8/18/2022
Today from Hiiraan Online:  _
Wararka Maanta- Sabti, Oct 20, 2012
Ururrada Bulshada Rayidka ah ee Magaalada Marka oo yeeshay kulan ay uga hadleen Isbedelka ka dhacay degmadooda

Sabti, Oktoobar 20, 2012 (HOL) — Kulan oo looga hadlayay isbedelka ka dhacay degmada Marko kaddib markii Al-shabaab laga saaray ayaa waxaa ka qaybgalay waxgaradka, odayaal, dhallinyaro, aqoon-yahanno, haween iyo ganacsatada degmada.

Furitaanka kulanka ayaa waxaa ka hadlay maamulka Marka, kuwaasoo iyagu hoosta ka xariiqay kulamada noocaan ahi inay gacan ka geysan karaan horumarka bulshada ku dhaqan degmadaas oo 90-km koonfur kaga beegan Muqdisho.

Guddoomiyaha degmada Marka, Axmed Macallim C/raxmaan (Cukaash) ayaa kulanka ka sheegay in kulammadan ay billow yihiin horumarka bulshada ku dhaqan degmada Marko, wuxuuna ku booriyay ka qayb-galayaasha inay ka dhabeeyaan go'aannada ay kulanka ku gaarayaan.

"Waxaan idin kula dardaarmayaa inaad qaadataan barnaamijyo ka duwan kuwii ka jiri-jiray halkan markii ay Al-shabaab ka talinaysay, waxaadna diiradda saarteen nabadda," ayuu yiri Cukaash oo xusay inay xaaladda ammaan ee degmadu ay kasoo raynayso.

Kulankan ayaa waxaa soo qabanqaabisay hay'adda wadahadalka bulshada ee CCD, taasoo dhowrkii casho ee lasoo dhaafay ku qabtay degmadaas kulammo ay kaga tashanayeen aayahooda dhallinyarada, waayeelka iyo haweenka degmadaas ku nool.


"Maalin kasta waxaanu qabannaa dhallinyaro; waxaana marag madoonto ah inay yihiin kuwo ka mid ah dadka deegaanka, waayo qoyskii ugu liita qof ayaa uga jira Al-shabaab. Ogaada inaan la sii dayn doonin qofkii Al-shabaab ka tirsan ee la qabto," ayuu yiri guddoomiyaha degmada Marko.

C/llaahi Faarax Maxamed oo ah xiriiriyaha hay'adaha samafalka magaalada Marka ee gobolka Shabeellada hoose ayaa bulshada degmadaas ku nool ugu baaqay inay muujiyaan isku-duubni taasoo uu sheegay in lagu gaarayo nabad waarta haddii qof waliba xil iska saaro doorka uga aaddan adkeynta amniga.

"Dhallinyarada Marka ee Al-Shabaab ku biiray waxaan u ballanqaadayaa haddii ay kasoo laabtaan inaan u abuurno shaqooyin, gaar ahaan hay'adaha samafalka ee ka howlgala Marka," ayuu yiri Cabdullaahi Faarax oo dhinaca kale shaaca ka qaaday in hay'adaha ku sugan magaalada Marka ay yihiin kuwo aad u yar, balse xilliyada dhow ay dib ugu soo laaban doonaan.


Caaqil Cabdi Jeylaani Xuseen oo ka mid ah waxgaradka Marka ee kulanka ka hadlay ayaa sheegay in muhiimadda koowaad ay siinayaan nabad ka dhacda daegmada; wuxuuna tilmaamay in ururrada bulshada rayidka ah ee degmada ay kulamo joogto ah ka yeeshaan amniga magaalada iyagoo la kaashanaya ciidamada nabadgelyada.

"Maanta waxaynu joognaa iyadoo Al-shabaab aysan ka talinayn degmada kaddib afar sano oo ay gacanta ku hayeen," ayuu yiri Xersi Maxamed Kulane oo ka tirsan odayaasha degmada Marka, isla markaana ku sugnaa degmadaas intii Al-Shabaab ay gacan ku hayeen.

Sidoo kale, Xersi Kulane wuxuu sheegay in odayaasha degmada Marka qaarkood ay weli ku jirto cabsi ay ka qabaan in dhibaato uga timaaddo Al-Shabaab haddii ay ka hadlaan xaaladda degmada ay ku sugan tahay iyo sida loo baahan yahay inuu noqdo ammaankeeda.


"Al-shabaab waxay dhallinyarada ku borrin jireen aabahaa soo dil, adeerkaa soo dil, abtigaa soo dil; wiilkuna wuu aqbalayaa hadalladaas, Ilaah baan idinku dhaarshaye arrintaas ma saxbaa?" ayuu isweydiiyay nabadoonka oo sheegay in weli Marka ay ku sugan yihiin rag habaari jiray dowladda una duceyn jiray Al-shabaab.

Dhinaca kale; kulanka waxaa ka hadlay xubno ka socday ururrada bulshada rayidka degmada Marka, kuwaasoo iyagu tilmaamay tallaabooyinka ay tahay in la qaado mar haddii Al-shabaab laga saaray degmada, iyagoona dalbaday in kulammadan oo kale ay noqdaan kuwo joogto ah.








Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/20/2012 10:20 AM EST
Sabti, Oktoobar, 20, 2012 (HOL) – Saraakiisha ciidamada midowgga Africa AMISOM ee ka socda dalka Jabuuti iyo odayaasha dhaqanka gobollka Hiiraan ayaa maanta kulan ku yeeshay magaalada Baladweyne.

