11/19/2018
Today from Hiiraan Online:  _
Wararka Maanta- Khamiis, May 24, 2012
Hay'adda Nabad-sugidda DKMG ah oo soo bandhigtay wiil uu dhalay Sarkaal ka tirsan Al-shabaab oo kusoo biiray Dowladda


Khamiis, May 24, 2012 (HOL) — Hay’adda nabad-sugidda DKMG ah ee Soomaaliya ayaa soo bandhigtay maanta wiil sheegay inuu dhalay guddoomiyaha Al-shabaab ee gobolka Shabeellada dhexe, Sheekh Yuusuf Ciise Axmed (Kabo-kutukade).

Wiilkaan oo magaciisa ku sheegay Axmed Sheekh Yuusuf ayaa wuxuu sheegay inuu ka mid ahaa saraakiisha Al-shabaab ee gobolka shabeellada dhexe isla markaana uu ka mid ahaa saraakiisah ammaanka, isagoo sheegay inuu ogaaday inuu ahaa mid ku taagan khalad uuna sidaas ugu soo biiray dowladda.

"Aabbahay iyo saraakiisha kale ee Al-shabaab waxaan ugu baaqayaa inay dagaalka joojiyaan oo ay kusoo biiray dowladda Soomaaliya," ayuu yiri Axmed Sheekh Yuusuf oo sheegay inuu aad ugu faraxsan yahay inuu dowladda kusoo biiro.

Taliyaha ciidamada nabad-sugida dowladda KMG ah ee Soomaaliya, Khaliif Axmed Ereg ayaa sheegay in isi soo dhiibidda wiilkan ay ka dambeysay dadaal badan oo ay dowladdu u gashay sidii ay ugu qancin lahayd inuu kusoo biiro dhankood ayna ku guuleysteen.

"Dhallinyarada kale ee ku jira Al-shabaab waxaan ugu baaqayaa inay dowlada kusoo biiraan," ayuu yiri Ereg oo sheegay inay ka go'an tahay inay soo dhaweeyaan cid walba oo doonaysa inay dhinacooda kusoo biirto.

Ugu dambayn, saraakiisha ciidamada nabad sugida DKMG waxay sheegeen in dadaal badan ay ugu jiraan sidii ay u soo xero-galin lahaayeen saraakiil ka tirsan Xarakada Al-shabaab oo uu ka mid yahay Sheekh Yuusuf Kabo-kutukade.

Ma jiro hadal kasoo baxay dhinaca Xarakada Al-shabaab iyo Sheekh Kaba-kutukade oo ku saabsan wiilkan lasoo bandhigay ee la sheegay inuu kasoo goostay, iyadoo ay tani kusoo beegmayso xilli ay dagaallo culus oo u dhexeeya ciidamada DKMG ah iyo kuwa Al-shabaab ka socdaan Koonfurta iyo Galbeedka magaalada Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/24/2012 8:27 AM EST
Khamiis, May 24, 2012 (HOL) — Wasiirka arrimaha gudaha iyo amniga Qaranka ee dowladda KMG Soomaaliya, C/samad Macallin Maxamuud Xasan oo saxaafadda kula hadlay Muqdisho kaddib shir ay yeesheen golaha wasiirrada ayaa sheegay inaysan jirin xiriir ka dhexeeya shirkadda Isgaarsiinta Hormuud iyo Xarakada Al-shabaab.

5/24/2012 7:57 AM EST
Khamiis, May 24, 2012 (HOL) — Taliyaha gaaska koowaad ee ciidamada DKMG ah ee Soomaaliya, Jen. C/llaahi Cali Caanood oo sheegay inuu ku sugan yahay baar Ismaaciil oo ah halka laga galo degmada Afgooye ee gobolka Shabeellada hoose ayaa sheegay inuu xiran yahay jidka xiriiriya degmooyinka Afgooye iyo Muqdisho.

5/24/2012 7:42 AM EST
Khamiis, May 24, 2012 (HOL) — Xoogagga Al-shabaab ay billaabay inay baneeyaan saldhigyo degmada Afgooye ku lahaayeen halkaas ahayd goobaha ay awoodda badan ku lahaayeen tan iyo markii ay ka baxeen Muqdisho sannadkii hore.

5/24/2012 7:19 AM EST
Khamiis, May 24, 2012 (HOL) — Kooxo hubeysan oo aan la garanayn ayaa ku dilay suuq-boocle oo ka tirsan degmada Dharkeynley wariye Axmed Caddoow Canshuur oo ka tirsanaa wariyeyaasha idaacadda Shabeelle.

5/24/2012 3:53 AM EST
Khamiis, May 24, 2012 (HOL) — Boqolaal qoys oo kasoo barakacaya deegaannada ka sameysay inta u dhexeysa Muqdisho iyo Afgooye ayaa kusoo qulqulaya maanta magaalada Muqdisho, kuwaasoo sheegay inay cabsi weyn soo wajahday.

5/24/2012 3:41 AM EST
Khamiis, May 24, 2012 (HOL) — Kooxo hubeysan ayaa xalay ku dilay gudaha hoteel ku yaalla suuqa weyn ee Bakaaraha ganacsade ajnabi ah oo la heegay inuu Turki ahaa, iyadoo la sheegay in kooxihii dilka ruuxan geytay ay ka qaateen lacago fara badan oo doollar ah.

5/24/2012 3:31 AM EST
Khamiis, May 24, 2012 (HOL) — Ciidamada DKMG Soomaaliya iyo kuwa AMISOM ayaa ku wajahan deegaanka ceelasha biyaha iyagoo saakay dhaafay deegaanka KM-13 ee duleedka Muqdisho, halkaasoo saldhig weyn ay kul lahaayeen xoogaggii Al-shabaab.

5/24/2012 3:24 AM EST
Khamiis, May 24, 2012 (HOL) — Madaxda Soomaalida oo xalay soo gabgabeeyay shir uga socday muddo saddex maalmood ah uga socday magaalada Addis Ababa ee xarunta dalka Itoobiya ayaa waxay ku heshiiyeen in lagu dhameystiro xilliga KMG ah illaa bisha Ogoosto ee sannadkan.