9/21/2018
Today from Hiiraan Online:  _
Wararka Maanta- Talaado, Jun 5 , 2012
Ururka BENALPA oo Seminaar ku saabsan caafimaadka Bulshada ka furay Magaalada Muqdisho



Talaado, June 05, 2012(HOL): Seminaar uu soo qabanqaabiyay ururka xirfadleyda dhaqaaatiirta xoolaha ee Gobolka Banaadir (BENALPA) loogana hadlayo caafimaadka bulshada ayaa maanta lagu furay magaalada Muqdisho iyadoo ay ka qeybgaleen in ka badan 30 ruux oo ka kala socday wasaaradaha caafimaadka, xanaanada xoolaha iyo beeraha, ururada bulshada iyo  hal-abuurayaal.

Xogahayaha ururka BENALPA  Axmed Takow Hassan ayaa faahfaahin ka bixiyay ujeedooyinka seminaarka iyo waxqabadka ururka BENALPA wuxuuna sheegay inay ku faraxsan yihiin  furitaanka seminaarka iyo muhiimada uu bulshada u leeyahay xilligan oo ay burbursan yihiin kaabayaashii bulshada ee xoojin lahaa caafimaadka guud ee dadweynaha.

Guddoomiyaha ururka BENALPA Dr. Nurto Sheekh Mohamed ayaa sheegtay in seminaarka uu yahay furitaanka mashruuc lagu doonayo in bulshada lagu wacyi geliyo sidii loo dhowri lahaa caafimaadka guud iyo sixada dadka, loogana hortegi lahaa dhibaatooyinka caafimaad darro ee aalaaba ka dhasha nadaafad xumida, waxayna faahfaahin ka bixisay baahida loo qabo in la hagaajiyo faya-dhowrka dadweynaha.


“Waxaan dooneynaa in bulshada la gaarsiiyo farriimo ka tarjumaya sida loo ilaalin karo caafimaadka degaanka sida goobaha xoolaha lagu qalo, suuqyada wax lagi iibiyo Kawaanada oo ah meelaha ugu muhiimsan ee saameynta ku yeesha caafimaadka guud” ayay tiri Dr. Nurto oo kasoo qeybgalayaasha seminaarka ku boorisay inay dejiyaan qorshe lagu gaari karo dadweynaha si loo ilaaliyo caafimaadka bulshada.

Agaasimaha guud ee wasaaradaha xanaanada xoolaha iyo beeraha dowladda KMG ah Prof. Maxamuud Maxamed Maxamuud oo seminaarka furay ayaa uga mahadceliyay ururka ururka xirfadleyda dhaqaaatiirta xoolaha ee Gobolka Banaadir (BENALPA) dadaalka ay ugu jiraan wax uqabashada bulshada, wuxuuna intaas ku daray inuu waqti haboon ku soo beegmay seminaarka isla markaana baahi weyn loo qabo in wax laga bedelo caafimaadka bulshada.

Prof. Maxamuud Maxamed wuxuu caddeeyay inay diyaar u yihiin wasaarad ahaan inay qeybtooda ka qaataan barnaamijka caafimaadka dadweynaha, wuxuuna codsaday inay wasaaradiisu marti geliso kulan cilmiyeedka xiga ee mashruuca caafimaadka bulshada.

Seminaarka oo ay caawineyso Hay’adda Qaramada Midoobay u qaabilsan cuntada iyo beeraha ee FAO wuxuu socon doona muddo saddex maalmood ah ayaa waxaa casharo ka bixin doona lix macalimiin oo ka kala socda ururka BENALPA iyo wasaaradaha caafimaadka, xanaanada xoolaha iyo beeraha, wuxuuna qorshuhu yahay in tababarro wacyigelin ah loo qabto qeybaha bulshada ee degmooyinka gobolka Banaadir.



 







Click here
6/5/2012 8:55 AM EST
Talaado, June 05, 2012 (HOL) — Dr. C/raxmaan Macallin C/llaahi (Baadiyoow) oo ka mid ah aqoonyahannada Soomaaliyeed ayaa maanta sheegay inuu ka qaybgalayo doorashada madaxweynimo ee Soomaaliya oo lagu wado inay dhacdo bisha Ogoosto ee sannadkan.

6/5/2012 8:17 AM EST
Talaado, June 05, 2012 (HOL) — Madaxweynihii Somaliland, ahna Guddoomiyaha xisiga UDUB, Daahir Rayaale Kaahin ayaa markii ugu horreysay sheegay in lasoo afjaray khilaafkii xisbiga ka jiray, isla markaana hadda la billaabay dardarp-gelinta howlaha xisbiga.

6/5/2012 8:07 AM EST
Talaado, June 05, 2012 (HOL) — Maamulka Ahlu Sunna Waljameeca ee bartamaha dalka Soomaaliya ayaa sheegay in ay cafis u fidiyeen dhalinyarro ah oo horay uga tisaneyd sida ay sheegeen Xarrakada Mujaahidiinta Al-shabaab.

6/5/2012 8:04 AM EST
Talaado, June 05, 2012 (HOL) — Hay'adda UNHCR ayaa warbixin ay maanta oo Talaado ah soo saartay ku sheegtay in weli Soomaaliya ay ka jiraan caqabado ku qabsanaya dadka inay ka cararaan deegaannadooda.

6/5/2012 7:34 AM EST
Talaado, June 05, 2012 (HOL) — Ugu yaraan lix qof ayaa ku dhintay dagaal culus oo saakay xoogagga Al-shabaab iyo kuwa Ahlusuna ku dhexmaray deegaanno u dhexeeya degmooyinka Guriceel iyo Ceelbuur oo kawada tirsan gobolka Galguduud.

6/5/2012 7:15 AM EST
Talaado, June 05, 2012 (HOL) — Maxkamadda gobolka Banaadir ayaa maanta xukun 15-sano ah ku ridday ku-xigeenka xeer ilaaliyaha guud ee Qaranka, Cali Maxamed Yuusuf kaasoo lagu eedeeyay inuu galay dambiyo ay ka mid yihiin inuu isticmaalay awood uusan lahayn.

6/5/2012 6:46 AM EST
Talaado, June 05, 2012 (HOL) — Ugu yaraan afar askari oo kawada tirsan ciidanka dowladda KMG ah ayaa ku dhintay tiro intaas ka badanna way ku dhaawacmeen dagaal xalay saqdii dhexe ciidammo ka kala tirsan booliiska iyo milateriga DKMG ah ku dhexmaray degmada Afgooye ee gobolka shabeellada hoose.

6/5/2012 4:10 AM EST
Talaado, June 05, 2012 (HOL) — Madaxweynaha dalka Uganda, Yoweri Museveni ayaa uga baaqay madaxda Soomaalida inay ka fogaadaan khiaafyada siyaasadeed ee soo laalaabtay muddada yar ee ka harsan ka bixitaanka xilliga KMG ah.

6/5/2012 3:44 AM EST
Talaado, June 05, 2012 (HOL) — Xildhibaano iyo siyaasiyiin ka tirsan Somaliland, ayaa cambaareeyey xukunkii lagu xukumay masuuliyiintii lagu eedeeyey lunsiga raashinka mucaawimadda ah,kuwaas oo lagu xukumay saddex sanno iyo mid ka mid isna lagu xukumay hal sanno oo xadhig ah.