3/28/2024
Today from Hiiraan Online:  _
Wararka Maanta- Khamiis, Jun 14, 2012
Somaliland oo xubno cusub u magacowday Wadahadallada ay la yeelanayso Dowladda KMG ah ee Soomaaliya

Khamiis, June 14, 2012 (HOL) — Maamulka Somaliland ayaa maanta sheegay inay u magacaabeen shan xubnood oo cusub oo uga qaybgalaya wadahadallo la filayo inay dhawaan ka dhacaan London oo ay la yeeshaan dowaldda KMG ah ee Soomaaliya.

Wasiirka warfaafinta Somaliland isla markaana ah afhayeenka, Cabdi Yuusuf Ducaale ayaa sheegay inay kala hadli doonaan dowladda Soomaaliya mustaqbalka iyo wax wada-qabsiga, isagoo sheegay in go'aankii ay horay u qaateen ee ahaa inaysan ka go'een Soomaaliya uu yahay mid lama taabtaan ah.

Xubnaha ay Somaliland magacowday waxay kala yihiin:

  1. Maxamed Cabdullaahi Cumar, wasiirka arrimaha dibadda ee Somaliland
  2. Baashe Maxamed Faarax, guddoomiye ku xigeenka koowaad ee golaha wakiillada
  3. Faysal Cali Waraabe, guddoomiyaha xisbiga mucaaradka ah ee UCID
  4. Xirsi Xaashi Cali, Wasiirka madaxtooyada.
  5. Maxamuud Axmed Barre (Garaad), wasiirka shaqada iyo arrimaha bulshada.

Wasiirka wafaafinta Somaliland wuxuu sheegay in go'aanka ay kaga go'een Somalia inteeda kale uu yahay mid ay gaareen shacabka Somaliland, kaddib markii dhinaato ay kala kulmeen midowgii ay Soomaaliya la midoobeen sannadkii 1960-kii.

"Shirkan waa gogol xaar, waxaana dhici doona shirar kale oo midkan xiga," ayuu yiri wasiirka wafaafinta Somaliland oo sheegay in madaxbanaanidii ay ku dhawaaqeen ay tahay mid lama taabtaan aysanna kala hadli doonin xubnaha ka socda DKMG ah ee Soomaaliya.

Hadalkan ayaa wuxuu imaanayaa iyadoo ra'iisul wasaaraha Soomaaliya oo wareysi siiyay BBC-da isagoo ku sugan Nairobi uu sheegay inay meel wanaagsan marayaan wadahadalladii dhexmari lahaa dowladda KMG ah ee Soomaaliya iyo Somaliland.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/14/2012 8:07 AM EST
Khamiis, June, 14, 2012 (HOL) – Waxaa maanta ka degay garoonka diyaaradaha Ugaas Khaliif ee magaalada Beledweyne wafdi balaaran oo uu hogaaminayay wasiirrka wasaarrada arrimaha gudaha iyo amniga Qaranka dowladda KMG C/samad Macalin Maxamuud

6/14/2012 8:06 AM EST
Degmada Galdogob ee gobolka Mudug ayaa guddi loo xilsaaray ay soo gabagabeeyeen daraasaynta dhulkii loogu talogalay dhismayaasha kastam cusub oo lagu canshuuro gawaarida isaga kala gooshta Soomaaliya iyo gobolka ismaamulka Soomaalida ee Itoobiya.

6/14/2012 8:05 AM EST
Khamiis, June 14, 2012 (HOL) — Madaxweynaha Soomaaliya, Shariif Sheekh Axmed ayaa maanta dalacsiiyay 241 sarkaal oo ka tirsan ciidanka asluubta Soomaaliyeed, waxaana saraakiisha ay darajooyinkooda u dhexeeyaan G/sare illaa Xiddigle.

6/14/2012 7:18 AM EST
Khamiis, June 14, 2012 (HOL) — Ururka Midowga Afrika ayaa maanta sheegay inay ciidammo booliis ah oo gaaraya 280 kana socda dallaka Uganda iyo Nigeria la geyn doonto Muqdisho si ay gacan u siiyaan ciidamada booliiska Soomaaliya.

6/14/2012 6:32 AM EST
Khamiis, June 14, 2012 (HOL) — Madaxweynaha Somaliland, Md:Axmed Maxamed Maxamuud Siillaanyo ayaa xafiiskiisa kulan kulayeeshay Toddobadda magaallo ee ugu waaweyn Somaliland maayiradoodda, kuwaas oo uu kula dardaarmay inay hawlaha ay u hayaan magaalooyinka ay madaxda ka yihiin inay si fiican oo cadaaladda leh ugu shaqayaan, nabadgalyaddana si weyn u xoojiyaan.

6/14/2012 3:54 AM EST
Khamiis, June 14, 2012 (HOL) — Wafdi uu hoggaaminayo wasiirka arrimaha gudaha iyo ammaanka Qaranka ee dowladda KMG ah, Cabdisamad Macallin Maxamuud ayaa maanta u dhoofay magaalada Baladweyne ee xarunta gobolka Hiiraan.

6/14/2012 2:09 AM EST
Khamiis, June 14, 2012 (HOL) — Laba qof ayaa ku dhintay qarax xalay ka dhacay degmada Howlwadaag ee gobolka Banaadir, iyadoo saraakiisha booliiska Soomaaliya ay sheegeen saakay in labada qof ee qaraxaas ku dhintay ay ka mid ahaayeen xoogagga Al-shabaab.

6/14/2012 2:08 AM EST
Khamiis, June 14, 2012 (HOL) — Dood-cilmiyeed looga hadlayay kobcinta iyo tayeynta fanka Soomaaliyeed oo muddo labo maalmood soconayay ayaa lagu soo gaba-gabeeyay xarunta hay'adda cilmi-baarista iyo wada-tashiga ee CRD, waxaana kulankaas ka qaybgalay abwaanno, fannaaniin, muusikatayaal, iyo jilayaal.

6/14/2012 2:05 AM EST
Khamiis, June 14, 2012 (HOL) — Dagaalyahanno Soomaali ah oo la sheegay inay ka barbar dagaalamayeen ururka Ansaarul-sunna ee dalka Yemen oo taabacsan ururka Al-Qaacida ayaa lagu dilay duqeymo diyaaradeed oo ka dhacay Koonfurta dalka Yemen.