11/18/2018
Today from Hiiraan Online:  _
Wararka Maanta- Talaado, May 1 , 2012
Ururaddii siyaasadda Somaliland ee Qiimeynta ku hadhay oo dibadbaxyo sameeyay iyo Mas'uuliyiinta oo saacado kooban la xiray


Talaado, May 01, 2012 (HOL) — Ururaddii siyaasaddda Somaliland ee qiimeyntii ku hadhay oo maanta qorshaynayey inay mudaharaad balaadhan ka dhigaan magaalooyinka ayaanay u dhicin siday rabeen, maadaama oo awood ciidan loo adeegsaday, isla markaana goobihii ay filayeen in ay iskugu yimaadaan ciidamo badan la dhigay.

Gudoomiyeyaasha ururadda hadhay oo ilaa xalay waday abaabul isku soo bax, ayaa maanta qaarkood magaaladda Hargeysa lagu xidhay, masuuliyiinta la xidhayna waxa ka mid ahaa gudoomiyaha ururka NDB Foosiya Yuusuf X. Aadan, gudoomiyaha jamhuuriga Axmed Sandoon iyo qaar kale.

Mar aan isku dayey in aan ku soo booqdo saldhiga dhexe ee magaaladda Hargeysa oo ay ku xidhnaayeen ayaanay ii suurtogalin ka dib markii Ciidamaddu diideen in la booqdo, iyadoo saldhiga ciidamo aad u badan la keenay.

Haseyeeshee, mar dhowayd duhurkii maanta ayaa la siidaayey masuuliyiintii xidhnaa, waxaana khadka Telefoonka oo aan kula xidhiidhay gudoomiyaha ururka NDB Foosiya Yuusuf X. Aadan, HOL u xaqiijisay in la siidaayey.

"saaka ayaa la iska kayo xidhay anagoo iska joogna suuqa, marka imika ayey na siidaayeen"ayey khadka Telefoonka HOL ugu xaqiijisay gudoomiyaha NDB foosiya in la siidaayey, iyadoo sheegtay in aad u mashquulsan tahay oo ay hawlo ku jirto, sidaa darteed ay hadhow ka hadli doonto arrintan.

Sidoo kale, waxa abaabul isku soo baxyo ah ka waday goboladda Saaxil iyo Togdheer gudoomiyaha ugu tunka weyn ururadda hadhay ee UDHIS Col:Ibraahim Cabdilaahi Xuseen (DHego weyne) oo isagu shalay safar abaabul mudaharaad u tagay goboladaasi, isla markaana si weyn loogu soo dhoweeyey degmadda sheikh iyo magaaladda Burco, isagoo sheegay in aanu joojinayn isku soo baxyadda ay ku diidan yihiin go’aankaasi guddidda diiwaangelinta ka soo baxay.

Xukuumadda Somaliland oo iyana diirada ku haysa isku so baxyadan ayaa xalay ciidamo badan u dirtay magaaladda Berbera iyo Burco oo ay ka cabsiqabaan inay isku soo bax weyni ka dhaco magaalooyinkaasi, maadaama oo socod ku jooga madaxda Ururka UDHIS oo isagu balanqaaday in aanu awood kasta oo loo adeegsaddo u joojinayn xuquuqdiisa muwaadinimo ee isku soo bax.

Haseyeeshee, magaaladda Burco waxa xoog ku joojiyey ciidamaddda amniga, iyadoo xafiisyaddii ururka UDHIS ciidamo xoogan la keenay, balse magaaladda Berbera oo uu xalay guure ku yimid guddoomiyaha UDHIS iyo wefti uu hogaaminayo ayaa mudaharaad ka dhacay, halkaasi waxa hadalo kulkulul oo uu ku eedeynayo xukuumadda ka soo jeediyey gudoomiyaha Ururka UDHIS Ibraahim Dhegoweyne.

"waxaan u sheegayaa in dadkii aabayaashood iyo dadkoodii ku dhinteen kuna naafoobeen xoriyadda iyo caddaalad u dirirku aanay maanta aqbalaynin in la yidhaa ha mudaharaadina"ayuu yidhi gudoomiyaha UDHIS oo taageerayaashiisa la hadlayey.

Gudoomiyuhu waxa uu sheegay in isku soo baxyaddu ay joogto noqon doonaan, isla markaaan gobolada kale ee Sanaag iyo Awdal iyo dhamaan goboladda kale uu ka bilaabi doono safarna ku tagi doonno.

Ururkan UDHIS ayaa waxa ku bahoobay qaar ka mid ah saraakiishii ciidamaddii jabhadda SNM, isagoo gudoomiyaha ururka Col:Dhegoweynana uu ahaa taliyihii ugu sareeyey ee watay ciidamadii jabhaddii ee soo gashay magaalooyinka Hargeysa iyo Berbera 31/May/1988kii, taasina waxay keentay inay xukuumaddu diiradda ku hayso dhaqdhaqaaqa UDHIS, iyadoo kala ilaalinaysa inay ciidamadda iyo gudoomiyihu isku dhacaan.

Si kastaba ha ahaatee, arrimahan ururadda hadhay ayaa dagaal siyaasadeed oo horleh ka abuurtay Somaliland, iyagoo ururadda hadhay ay sheegeen in aanay joojinayn isku soo baxyadda ilaa madal loo dhan yahay loo cadeeyo sifaha ay ku hadheen.

