7/17/2019
Today from Hiiraan Online:  _
Wararka Maanta- Khamiis, Jun 14, 2012
Dagaalyahanno Soomaali ah oo lagu dilay duqeyn diyaaradeed oo ka dhacay Gobolka Shabwa ee Koonfurta dalka Yemen


Khamiis, June 14, 2012 (HOL) — Dagaalyahanno Soomaali ah oo la sheegay inay ka barbar dagaalamayeen ururka Ansaarul-sunna ee dalka Yemen oo taabacsan ururka Al-Qaacida ayaa lagu dilay duqeymo diyaaradeed oo ka dhacay Koonfurta dalka Yemen.

Duqeyntan oo dhacday shalay oo Arbaco ahayd ayay dowladda Yemen inay iyadu fulisay laguna dilay 30-qof, iyadoo wararka laga helayo deegaankaas ay intaas ku darayaan in lix qof oo ka mid ah dadkaas lagu dilay duqeynta ay ahaayeen Somali.

Goobjoogayaal ku sugan deegaanka Cazaama ee gobolka Shabwa oo ahayd halkii ay duqeyntu ka dhacday ayaa waxay sheegeen in lixda qof ee Soomaalida oo dhintay ay ahaayeen kuwo hubeysan.

Sidoo kale, goobjoogayaashu waxay sheegeen inaysan duqeyntaas wax khasaare ah kasoo gaarin Soomaalida ka shaqeysta deegaankaas, balse waxay wararku sheegayaan inay lasoo daristay cabsi weyn oo ku saabsan in dadka deegaankaas ku nool ay dhibaatooyin u geystaan.

Dowladda Yemen weli ma xaqiijin in duqeyntaas ay ku dileen dagaalyahanno Soomaali ah, waxaase ay dowladdu horay u sheegtay inay dagaalyahanno Soomaali ah horay ugu dileen dagaallo ka dhacay magaalooyinka Jacaar iyo Zinjibaar oo ka tirsan gobolka Abyan ee dalka Yemen.

Dalka Yemen oo xuduud-badeed la wadaaga Soomaaliya ayaa waxaa horay loo sheegay inay gaareen dagaalyahanno Soomaali ah oo ka tirsan Al-shabaab si ay uga barbar dagaalamaan xoogagga Islaamiyiinta ah ee ka horjeeda dowladda.

Hoggaamiye ka tirsan Al-shabaab, Sheekh Mukhtaar Rooboow Abuu-Mansuur ayaa horay uga sheegay Soomaaliya inay xoogaga ka tirsan Al-shabaab u dirayaan dalka Yemen si ay u caawiyaan xoogagga Ansaarul-sunna ee dalka Yemen.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/14/2012 8:07 AM EST
Khamiis, June, 14, 2012 (HOL) – Waxaa maanta ka degay garoonka diyaaradaha Ugaas Khaliif ee magaalada Beledweyne wafdi balaaran oo uu hogaaminayay wasiirrka wasaarrada arrimaha gudaha iyo amniga Qaranka dowladda KMG C/samad Macalin Maxamuud

6/14/2012 8:06 AM EST
Degmada Galdogob ee gobolka Mudug ayaa guddi loo xilsaaray ay soo gabagabeeyeen daraasaynta dhulkii loogu talogalay dhismayaasha kastam cusub oo lagu canshuuro gawaarida isaga kala gooshta Soomaaliya iyo gobolka ismaamulka Soomaalida ee Itoobiya.

6/14/2012 8:05 AM EST
Khamiis, June 14, 2012 (HOL) — Madaxweynaha Soomaaliya, Shariif Sheekh Axmed ayaa maanta dalacsiiyay 241 sarkaal oo ka tirsan ciidanka asluubta Soomaaliyeed, waxaana saraakiisha ay darajooyinkooda u dhexeeyaan G/sare illaa Xiddigle.

6/14/2012 7:39 AM EST
Khamiis, June 14, 2012 (HOL) — Maamulka Somaliland ayaa maanta sheegay inay u magacaabeen shan xubnood oo cusub oo uga qaybgalaya wadahadallo la filayo inay dhawaan ka dhacaan London oo ay la yeeshaan dowaldda KMG ah ee Soomaaliya.

6/14/2012 7:18 AM EST
Khamiis, June 14, 2012 (HOL) — Ururka Midowga Afrika ayaa maanta sheegay inay ciidammo booliis ah oo gaaraya 280 kana socda dallaka Uganda iyo Nigeria la geyn doonto Muqdisho si ay gacan u siiyaan ciidamada booliiska Soomaaliya.

6/14/2012 6:32 AM EST
Khamiis, June 14, 2012 (HOL) — Madaxweynaha Somaliland, Md:Axmed Maxamed Maxamuud Siillaanyo ayaa xafiiskiisa kulan kulayeeshay Toddobadda magaallo ee ugu waaweyn Somaliland maayiradoodda, kuwaas oo uu kula dardaarmay inay hawlaha ay u hayaan magaalooyinka ay madaxda ka yihiin inay si fiican oo cadaaladda leh ugu shaqayaan, nabadgalyaddana si weyn u xoojiyaan.

6/14/2012 3:54 AM EST
Khamiis, June 14, 2012 (HOL) — Wafdi uu hoggaaminayo wasiirka arrimaha gudaha iyo ammaanka Qaranka ee dowladda KMG ah, Cabdisamad Macallin Maxamuud ayaa maanta u dhoofay magaalada Baladweyne ee xarunta gobolka Hiiraan.

6/14/2012 2:09 AM EST
Khamiis, June 14, 2012 (HOL) — Laba qof ayaa ku dhintay qarax xalay ka dhacay degmada Howlwadaag ee gobolka Banaadir, iyadoo saraakiisha booliiska Soomaaliya ay sheegeen saakay in labada qof ee qaraxaas ku dhintay ay ka mid ahaayeen xoogagga Al-shabaab.

6/14/2012 2:08 AM EST
Khamiis, June 14, 2012 (HOL) — Dood-cilmiyeed looga hadlayay kobcinta iyo tayeynta fanka Soomaaliyeed oo muddo labo maalmood soconayay ayaa lagu soo gaba-gabeeyay xarunta hay'adda cilmi-baarista iyo wada-tashiga ee CRD, waxaana kulankaas ka qaybgalay abwaanno, fannaaniin, muusikatayaal, iyo jilayaal.