11/17/2018
Today from Hiiraan Online:  _
Wararka Maanta- Khamiis, May 24, 2012
JENERAAL CAANOOD: "Jidka Xiriiriya Muqdisho iyo Degmada Afgooye waa xiran yahay inta ammaanka laga sugayo"


Khamiis, May 24, 2012 (HOL) — Taliyaha gaaska koowaad ee ciidamada DKMG ah ee Soomaaliya, Jen. C/llaahi Cali Caanood oo sheegay inuu ku sugan yahay baar Ismaaciil oo ah halka laga galo degmada Afgooye ee gobolka Shabeellada hoose ayaa sheegay inuu xiran yahay jidka xiriiriya degmooyinka Afgooye iyo Muqdisho.

Jen. Caanood wuxuu sheegay inuu dagaal socdo, ayna gaadiidka ugu baaqayaa in jidkaas ay soo maraan, wuxuuna sarkaalku sheegay in maanta ay rajeynayaan inay gudaha u galaan degmada Afgooye.

"Waddada u dhexeysa Afgooye iyo Muqdisho waa xiran tahay, gaadiidkuna iyo dadka waa inay ka taxadaraan inay isticmaalaan," ayuu yiri Jen. Caanood oo aan sheegin xilliga uu rajeynayo inay dib u furaan.

Xarakada Al-shabaab ayaa tan iyo shalay waxay xoogageedu ka baxyeen saldhigyo ay ku lahaayeen deegaannada u dhexeeya Afgooye iyo Muqdisho iyagoo u gurtay dhinaca gobolka Shabeellada Hoose.

Degmada Afgooye ayaa waxay noqonaysaa degmadii ugu horreysay oo ka baxsan Muqdisho ciidamada DKMG ah iyo kuwa AMISOM oo isgarabsanaya ay ka qabsadaan xoogagga Al-shabaab oo muddo saddex sano ah ay la dagaalamayeen.

Xiritaanka waddadan ayaa wuxuu kusoo beegmayaa iyadoo dadweyne badan ay ku sugan yihiin deegaannada loo barakacay kuwaasoo doonaya inay kasoo barakacaan deegaannadaas si aysan waxyeello uga soo gaarin hubka ay labada dhinac is-dhaafsanayaan.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/24/2012 9:44 AM EST
Khamiis, May 24, 2012 (HOL) — Hay’adda nabad-sugidda DKMG ah ee Soomaaliya ayaa soo bandhigtay maanta wiil sheegay inuu dhalay guddoomiyaha Al-shabaab ee gobolka Shabeellada dhexe, Sheekh Yuusuf Ciise Axmed (Kabo-kutukade).

5/24/2012 8:27 AM EST
Khamiis, May 24, 2012 (HOL) — Wasiirka arrimaha gudaha iyo amniga Qaranka ee dowladda KMG Soomaaliya, C/samad Macallin Maxamuud Xasan oo saxaafadda kula hadlay Muqdisho kaddib shir ay yeesheen golaha wasiirrada ayaa sheegay inaysan jirin xiriir ka dhexeeya shirkadda Isgaarsiinta Hormuud iyo Xarakada Al-shabaab.

5/24/2012 7:42 AM EST
Khamiis, May 24, 2012 (HOL) — Xoogagga Al-shabaab ay billaabay inay baneeyaan saldhigyo degmada Afgooye ku lahaayeen halkaas ahayd goobaha ay awoodda badan ku lahaayeen tan iyo markii ay ka baxeen Muqdisho sannadkii hore.

5/24/2012 7:19 AM EST
Khamiis, May 24, 2012 (HOL) — Kooxo hubeysan oo aan la garanayn ayaa ku dilay suuq-boocle oo ka tirsan degmada Dharkeynley wariye Axmed Caddoow Canshuur oo ka tirsanaa wariyeyaasha idaacadda Shabeelle.

5/24/2012 3:53 AM EST
Khamiis, May 24, 2012 (HOL) — Boqolaal qoys oo kasoo barakacaya deegaannada ka sameysay inta u dhexeysa Muqdisho iyo Afgooye ayaa kusoo qulqulaya maanta magaalada Muqdisho, kuwaasoo sheegay inay cabsi weyn soo wajahday.

5/24/2012 3:41 AM EST
Khamiis, May 24, 2012 (HOL) — Kooxo hubeysan ayaa xalay ku dilay gudaha hoteel ku yaalla suuqa weyn ee Bakaaraha ganacsade ajnabi ah oo la heegay inuu Turki ahaa, iyadoo la sheegay in kooxihii dilka ruuxan geytay ay ka qaateen lacago fara badan oo doollar ah.

5/24/2012 3:31 AM EST
Khamiis, May 24, 2012 (HOL) — Ciidamada DKMG Soomaaliya iyo kuwa AMISOM ayaa ku wajahan deegaanka ceelasha biyaha iyagoo saakay dhaafay deegaanka KM-13 ee duleedka Muqdisho, halkaasoo saldhig weyn ay kul lahaayeen xoogaggii Al-shabaab.

5/24/2012 3:24 AM EST
Khamiis, May 24, 2012 (HOL) — Madaxda Soomaalida oo xalay soo gabgabeeyay shir uga socday muddo saddex maalmood ah uga socday magaalada Addis Ababa ee xarunta dalka Itoobiya ayaa waxay ku heshiiyeen in lagu dhameystiro xilliga KMG ah illaa bisha Ogoosto ee sannadkan.