Khamiis, Oktoobar 11, 2012 (HOL) — Wararka ka soo baxaya deegaannka Hobyo ee gobollka Mudug ayaa sheegaya in dagaal culus uu halkaa ku dhaxmaray ciidamo ka kala tirsan maamulada Ximin iyo Xeeb iyo Galmudug.
Wararku waxaa ay intaa ku darayaan in dagaallku uu bilaawday kadib markii ay ay gaareen deegaannka Hobyo ciidamo ka tirsan ilaalada madaxweynaha maamulka Galmudug Cabdi Xassan Cawaale Qeybdiid halka ciidamo ka tirsan maamulka Ximin iyo Xeeb oo ka biyo diiday tagista ciidamada Galmudug ee Hobyo ay isku dhaceen.
Sida uu HOL u sheegay Wariye ku sugan degmada Cadaado ee gobollka Galguduud waxaa jira khasaare ka dhashay dagaallka dhaxmaray labada dhinac, iyadoo wali ay is hor fadhiyaan ciidamada dirirtu dhaxmartay.
Wali kama aysan hadllin mas’uuliyiinta labada maamul Galmudug iyo Ximin iyo Xeeb dagaallka ka dhacay deegaannka Hobyo, kaasoo u muuqda mid salka ku haya maamulka deegaankaas.
Wararka qaar ayaa sheegaya in maamulka Galmudug uu qorsheynayo in dib loo furo degada Hobyo halka dhinaca Ximin iyo Xeeb ay arintaa ka biyo diidan yihiin.
C/raxmaan Diini, Hiiraan Online
[email protected]
Baladweyne, Soomaaliya
Ciidammo ka kala tirsan Maamullada Ximin iyo Xeeb iyo Gal-Mudug oo ku dagaalmay deegaanka Hobyo ee Gobolka Mudug
More News
- Milateriga Kenya oo sheegay inay Kismaayo ka heleen Xabaal ay ku Aasnaayeen Afar ka mid ah Ciidamada Milateriga Kenya
- Hay’adda ICRC oo Mucaawino u qeybisay dadkii ka barakacay Fatahaadihii Magaalada Baladweyne ee Gobolka Hiiraan
- Askar ka tirsan ciidamada dowladda Soomaaliya oo sadex qof dilay kaddib markii ay rasaas ku fureen gaari rakaab siday
- Saraakiisha Dowladda Soomaaliya ee Gobollada Jubbooyinka iyo Gedo oo ku hanjabay in Al-shabaab ay ka saarayaan Gobolladaas
- Kooxo hubeysan oo Sarkaal ciidanka dowlada ka tirsan ku dilay Degmada Wardhiigley iyo howgallo degmadaas laga sameeyay
- Ra'iisul Wasaaraha Soomaaliya oo sheegay inuu Nabadda ku Raadinayo dib u heshiiin soona dhisayo xukuumad tayo leh