11/12/2018
Today from Hiiraan Online:  _
Wararka Maanta- Khamiis, May 24, 2012
Dabley hubeysan oo Degmada Dharkeynley ee Magaalada Muqdisho ku dishay Mid ka mid ah Wariyeyaasha Idaacadda Shabelle


Khamiis, May 24, 2012 (HOL) — Kooxo hubeysan oo aan la garanayn ayaa ku dilay suuq-boocle oo ka tirsan degmada Dharkeynley wariye Axmed Caddoow Canshuur oo ka tirsanaa wariyeyaasha idaacadda Shabeelle.

Wariyahan ayaa wuxuu noqonayaa kii saddexaad oo laga dilo sannadkan oo keliya laga dilo idaacadda Shabeelle oo ka mid ah idaacadaha madax-bannaan ee ka howl-gala Muqdisho, iyadoo la ogyahay in bishii Jannaayo lagu dilay xaafadda Nasteexo ee degmada Wadajir agaasimihii Shabeelle Xasan Fantaastik; sidoo kale bishii hore ayaa lagu dilay Baladweyne wariye kale oo ka tirsan idaacaddan.

"Wariye Canshuur waxyar ka hor ayuu ka tagay Idaacadda, waxaana nasoo gaaray warka ku saabsan dilkiisa," ayuu yiri mid ka mid ah shaqaalaha idaacadda oo dilka ka hadlayay, iyadoo howlihii idaacadda la joojiyay.

Ma jirto cid sheegatay inay ka dambeysay dilka wariyaha, waxaana tani ay kusoo beegmaysaa iyadoo ra'iisul wasaaraha Soomaaliya uu toddobadkii lasoo dhaafay ka sheegay shir xorriyatul-qowlka looga hadlay oo ka dhacay Muqdisho inaysan DKMG ah ogolaanayn in suxufiyiinta waxyeello loo geysto.

Dilka wariye Canshuur ayaa wuxuu ka dhigayaa wariyeyaashii lagu dilay Soomaaliya sannadkan 2012 kii wariyihii lixaad, iyadoo saddex ka mid ah wariyeyaashan lagu dilay Muqdisho, laba ka mid ah waxaa lagu dilay magaalada Gaalkacyo ee gobolka Mudug iyo mid lagu dilay Baladweyne.

Ma jiro cid loo qabtay dilka wariyahan, waxaana sidoo kale dil ka badbaaday bishii hore wariye Muxyadiin Xasan Maxamed (Xusni) oo ka mid ahaa wariyeyaasha radio Shabeelle, kaasoo ugu dambeyn isaga tagay Muqdisho; haddana ku sugan magaalada Nairobi.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/24/2012 9:44 AM EST
Khamiis, May 24, 2012 (HOL) — Hay’adda nabad-sugidda DKMG ah ee Soomaaliya ayaa soo bandhigtay maanta wiil sheegay inuu dhalay guddoomiyaha Al-shabaab ee gobolka Shabeellada dhexe, Sheekh Yuusuf Ciise Axmed (Kabo-kutukade).

5/24/2012 8:27 AM EST
Khamiis, May 24, 2012 (HOL) — Wasiirka arrimaha gudaha iyo amniga Qaranka ee dowladda KMG Soomaaliya, C/samad Macallin Maxamuud Xasan oo saxaafadda kula hadlay Muqdisho kaddib shir ay yeesheen golaha wasiirrada ayaa sheegay inaysan jirin xiriir ka dhexeeya shirkadda Isgaarsiinta Hormuud iyo Xarakada Al-shabaab.

5/24/2012 7:57 AM EST
Khamiis, May 24, 2012 (HOL) — Taliyaha gaaska koowaad ee ciidamada DKMG ah ee Soomaaliya, Jen. C/llaahi Cali Caanood oo sheegay inuu ku sugan yahay baar Ismaaciil oo ah halka laga galo degmada Afgooye ee gobolka Shabeellada hoose ayaa sheegay inuu xiran yahay jidka xiriiriya degmooyinka Afgooye iyo Muqdisho.

5/24/2012 7:42 AM EST
Khamiis, May 24, 2012 (HOL) — Xoogagga Al-shabaab ay billaabay inay baneeyaan saldhigyo degmada Afgooye ku lahaayeen halkaas ahayd goobaha ay awoodda badan ku lahaayeen tan iyo markii ay ka baxeen Muqdisho sannadkii hore.

5/24/2012 3:53 AM EST
Khamiis, May 24, 2012 (HOL) — Boqolaal qoys oo kasoo barakacaya deegaannada ka sameysay inta u dhexeysa Muqdisho iyo Afgooye ayaa kusoo qulqulaya maanta magaalada Muqdisho, kuwaasoo sheegay inay cabsi weyn soo wajahday.

5/24/2012 3:41 AM EST
Khamiis, May 24, 2012 (HOL) — Kooxo hubeysan ayaa xalay ku dilay gudaha hoteel ku yaalla suuqa weyn ee Bakaaraha ganacsade ajnabi ah oo la heegay inuu Turki ahaa, iyadoo la sheegay in kooxihii dilka ruuxan geytay ay ka qaateen lacago fara badan oo doollar ah.

5/24/2012 3:31 AM EST
Khamiis, May 24, 2012 (HOL) — Ciidamada DKMG Soomaaliya iyo kuwa AMISOM ayaa ku wajahan deegaanka ceelasha biyaha iyagoo saakay dhaafay deegaanka KM-13 ee duleedka Muqdisho, halkaasoo saldhig weyn ay kul lahaayeen xoogaggii Al-shabaab.

5/24/2012 3:24 AM EST
Khamiis, May 24, 2012 (HOL) — Madaxda Soomaalida oo xalay soo gabgabeeyay shir uga socday muddo saddex maalmood ah uga socday magaalada Addis Ababa ee xarunta dalka Itoobiya ayaa waxay ku heshiiyeen in lagu dhameystiro xilliga KMG ah illaa bisha Ogoosto ee sannadkan.