9/20/2018
Today from Hiiraan Online:  _
Wararka Maanta- Talaado, May 1 , 2012
Madaxweyne ku xigeenka Somaliland oo kulan la yeeshay Madax dhaqameedyadda Somaliland


Talaado,May 1, 2012 (HOL)- Madaxweyne ku xigeenka Somaliland Md:Cabdiraxmaan Cabdilaahi Ismaaciil (Saylici) ayaa kulan la yeeshay madax dhaqameedka Somaliland, kuwaas oo ka kala yimid goboladda Somaliland.

Madaxweyne ku xigeenka Somaliland ayaa madax dhaqameedyadda ku amaanay doorkii ay ka qaateen nabadgalyadda iyo horumarka ay gaadhay Somaliland, isago sheegay in la’aantood aanay waxba suurtogasheen.

Sidoo kale, waxa uu warbixin ka siiyey halka ay Somaliland marayso iyo wada hadaladii Somaliland iyo soomaaliya u dhexeeyey, isagoo sheegay in labadda dhinacba ay guddi uga qaybgalla wada hadalkaasi soo saareen.

 “Mudanayaal dawladda Somaaliland maanta way kow iyo labaatan jirsatay runtiina nabada aynu ku faano ee aynu ku naaloono cida abuurtay waa madax dhaqameedka Somaliland ee salaadiintu ka kaw tahay ayey ahaayeen”ayuu yidhi madaxweyne ku xigeenku, waxa uu intaas ku daray “dawladdeena awood ay ku wada gaadho dalka ma jirto, waxaase maanta nabadaasi gees ka gees hayaa waa madax dhaqameedka Somaliland, taasi oo marka koowaad aad iyo aad aan idiinku hambalyeynayno wada jirka iyo midnimada aynu ku ilaalino nabada aynu maanta ku naaloono”ayuu yidhi madaxweyne ku xigeenka somaliland.

Shirkan ayaa markii dambe isku kaliyeysteen madax dhaqameedyadda iyo madaxweyne ku xigeenka, iyagoo la sheegay inay arrimo badan ka wada hadleen oo ay ku jirto madax dhaqameedyadda soomaalidda ee lagu ururinayo magaaladda Muqdisho, si ay usoo doortaan baarlamaanka soomaaliya, taas oo xukuumadda Somaliland ka soo horjeeddo in madax dhaqaameedyadda Somaliland ka qaybgalaan salaadintaasi gobolada Somalia laga soo ururinayo, isla markaana uga digtay salaaantu inay ka qaybgalaan oo magaca Somaliland ku xaadiraan.

Barkhad-Ladiif  M. Cumar, Hiiraan Online 
[email protected]
Hargeysa, Somaliland







Click here
5/1/2012 4:14 PM EST
Talaado, May 01, 2012(HOL): Qaraxan oo ay ku dhinteen Xildhibaan Yuusuf Mire Maxamuud Seeraar iyo Xildhibaan C/weli Shiikh Maxamed Aw-MaxamuudMaxamuud oo Baarlamaanka Soomaaliya ka tirsan, waxaana qaraxaas ku dhaawacmay Siyaasiga Axmed C/salaam Xaaji Aadan oo horay uga soo noqday Ra’iisal Wasaare ku xigeen iyo Xildhibaanno ay ka mid yihiin Xildhibaan Xuseen Samatar iyo Xildhibaan C/risaaq Isaaq Biixi.

5/1/2012 10:35 AM EST
Talaado, May 01, 2012 (HOL) — Ugu yaraan saddex oo uu ku jiro nin ganacsade ah oo gaadiidka iibiya iyo ayaa ku dhintay qarax gallinkii dambe ee maanta ka dhacay jidka isku xiragaroonka isgoyska KM4 iyo garoonka diyaaradaha Muqdisho.

5/1/2012 10:17 AM EST
Talaado, May 01, 2012(HOL): Qarax is-miidaamin ah ayaa goor dhaweyd ka dhacay magaalada Dhuusamareeb ee bartamaha Soomaaliya.