Barkhad-Ladiif M. Cumar
[email protected]
Hargeysa, Somaliland







Click here
5/1/2012 4:14 PM EST
Talaado, May 01, 2012(HOL): Qaraxan oo ay ku dhinteen Xildhibaan Yuusuf Mire Maxamuud Seeraar iyo Xildhibaan C/weli Shiikh Maxamed Aw-MaxamuudMaxamuud oo Baarlamaanka Soomaaliya ka tirsan, waxaana qaraxaas ku dhaawacmay Siyaasiga Axmed C/salaam Xaaji Aadan oo horay uga soo noqday Ra’iisal Wasaare ku xigeen iyo Xildhibaanno ay ka mid yihiin Xildhibaan Xuseen Samatar iyo Xildhibaan C/risaaq Isaaq Biixi.

5/1/2012 4:11 PM EST
Talaado,May 1, 2012 (HOL)- Madaxweyne ku xigeenka Somaliland Md:Cabdiraxmaan Cabdilaahi Ismaaciil (Saylici) ayaa kulan la yeeshay madax dhaqameedka Somaliland, kuwaas oo ka kala yimid goboladda Somaliland.

5/1/2012 10:35 AM EST
Talaado, May 01, 2012 (HOL) — Ugu yaraan saddex oo uu ku jiro nin ganacsade ah oo gaadiidka iibiya iyo ayaa ku dhintay qarax gallinkii dambe ee maanta ka dhacay jidka isku xiragaroonka isgoyska KM4 iyo garoonka diyaaradaha Muqdisho.

5/1/2012 10:17 AM EST
Talaado, May 01, 2012(HOL): Qarax is-miidaamin ah ayaa goor dhaweyd ka dhacay magaalada Dhuusamareeb ee bartamaha Soomaaliya.

5/1/2012 8:38 AM EST
Talaado, May 01, 2012 (HOL) — Ururka Midowga Afrika, Qaramada Midoobay iyo urur goboleedka IGAD ayaa warsaxaafadeed ay si wadajir ah u soo saareen maanta oo Talaado ah waxay digniin ugu jeediyeen kooxaha kasoo horjeeda dhameystirka Roadmap-ka iyo in laga gudbo xilliga KMG ah.

5/1/2012 8:11 AM EST
Talaado, May 01, 2012 (HOL) — Diyaarad maanta kasoo qaadi lahayd Degmada Doolow ee gGedo odayaal ka qayb-geli lahaa shirka lagu ansixinayo dastuurka cusub ee Soomaaliya oo Muqdisho ka dhici doona ayaa lagu rasaaseeyay, sida ay sheegeen mas'uuliyiinta dowladda ee gobolka Gedo.

5/1/2012 7:58 AM EST
Talaado, May 01, 2012 (HOL) — Samiira Xaashi oo ah gabar Soomaaliyeed oo 21-jir ah kuna noo dalka Britain oo ay dharka ka xayeysiiso ayaa Muqdisho dhawaan soo booqatay iyadoo ka sheekeysay dhibaatooyinkii ay ku aragtay, gaar ahaan dhibka haysta haweenka Soomaaliyeed ee barakacayaasha ah.

5/1/2012 3:59 AM EST
Talaado, May 01, 2012 (HOL) — Xildhibaan Muuse Suudi Yalaxoow oo ka mid ah waxgaradka iyo xildhibaanno ku shiray Muqdisho kana soo horjeestay dastuurka cusub ee Soomaaliya ayaa sheegay inaysan aqbalayn dastuurka.

5/1/2012 3:39 AM EST
Talaado, May 01, 2012 (HOL) — Ururka dhalinyarada SYL II ayaa siminaar bileedkii koowaad u qabtay illaa iyo 500 oo arday ah oo ka kala tirsan qaybaha kala duwan ee ururku uu baro xirfadaha kala duwan, waxaana goobjoog ka ahaa macalimiinta, marti sharaf kale iyo masuuliyiinta SYL II.

5/1/2012 3:19 AM EST
Talaado, May 01, 2012 (HOL) — Ugu yaraan 11-qof oo dhinacyadii dagaalamay iyo shacab isugu jira ayaa ku dhintay dagaal xalay gudaha degmada Xudur ee xarunta gobolka Bakool ku dhexmaray ciidamada DKMG ah oo garabsanaya kuwa Itoobiya iyo xoogagga Al-shabaab.

5/1/2012 3:19 AM EST
Talaado, May 01, 2012 (HOL) — Afhayeenka xukuumadda KMG ah ee Soomaaliya ahna la-taliyaha ra’iisul wasaaraha Soomaaliya, Inj. C/ramxaan Cumar Cismaan (Yariisow) oo si kulul uga jawaabay hadallo kasoo yeeray kooxo uu ku tilmaamay qaswadayaal kuwasoo uu sheegay inay maalmahan bulshada Muqdishu ku kiciyaan hab beel iyagoo si khalad ah ugu fasiraya qabyo-qoraalka-dastuurka.

5/1/2012 3:03 AM EST
Talaado, May 01, 2012 (HOL) — Danjirihii Soomaaliya u fadhiyay dalka Yemen Allaha u naxariisteen, Axmed Aadan Cismaan ayaa xalay ku geeriyooday isbitaal ku yaalla magaalada Sanca ee xarunta dalka Yemen, isagoo u geeriyooday xanuun ka asiibay beerka.