11/21/2018
Today from Hiiraan Online:  _
Wararka Maanta- Talaado, Jun 5 , 2012
Dagaal Ciidammo kawada tirsan kuwa DKMG Soomaaliya ku dhexmaray Degmada Afgooye ee Gobolka Shabeellada Hoose


Talaado, June 05, 2012 (HOL) — Ugu yaraan afar askari oo kawada tirsan ciidanka dowladda KMG ah ayaa ku dhintay tiro intaas ka badanna way ku dhaawacmeen dagaal xalay saqdii dhexe ciidammo ka kala tirsan booliiska iyo milateriga DKMG ah ku dhexmaray degmada Afgooye ee gobolka shabeellada hoose.

Guddoomiyaha degmada Afgooye ee DKMG ah, Cabdullaahi Cabdi Axmed ayaa koox wariyeyaal ah ugu sheegay degmadaas in dagaalkii xalay uu ahaa mid fool xun oo si lama filaan ah ku dhacay, isagoo xusay in dagaalkuu xalay sadii dhexe dhacay.

"Dagaalka waxaa ku dhintay afar askari inta aan ognahay, waxaana dhaawacyo ay kasoo gaareen tiro intaas ka badan," ayuu yiri guddoomiyaha degmada Afgooye oo sheegay inay degmada ku sugan yihiin ciidammo qas-wadayaal ah.

Askartii ku dhaawacmay dagaalkii xalay ayaa qaarkood lasoo gaarsiiyay Muqdisho, iyadoo dagaalkan uu kusoo beegmayo iyadoo degmadaas ay dhawaanahan ka jireen muranno ku saabsan qaabka loo qaadayo canshuuraha.

Sidoo kale, guddoomiyaha degmada Afgooye ayaa ku eedeeyay guddoomiyaha gobolka Shabeellada hoose inuu isitmcaalayo awood tiisa ka badan, isagoo xusay in dhawaan uu magacaabay guddiga canshuuraadka degmada, taasna uusan isagu xaq u lahayn.

Degmada Afgooye oo 30-km dhinaca waqooyi-galbeed ka xigta xarunta Soomaaliya ee Muqdisho ayaa waxay ciidamada dowladda KMG ah iyo kuwa AMISOM kala wareegeen laba todobaad ka hor xoogagga Al-shabaab oo sannado ka talinayay.

Ma jiro hadal kasoo baxay dhinaca dowladda KMG ah ee Soomaaliya oo ku saabsan dagaalkii xalay degmada Afgooye ku dhexmaray ciidamada kawada tirsan dowladda, iyadoo dhawaan uu degmadaas booqday madaxweynaha Soomaaliya Shariif Sheekh Axmed.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
6/5/2012 12:16 PM EST
Talaado, June 05, 2012(HOL): Seminaar uu soo qabanqaabiyay ururka xirfadleyda dhaqaaatiirta xoolaha ee Gobolka Banaadir (BENALPA) loogana hadlayo caafimaadka bulshada ayaa maanta lagu furay magaalada Muqdisho iyadoo ay ka qeybgaleen in ka badan 30 ruux oo ka kala socday wasaaradaha caafimaadka, xanaanada xoolaha iyo beeraha, ururada bulshada iyo hal-abuurayaal.

6/5/2012 8:55 AM EST
Talaado, June 05, 2012 (HOL) — Dr. C/raxmaan Macallin C/llaahi (Baadiyoow) oo ka mid ah aqoonyahannada Soomaaliyeed ayaa maanta sheegay inuu ka qaybgalayo doorashada madaxweynimo ee Soomaaliya oo lagu wado inay dhacdo bisha Ogoosto ee sannadkan.

6/5/2012 8:17 AM EST
Talaado, June 05, 2012 (HOL) — Madaxweynihii Somaliland, ahna Guddoomiyaha xisiga UDUB, Daahir Rayaale Kaahin ayaa markii ugu horreysay sheegay in lasoo afjaray khilaafkii xisbiga ka jiray, isla markaana hadda la billaabay dardarp-gelinta howlaha xisbiga.

6/5/2012 8:07 AM EST
Talaado, June 05, 2012 (HOL) — Maamulka Ahlu Sunna Waljameeca ee bartamaha dalka Soomaaliya ayaa sheegay in ay cafis u fidiyeen dhalinyarro ah oo horay uga tisaneyd sida ay sheegeen Xarrakada Mujaahidiinta Al-shabaab.

6/5/2012 8:04 AM EST
Talaado, June 05, 2012 (HOL) — Hay'adda UNHCR ayaa warbixin ay maanta oo Talaado ah soo saartay ku sheegtay in weli Soomaaliya ay ka jiraan caqabado ku qabsanaya dadka inay ka cararaan deegaannadooda.

6/5/2012 7:34 AM EST
Talaado, June 05, 2012 (HOL) — Ugu yaraan lix qof ayaa ku dhintay dagaal culus oo saakay xoogagga Al-shabaab iyo kuwa Ahlusuna ku dhexmaray deegaanno u dhexeeya degmooyinka Guriceel iyo Ceelbuur oo kawada tirsan gobolka Galguduud.

6/5/2012 7:15 AM EST
Talaado, June 05, 2012 (HOL) — Maxkamadda gobolka Banaadir ayaa maanta xukun 15-sano ah ku ridday ku-xigeenka xeer ilaaliyaha guud ee Qaranka, Cali Maxamed Yuusuf kaasoo lagu eedeeyay inuu galay dambiyo ay ka mid yihiin inuu isticmaalay awood uusan lahayn.

6/5/2012 4:10 AM EST
Talaado, June 05, 2012 (HOL) — Madaxweynaha dalka Uganda, Yoweri Museveni ayaa uga baaqay madaxda Soomaalida inay ka fogaadaan khiaafyada siyaasadeed ee soo laalaabtay muddada yar ee ka harsan ka bixitaanka xilliga KMG ah.

6/5/2012 3:44 AM EST
Talaado, June 05, 2012 (HOL) — Xildhibaano iyo siyaasiyiin ka tirsan Somaliland, ayaa cambaareeyey xukunkii lagu xukumay masuuliyiintii lagu eedeeyey lunsiga raashinka mucaawimadda ah,kuwaas oo lagu xukumay saddex sanno iyo mid ka mid isna lagu xukumay hal sanno oo xadhig ah.