad ay la socdeen wafdi uu hoggaaminayo afhayeenka baarlamaanka Soomaaliya ahna ku-simaha madaxweynaha, Shariif Xasan Sheekh Aadan ayaa goor dhaweyd ka dagtay garoonka diyaaradaha ee magaalada Baydhabo.

5/17/2012 4:25 AM EST
Khamiis, May 17, 2012 (HOL) — Gudoomiyaha Maxkamadda sare ee Milatariga Somaliland, Col.Yuusuf Faarax Sharmarke ayaa Dablay hubaysan oo weerar ku soo qaaday Ciidanka Milatariga Somaliland xukuno kala duwan ku xukuntay, ka dib markii eedihii lagu soo eedeeyey ay uu sheegay inay qirteen maxaabiistu.

5/17/2012 4:11 AM EST
Khamiis, May 17, 2012 (HOL) — Guddiga doorashooyinka Somaliland, ayaa sameeyey maalin doorasho tijaabo ah oo ay doonayaan inay ka qiyaas qaataan qaabka ay doorashadda u qabanayaan iyo sida ay dadku u fahansan yihiin doorashadan golaha deegaanka oo ka duwan tii hore.

5/17/2012 4:09 AM EST
Khamiis, May 17, 2012 (HOL) — Booliiska Kenya ayaa sheegay in ciidamada ammaanka Kenya ay ku qabteen deegaanka Niivasha ee galbeedka Kenya nin u dhashay dalka Jarmalka oo ay ku sheegeen inuu ka tirsan yahay islaamiyiinta mayalka-adag.

5/17/2012 3:59 AM EST
Khamiis, May 17, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/raxmaan Xoosh Jabriil ayaa sheegay inay wadahadallo kula jiraan odayaashii Puntland ee ka baxay shirka ka socda Muqdisho, si ay howshu u sii socoto.

5/17/2012 3:33 AM EST
Khamiis, May 17, 2012 (HOL) — Madaxweynaha Puntland, Cabdiraxmaan Sheekh Maxamed Faroole ayaa sheegay inaysan ku qanacsanayn dastuurka cusub ee loo sameeyay Soomaaliya, kaasoo uu sheegay inaysan ku caddeyn awoodaha maamul goboleedyada dalka.