11/17/2018
Today from Hiiraan Online:  _
Wararka Maanta- Talaado, May 1 , 2012
SAMIIRA XAASHI: "Aad ayaan uga naxay markii gabar Soomaaliyeed ay ii sheegtay in la kufsaday iyadoo Uur leh"


Talaado, May 01, 2012 (HOL) — Samiira Xaashi oo ah gabar Soomaaliyeed oo 21-jir ah kuna noo dalka Britain oo ay dharka ka xayeysiiso ayaa Muqdisho dhawaan soo booqatay iyadoo ka sheekeysay dhibaatooyinkii ay ku aragtay, gaar ahaan dhibka haysta haweenka Soomaaliyeed ee barakacayaasha ah.

Samiira oo ay Muqdihso ay qoyskeedu ka guureen iyadoo saddex sano jir ah ayaa sheegtay inay ku faraxsan tahay inay dib ugu soo laabato ayna si dhab ah u aragto nolosha dadka ku nool, maadaama ay kala socon jirtay oo keliya saxaafadda.

"Waxaan Soomaaliya ka ogaa oo dhan waa mid aan ka heli jiray warbaahinta, sida macluusha, nafaqo-darrada, abaaraha, argagaxisada, burcabadeedda iyo dhiigga qubanaya," ayay tiri Samiira.

Gabadhan Soomaaliyeed waxay sheegtay inaysan goobaha qaar tagin sababo la xiriira ammaanka, balse waxay sheegtay inay goobihii ay tagtay ay ku baratay gabar lagu magacabo Shukri oo ay isku da' yihiin, taasoo aanay u suurogelin inay ka tagto Soomaaliya sideeda oo kale.

"Nasiib-darro Shukri ma aysan helin fursad ay dalka uga baxsato sideenna oo kale, waxayna nolosheeda oo dhan waxay ka baratay dagaallo, rabshado, burbur iyo dhiig daadanaya," ayay tiri Samiira oo ka sheekeynaysay Shukri.

Waxay sheegtay in saddex caruur ah oo ay Shukri dhashay oo da'doodu kala ahayd saddex sano, laba sano iyo toddoba bilood waxay ka dhinteen sannadkii 2010-kii kaddib markii uu kula dhacay gurigooda hoobiye ay soo tuureen Al-shabaab, taasoo niyadjab xoog leh ku ridday.

Malaayiin qof oo Soomaali ah ayaa noloshooda ku waayay dagaalalda Soomaaliya ka socda, malaayiin kale waxay khatar ugu jiraan xaalado caafimaad oo aad u daran kuwaasoo aan helin biyo nadiif ah oo ay cabaan iyo raashin ku filan.

"Aad ayaan uga argagaxay markii gabar Soomaaliyeed ay ii sheegtay in la kufsaday iyadoo uur leh," ayay tiri Samiira oo sidoo kale sheegtay in kaamka ay booqatay ay kula kulantay laba haween ah oo iyagana si khasab ah loogu galmooday.

"Kufsigu saacado ayuu qaatay. Waxaan ka baqnay inaan dhimmanno," ayay igu tiri mid ka mid ah haweenkii la kufsaday ayay Samiino hadalkeeda raacisay. "Markii hore halkan nabad ayaan ku qabnay, laakiin hadda mar walba oo aan qoryo doonanno kufsi ayaa naloo geystaa. Mararka qaarkood caruurta yaryar ayaa la kufsadaa,"

Samiira waxay sheegtay in kaam ay booqatay loo sheegay in afar jeer haween lagu kufsaday muddo bil gudaheed ah, iyadoo xustay in kufsigu aad ugu sii kordhayo Muqdisho oo ay ka taliso dowladda KMG ah.

Sidoo kale, gabadhan Soomaaliyeed ee dharka xayeysiisa waxay sheegtay inay ku soo gabgabeysay safarkeedii Soomaaliya magaalada Hargeysa, halkaasoo ay aad u amaantay nabadda ka jirta, waxayse sheegtay in gudniinka fircooniga ah iyadoo ku sheegtay warbixinteeda in 98% gabdhaha ku nool Somaliland loo gudbo fircooni.

Ugu dambeyn, waxay sheegtay in safarkeedii Soomaaliya ay ku tagtay uu kusoo dhamaaday naxdin iyo murugo. Waxayna noqonaysaa gabadhii Soomaaliyeed ee ugu horreysay oo sheeko ka qorta wixii ay kala kulantay Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/1/2012 4:14 PM EST
Talaado, May 01, 2012(HOL): Qaraxan oo ay ku dhinteen Xildhibaan Yuusuf Mire Maxamuud Seeraar iyo Xildhibaan C/weli Shiikh Maxamed Aw-MaxamuudMaxamuud oo Baarlamaanka Soomaaliya ka tirsan, waxaana qaraxaas ku dhaawacmay Siyaasiga Axmed C/salaam Xaaji Aadan oo horay uga soo noqday Ra’iisal Wasaare ku xigeen iyo Xildhibaanno ay ka mid yihiin Xildhibaan Xuseen Samatar iyo Xildhibaan C/risaaq Isaaq Biixi.

