3/28/2024
Today from Hiiraan Online:  _
Wararka Maanta- Khamiis, Jun 14, 2012
Madaxweynaha Somalia oo dalacsiiyay in ka badan 200-sarkaal oo ka tirsan Ciidanka Asluubta Soomaaliyeed

Khamiis, June 14, 2012 (HOL) — Madaxweynaha Soomaaliya, Shariif Sheekh Axmed ayaa maanta dalacsiiyay 241 sarkaal oo ka tirsan ciidanka asluubta Soomaaliyeed, waxaana saraakiisha ay darajooyinkooda u dhexeeyaan G/sare illaa Xiddigle.

Xafladda looga dhawaaqayay ciidamadan la dallacsiiyay oo ka dhacday xabsiga dhexe ee Muqdisho ayaa waxaa goobjoog ka ahaa saraakiil ka tirsan dowladda KMG ah iyo mas'uuliyiin kale oo dowladda ka socday.

"Maanta waxaa farxad weyn inoo ah in madaxweynaha Qaranku dallacsiiyay 241 sarkaal oo ka tirsan ciidanka booliiska Soomaaliya, waxaana darajada G/sare u dallacay 14-sarkaal, G/dhexe waxaa u dallacay 12-sarkaal, Gaashaanle waxaa u dallacay 14-sarkaal, dhamme waxaa noqday 31-sarkaal, laba xiddigle waxaa noqday 41-sarkaal, xiddiglena waxaa noqday 129-sarkaal," ayuu yiri taliyaha ciidamada asluubta, Jen. Cabdi Maxamed Ismaaciil oo xafladda ka hadlay.

Taliyuhu wuxuu sheegay in mar haddii waajibkii ay dowladda ku lahaayeen la siiyay loo baahan yahay inay iyaguna dardar-geliyaan howlahooda, isagoo intaas ku daray inuu booqday xarumihii ay ciidanka asluubtu ku lahaayeen gobolka Shabeellada hoose.

"Maalmo dhawed waxaan booqannay xarumaha ciidanka Asluubtu ay ku leeyihiin gobolka Shabeellada hoose sida xaruntii wiilasha ee Lafoole iyo xaruntii gabdhaha ee Afgooye, waxaana qorshuhu yahay in ciidanku uu dib uga howlgalo," ayuu yiri Jen. Cabdi Ismaaciil.

Ugu dambeyn, taliyuhu wuxuu sheegay inay socdaan qorshayaal lagu doonayo in xarumahaas looga saaro dadka daggan dib u dhisna loogu sameeyo si ay ciidanku ugu shaqeeyaan, iyadoo dallacsiintan ay noqonayso tii ugu horreysay oo lagu dallacsiiyo ciidanka asluubta Soomaaliyeed.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/14/2012 8:07 AM EST
Khamiis, June, 14, 2012 (HOL) – Waxaa maanta ka degay garoonka diyaaradaha Ugaas Khaliif ee magaalada Beledweyne wafdi balaaran oo uu hogaaminayay wasiirrka wasaarrada arrimaha gudaha iyo amniga Qaranka dowladda KMG C/samad Macalin Maxamuud

6/14/2012 8:06 AM EST
Degmada Galdogob ee gobolka Mudug ayaa guddi loo xilsaaray ay soo gabagabeeyeen daraasaynta dhulkii loogu talogalay dhismayaasha kastam cusub oo lagu canshuuro gawaarida isaga kala gooshta Soomaaliya iyo gobolka ismaamulka Soomaalida ee Itoobiya.

6/14/2012 7:39 AM EST
Khamiis, June 14, 2012 (HOL) — Maamulka Somaliland ayaa maanta sheegay inay u magacaabeen shan xubnood oo cusub oo uga qaybgalaya wadahadallo la filayo inay dhawaan ka dhacaan London oo ay la yeeshaan dowaldda KMG ah ee Soomaaliya.

6/14/2012 7:18 AM EST
Khamiis, June 14, 2012 (HOL) — Ururka Midowga Afrika ayaa maanta sheegay inay ciidammo booliis ah oo gaaraya 280 kana socda dallaka Uganda iyo Nigeria la geyn doonto Muqdisho si ay gacan u siiyaan ciidamada booliiska Soomaaliya.

6/14/2012 6:32 AM EST
Khamiis, June 14, 2012 (HOL) — Madaxweynaha Somaliland, Md:Axmed Maxamed Maxamuud Siillaanyo ayaa xafiiskiisa kulan kulayeeshay Toddobadda magaallo ee ugu waaweyn Somaliland maayiradoodda, kuwaas oo uu kula dardaarmay inay hawlaha ay u hayaan magaalooyinka ay madaxda ka yihiin inay si fiican oo cadaaladda leh ugu shaqayaan, nabadgalyaddana si weyn u xoojiyaan.

6/14/2012 3:54 AM EST
Khamiis, June 14, 2012 (HOL) — Wafdi uu hoggaaminayo wasiirka arrimaha gudaha iyo ammaanka Qaranka ee dowladda KMG ah, Cabdisamad Macallin Maxamuud ayaa maanta u dhoofay magaalada Baladweyne ee xarunta gobolka Hiiraan.

6/14/2012 2:09 AM EST
Khamiis, June 14, 2012 (HOL) — Laba qof ayaa ku dhintay qarax xalay ka dhacay degmada Howlwadaag ee gobolka Banaadir, iyadoo saraakiisha booliiska Soomaaliya ay sheegeen saakay in labada qof ee qaraxaas ku dhintay ay ka mid ahaayeen xoogagga Al-shabaab.

6/14/2012 2:08 AM EST
Khamiis, June 14, 2012 (HOL) — Dood-cilmiyeed looga hadlayay kobcinta iyo tayeynta fanka Soomaaliyeed oo muddo labo maalmood soconayay ayaa lagu soo gaba-gabeeyay xarunta hay'adda cilmi-baarista iyo wada-tashiga ee CRD, waxaana kulankaas ka qaybgalay abwaanno, fannaaniin, muusikatayaal, iyo jilayaal.

6/14/2012 2:05 AM EST
Khamiis, June 14, 2012 (HOL) — Dagaalyahanno Soomaali ah oo la sheegay inay ka barbar dagaalamayeen ururka Ansaarul-sunna ee dalka Yemen oo taabacsan ururka Al-Qaacida ayaa lagu dilay duqeymo diyaaradeed oo ka dhacay Koonfurta dalka Yemen.