8/20/2019
Today from Hiiraan Online:  _
Wararka Maanta- Khamiis, Jun 14, 2012
Qarax khasaare nafeed geystay oo xalay ka dhacay Muqdisho iyo Booliiska Dowladda KMG ah oo ka hadlay


Khamiis, June 14, 2012 (HOL) — Laba qof ayaa ku dhintay qarax xalay ka dhacay degmada Howlwadaag ee gobolka Banaadir, iyadoo saraakiisha booliiska Soomaaliya ay sheegeen saakay in labada qof ee qaraxaas ku dhintay ay ka mid ahaayeen xoogagga Al-shabaab.

Afhayeenka booliiska Soomaaliya, Jen. C/llaahi Xasan Bariise ayaa sheegay in labada qof ee qaraxaas ku dhintay ay dhawaan kasoo guureen deegaanka Lafoole oo ka mid ah deegaannada ku yaalla inta u dhexeysa Muqdisho iyo Afgooye.

"Labada qof ee ku dhintay qaraxa la sameynayay oo ahaa nin iyo xaaskiisa laguna kala magacaabi jiray: Cabdi-kaafi iyo Shukri C/qaadir, waxayna labadan qof markii hore isku ekeysiiyeen inay ahaayeen laba qof oo shacab ah, balse ay ka mid ahaayeen Al-shabaab," ayuu yiri Jen. Bariise.

Sidoo kale, afhayeenka ciidanka booliiska ahna madaxa waaxda dambi-baarista booliiska Soomaaliya ee CID, ayaa sheegay in guriga uu qaraxu ka dhacay ay ka heleen waxyaabo kale oo qarxa, iyadoo aanay jirin wax khasaare ah oo soo gaaray dadkii gurigaas wax ka degenaa.

Goobjoogayaal ku sugan xaafadda qaraxu ka dhacay ayaa sheegay in qaraxu ahaa mid aad u xoog badan, waxaana falkan uu noqonayaa kii ugu horreeyay oo degmadaas ka dhaca tan iyo markii ay xoogagga Al-shabaab isaga baxeen sannadkii hore.

Ugu dambeyn, saraakiisha booliiska Soomaaliya waxay sheegeen inay baaris intaan ka badan sameynayaan si ay u ogaadaan halka laga soo abaabulay howshan iyo goobta lala damacsanaa in lagu weeraro.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/14/2012 8:07 AM EST
Khamiis, June, 14, 2012 (HOL) – Waxaa maanta ka degay garoonka diyaaradaha Ugaas Khaliif ee magaalada Beledweyne wafdi balaaran oo uu hogaaminayay wasiirrka wasaarrada arrimaha gudaha iyo amniga Qaranka dowladda KMG C/samad Macalin Maxamuud

6/14/2012 8:06 AM EST
Degmada Galdogob ee gobolka Mudug ayaa guddi loo xilsaaray ay soo gabagabeeyeen daraasaynta dhulkii loogu talogalay dhismayaasha kastam cusub oo lagu canshuuro gawaarida isaga kala gooshta Soomaaliya iyo gobolka ismaamulka Soomaalida ee Itoobiya.

6/14/2012 8:05 AM EST
Khamiis, June 14, 2012 (HOL) — Madaxweynaha Soomaaliya, Shariif Sheekh Axmed ayaa maanta dalacsiiyay 241 sarkaal oo ka tirsan ciidanka asluubta Soomaaliyeed, waxaana saraakiisha ay darajooyinkooda u dhexeeyaan G/sare illaa Xiddigle.

6/14/2012 7:39 AM EST
Khamiis, June 14, 2012 (HOL) — Maamulka Somaliland ayaa maanta sheegay inay u magacaabeen shan xubnood oo cusub oo uga qaybgalaya wadahadallo la filayo inay dhawaan ka dhacaan London oo ay la yeeshaan dowaldda KMG ah ee Soomaaliya.

6/14/2012 7:18 AM EST
Khamiis, June 14, 2012 (HOL) — Ururka Midowga Afrika ayaa maanta sheegay inay ciidammo booliis ah oo gaaraya 280 kana socda dallaka Uganda iyo Nigeria la geyn doonto Muqdisho si ay gacan u siiyaan ciidamada booliiska Soomaaliya.

6/14/2012 6:32 AM EST
Khamiis, June 14, 2012 (HOL) — Madaxweynaha Somaliland, Md:Axmed Maxamed Maxamuud Siillaanyo ayaa xafiiskiisa kulan kulayeeshay Toddobadda magaallo ee ugu waaweyn Somaliland maayiradoodda, kuwaas oo uu kula dardaarmay inay hawlaha ay u hayaan magaalooyinka ay madaxda ka yihiin inay si fiican oo cadaaladda leh ugu shaqayaan, nabadgalyaddana si weyn u xoojiyaan.

6/14/2012 3:54 AM EST
Khamiis, June 14, 2012 (HOL) — Wafdi uu hoggaaminayo wasiirka arrimaha gudaha iyo ammaanka Qaranka ee dowladda KMG ah, Cabdisamad Macallin Maxamuud ayaa maanta u dhoofay magaalada Baladweyne ee xarunta gobolka Hiiraan.

6/14/2012 2:08 AM EST
Khamiis, June 14, 2012 (HOL) — Dood-cilmiyeed looga hadlayay kobcinta iyo tayeynta fanka Soomaaliyeed oo muddo labo maalmood soconayay ayaa lagu soo gaba-gabeeyay xarunta hay'adda cilmi-baarista iyo wada-tashiga ee CRD, waxaana kulankaas ka qaybgalay abwaanno, fannaaniin, muusikatayaal, iyo jilayaal.

6/14/2012 2:05 AM EST
Khamiis, June 14, 2012 (HOL) — Dagaalyahanno Soomaali ah oo la sheegay inay ka barbar dagaalamayeen ururka Ansaarul-sunna ee dalka Yemen oo taabacsan ururka Al-Qaacida ayaa lagu dilay duqeymo diyaaradeed oo ka dhacay Koonfurta dalka Yemen.