5/1/2012 8:38 AM EST
Talaado, May 01, 2012 (HOL) — Ururka Midowga Afrika, Qaramada Midoobay iyo urur goboleedka IGAD ayaa warsaxaafadeed ay si wadajir ah u soo saareen maanta oo Talaado ah waxay digniin ugu jeediyeen kooxaha kasoo horjeeda dhameystirka Roadmap-ka iyo in laga gudbo xilliga KMG ah.

5/1/2012 8:11 AM EST
Talaado, May 01, 2012 (HOL) — Diyaarad maanta kasoo qaadi lahayd Degmada Doolow ee gGedo odayaal ka qayb-geli lahaa shirka lagu ansixinayo dastuurka cusub ee Soomaaliya oo Muqdisho ka dhici doona ayaa lagu rasaaseeyay, sida ay sheegeen mas'uuliyiinta dowladda ee gobolka Gedo.

5/1/2012 7:58 AM EST
Talaado, May 01, 2012 (HOL) — Samiira Xaashi oo ah gabar Soomaaliyeed oo 21-jir ah kuna noo dalka Britain oo ay dharka ka xayeysiiso ayaa Muqdisho dhawaan soo booqatay iyadoo ka sheekeysay dhibaatooyinkii ay ku aragtay, gaar ahaan dhibka haysta haweenka Soomaaliyeed ee barakacayaasha ah.

5/1/2012 7:10 AM EST
Talaado, May 01, 2012 (HOL) — Ururaddii siyaasaddda Somaliland ee qiimeyntii ku hadhay oo maanta qorshaynayey inay mudaharaad balaadhan ka dhigaan magaalooyinka ayaanay u dhicin siday rabeen, maadaama oo awood ciidan loo adeegsaday, isla markaana goobihii ay filayeen in ay iskugu yimaadaan ciidamo badan la dhigay.

5/1/2012 3:59 AM EST
Talaado, May 01, 2012 (HOL) — Xildhibaan Muuse Suudi Yalaxoow oo ka mid ah waxgaradka iyo xildhibaanno ku shiray Muqdisho kana soo horjeestay dastuurka cusub ee Soomaaliya ayaa sheegay inaysan aqbalayn dastuurka.

5/1/2012 3:39 AM EST
Talaado, May 01, 2012 (HOL) — Ururka dhalinyarada SYL II ayaa siminaar bileedkii koowaad u qabtay illaa iyo 500 oo arday ah oo ka kala tirsan qaybaha kala duwan ee ururku uu baro xirfadaha kala duwan, waxaana goobjoog ka ahaa macalimiinta, marti sharaf kale iyo masuuliyiinta SYL II.

5/1/2012 3:19 AM EST
Talaado, May 01, 2012 (HOL) — Ugu yaraan 11-qof oo dhinacyadii dagaalamay iyo shacab isugu jira ayaa ku dhintay dagaal xalay gudaha degmada Xudur ee xarunta gobolka Bakool ku dhexmaray ciidamada DKMG ah oo garabsanaya kuwa Itoobiya iyo xoogagga Al-shabaab.

5/1/2012 3:19 AM EST
Talaado, May 01, 2012 (HOL) — Afhayeenka xukuumadda KMG ah ee Soomaaliya ahna la-taliyaha ra’iisul wasaaraha Soomaaliya, Inj. C/ramxaan Cumar Cismaan (Yariisow) oo si kulul uga jawaabay hadallo kasoo yeeray kooxo uu ku tilmaamay qaswadayaal kuwasoo uu sheegay inay maalmahan bulshada Muqdishu ku kiciyaan hab beel iyagoo si khalad ah ugu fasiraya qabyo-qoraalka-dastuurka.

5/1/2012 3:03 AM EST
Talaado, May 01, 2012 (HOL) — Danjirihii Soomaaliya u fadhiyay dalka Yemen Allaha u naxariisteen, Axmed Aadan Cismaan ayaa xalay ku geeriyooday isbitaal ku yaalla magaalada Sanca ee xarunta dalka Yemen, isagoo u geeriyooday xanuun ka asiibay beerka.