5/1/2012 4:11 PM EST
Talaado,May 1, 2012 (HOL)- Madaxweyne ku xigeenka Somaliland Md:Cabdiraxmaan Cabdilaahi Ismaaciil (Saylici) ayaa kulan la yeeshay madax dhaqameedka Somaliland, kuwaas oo ka kala yimid goboladda Somaliland.

5/1/2012 10:35 AM EST
Talaado, May 01, 2012 (HOL) — Ugu yaraan saddex oo uu ku jiro nin ganacsade ah oo gaadiidka iibiya iyo ayaa ku dhintay qarax gallinkii dambe ee maanta ka dhacay jidka isku xiragaroonka isgoyska KM4 iyo garoonka diyaaradaha Muqdisho.

5/1/2012 10:17 AM EST
Talaado, May 01, 2012(HOL): Qarax is-miidaamin ah ayaa goor dhaweyd ka dhacay magaalada Dhuusamareeb ee bartamaha Soomaaliya.

5/1/2012 8:38 AM EST
Talaado, May 01, 2012 (HOL) — Ururka Midowga Afrika, Qaramada Midoobay iyo urur goboleedka IGAD ayaa warsaxaafadeed ay si wadajir ah u soo saareen maanta oo Talaado ah waxay digniin ugu jeediyeen kooxaha kasoo horjeeda dhameystirka Roadmap-ka iyo in laga gudbo xilliga KMG ah.

5/1/2012 8:11 AM EST
Talaado, May 01, 2012 (HOL) — Diyaarad maanta kasoo qaadi lahayd Degmada Doolow ee gGedo odayaal ka qayb-geli lahaa shirka lagu ansixinayo dastuurka cusub ee Soomaaliya oo Muqdisho ka dhici doona ayaa lagu rasaaseeyay, sida ay sheegeen mas'uuliyiinta dowladda ee gobolka Gedo.

5/1/2012 7:10 AM EST
Talaado, May 01, 2012 (HOL) — Ururaddii siyaasaddda Somaliland ee qiimeyntii ku hadhay oo maanta qorshaynayey inay mudaharaad balaadhan ka dhigaan magaalooyinka ayaanay u dhicin siday rabeen, maadaama oo awood ciidan loo adeegsaday, isla markaana goobihii ay filayeen in ay iskugu yimaadaan ciidamo badan la dhigay.

5/1/2012 3:59 AM EST
Talaado, May 01, 2012 (HOL) — Xildhibaan Muuse Suudi Yalaxoow oo ka mid ah waxgaradka iyo xildhibaanno ku shiray Muqdisho kana soo horjeestay dastuurka cusub ee Soomaaliya ayaa sheegay inaysan aqbalayn dastuurka.

5/1/2012 3:39 AM EST
Talaado, May 01, 2012 (HOL) — Ururka dhalinyarada SYL II ayaa siminaar bileedkii koowaad u qabtay illaa iyo 500 oo arday ah oo ka kala tirsan qaybaha kala duwan ee ururku uu baro xirfadaha kala duwan, waxaana goobjoog ka ahaa macalimiinta, marti sharaf kale iyo masuuliyiinta SYL II.

5/1/2012 3:19 AM EST
Talaado, May 01, 2012 (HOL) — Ugu yaraan 11-qof oo dhinacyadii dagaalamay iyo shacab isugu jira ayaa ku dhintay dagaal xalay gudaha degmada Xudur ee xarunta gobolka Bakool ku dhexmaray ciidamada DKMG ah oo garabsanaya kuwa Itoobiya iyo xoogagga Al-shabaab.

5/1/2012 3:19 AM EST
Talaado, May 01, 2012 (HOL) — Afhayeenka xukuumadda KMG ah ee Soomaaliya ahna la-taliyaha ra’iisul wasaaraha Soomaaliya, Inj. C/ramxaan Cumar Cismaan (Yariisow) oo si kulul uga jawaabay hadallo kasoo yeeray kooxo uu ku tilmaamay qaswadayaal kuwasoo uu sheegay inay maalmahan bulshada Muqdishu ku kiciyaan hab beel iyagoo si khalad ah ugu fasiraya qabyo-qoraalka-dastuurka.

5/1/2012 3:03 AM EST
Talaado, May 01, 2012 (HOL) — Danjirihii Soomaaliya u fadhiyay dalka Yemen Allaha u naxariisteen, Axmed Aadan Cismaan ayaa xalay ku geeriyooday isbitaal ku yaalla magaalada Sanca ee xarunta dalka Yemen, isagoo u geeriyooday xanuun ka asiibay beerka.