10/20/2012 8:47 AM EST
Sabti, October 20, 2012(HOL): Waxaa lagu soo gabo-gabeeyay caasimadda dalka Finland ee Helsinki shir laba maalmood socday kaasoo ay soo qaban qaabiyeen xubno ka socday dalladda (Nordic Union of Somali Peace and Development Organisations) oo ah dallad ay ku mideysan yihiin affar urur oo Soomaaliyeed kuwaasoo ka kala dhisan dalalka Norway, Swedan, Denmarka iyo Finland.

10/20/2012 8:26 AM EST
Sabti, Oktoobar 20, 2012 (HOL) — Afhayeenka Ciidamada AMISOM, Col. Cali Aadan Xumad oo maanta shir jaraa'id ku qabtay Muqdisho ayaa ka hadlay dhowr qodob oo ay ku jirto ammaanka Muqdisho, isagoo sheegay inay sii socon doonaan howlgallada ay waddo AMISOM inta laga gaaraya hadafka laga leeyahay.

10/20/2012 8:02 AM EST
Sabti, Oktoobar 20, 2012 (HOL) — Madaxweynaha Soomaaliya, Xasan Sheekh Maxamuud ayaa maanta warqadihii safiirnimo ka guddoomay danjiraha ay Midowga Yurub u soo magacaabeen Soomaaliya, Michele Cervone d'Urso; kaddib booqasho uu maanta ku yimid Muqdisho.

10/20/2012 7:02 AM EST
Sabti, Oktoobar 20, 2012 (HOL) — Iyadoo la filayo in sanad kadib ay Puntland ka qabsoomaan doorashooyin ku dhisan nidaamka axsaabta badan, ayaa waxaa soo badanaya tirada siyaasiyiinta sheegay in ay u tartami doonaan xilka madaxweyne nimada ee Puntland.

10/20/2012 6:54 AM EST
Sabti, Oktoobar 20, 2012 (HOL) — Dhallinyaro Soomaaliyeed oo ku nool waddanka Koonfur Afrika ayaa xalay dil ugu geystay wiil kale oo Soomaaliyeed oo magaciisa lagu soo koobay Bile, kaasoo ay dilkiisa u adeegsadeen tooreey ama billaawe.

10/20/2012 6:41 AM EST
Sabti, Oktoobar 20, 2012 (HOL) — Gellinkii danbe ee shalay waxaa magaalada Gaalkacayo ee xarunta gobolka Mudug soo gaarey, si weynna loogu soo dhoweeyey, Ra’iisul wasaarihii hore ee dalka Soomaaliya, Prof. xildhibaan Cabdiweli Maxamed Cali (Gaas).

10/20/2012 4:17 AM EST
Sabti, Oktoobar 20, 2012 (HOL) — Afhayeenka ciidamada AMISOM ayaa sheegay inay diyaar u yihiin inay ka baxaan garoonka kubadda cagta ee Muqdisho Stadium, kaddib markii xiriirka Soomaaliyeed ee kubadda cagta ay ka dalbadeen inay isaga baxaan garoonka si bisha Diseember ee sannadan ay uga billowdaan ciyaaraha kubada cagta.

10/20/2012 3:55 AM EST
Sabti, Oktoobar 20, 2012 (HOL) — Hay'adda Qoxootiga Adduunka ee UNHCR ayaa sheegtay inay korortay tirada qoxootiga Soomaaliyeed ee galaya dalka Itoobiya oo daris la ah Soomaaliya, iyadoo ha'yaddu ay sheegtay inay xeradii lixaad ka furayaan deegaanka Dollo-Adow ee Koonfurta dalka Itoobiya oo ay ku yaallaan xeryaha ay ku jiraan qoxootiga Soomaalida ah.

10/20/2012 3:32 AM EST
Sabti, Oktoobar 20, 2012 (HOL) — Ugu yaraan afar qof ayaa ku dhintay, toban kalena dhaawacyo ayaa kasoo gaaray qaraxyo shalay gallinkii dambe iyo xalay lagu kala weeraray goob ay ka socotay xaflad aroos oo ka tirsan degmada Hodan iyo maqaayad cunnada lagu cuno oo ku taalla degmada Huriwaa ee gobolka Banaadir.

10/20/2012 3:13 AM EST
Sabti, Oktoobar 20, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) oo khadka taleefoonka kula hadlayay Soomaalida ku nool dalka Sweden ayaa ka hadlay arrimo fara badan oo ay ka mid yihiin maamul u sameynta gobollada dalka iyo howlaha ay xukuumaddiisu qabanayso 100 maalmood ee ugu horreysa.

10/20/2012 3:12 AM EST
Sabti, Oktoobar 20, 2012 (HOL) — Askari ka tirsan ciidamada Kenya ayaa xalay lagu furay rasaas isagoo howl lagu sugayo ammaanka ka waday gudaha degmada Gaarisa ee gobolka Waqooyi-bari ee dalka Kenya, iyadoo la sheegay in askarigaas uu dhaawac fudud gaaray.

10/20/2012 3:11 AM EST
Sabti, Oktoobar 20, 2012 (HOL) — Kooxo hubeysan ayaa degmada Kismaayo ku dilay xalay nin ganacsade ah oo magaciisa lagu soo koobay Cali, kaasoo ka mid ahaa dadka ka ganacsada sariiraha, iyadoo sidoo kale uu xalay iska-horimaad xooggan uu isla xalay ka dhacay koontaroolka magaalada Kismaayo oo dhinaca waqooyi ku yaalla.

10/20/2012 2:29 AM EST
Sabti, October, 20, 2012 (HOL)- Madaxweyne Ku xigeenka Somaliland Md. CabdiRaxmaan Cabdilaahi Ismaaciil (Saylici), ayaa shalay galab u anbabaxay dalka Imaaraadka Carabta oo uu ku tagay socdaal fasax gaaban ah, isago ka dhoofay madaarka magaalada Berbera ee gobolka Saaxil.