12/14/2019
Today from Hiiraan Online:  _
Wararka Maanta- Axad, July 8 , 2012
Shil baabuur oo ay ku geeriyoodeen Afar qof oo ka dhacay Jidka isku xira Magaalada Berbera iyo Hargeysa


Axad, July 08, 2012 (HOL) — Alla ha u naxariistee waxa shalay galab geeri naxdin lihi ka dhacday jidka u dhexeeye Berbera iyo Hargeysa, kaas oo galaaftay saddex qof oo isku qoys ah iyo nin kale oo la socday, halkaas oo ay afartooduba ku geeriyoodeen.

Shilkan baabuur oo ka dhacay tuuladda Diinqal ee u dhexeysa magaaladda Berbera iyo Hargeysa ayaa waxa sabab u ahaa ka dib markii gaadhiga Qoyskan geeriyooday  la socdeen uu dul maray gaadhi kale oo weyn oo ka hor yimid, waxaana gaadhigan qoyska dhami ku geeriyoodeen usoo socday magaaladdda Hargeysa, halka gaadhiga kalana ku sii jiiday magaaladda Berbera, waxaana la sheegayaa in gaadhiga qoyska geeriyooday dul maray ku socday xawaare sare. haseyeeshee waxay wararku sheegayaan in gaadhigaas weyn aanay khasaare badani soo gaadhin.

Qoyskan dhintay ayaa ahaa hooyo iyo laba caruur ah oo ay dhashay, halka adeerkood oo gaadhiga wadayna uu dhaawac  xuni soo gaadhay, laguna daweynayo cisbitaalka magaaladda Hargeysa, sidoo kale waxa iyana dadka dhintay ka mid ah nin dariiqa ka soo raacay oo aan qoyska ka mid ahayn.

Qoyskan is dhalay ee shilka baabuur ku geeriyooday ayaa ka yimid magaaladda Sheekh ee gobolka Saaxil, halkaas oo ay ka soo qaadeen Innan (gabadh) ay  dhaleen oo ka qalinjabisay dugsiga sare ee hoyga ah ee SOS ee ku yaalla magaaladda Sheekh.

Qoyskan is dhalay ee shilka baabuur ku geeriyooday ayaa maanta lagu aasay magaaladda Hargeysa, halkaasi oo ay ka soo qaybgaleen qaar ka mid ah madaxda Qaranka Somaliland.

Sanadahan u dambeeyey aya waxa kor u kacay shilalkii Baabuurka, kuwaas oo inta badan ay ku dhacaan jidka u dhexeeya Berbera iyo Hargeysa, waxaana toddobaadkan dhacdadan oo kale ka dhacay  jidkan Berbera iyo Hargeysa u dhexeeye qoys ku socday garoonka diyaaradaha ee Berbera oo gaadhi la qalibmay, halkaasi oo shan qof oo isku qoys ahi qaarna ku dhaawacmeen qaar kalana ku geeriyoodeen.

Si kastaba ha ahaatee, shilalka baabuurka ayaa aad usoo badanaya, iyadoo ay sababayaan xawaaraha sare ee ay ku socdaan iyo Qadarka alle oo meesha yaallay.

Barkhad-Ladiif M. Cumar, Hiiraan Online 
[email protected]
Hargeysa, Somaliland









Click here
7/8/2012 2:15 PM EST
Axad, July 08, 2012(HOL): Kulan balaadhan oo ay soo abaabuleen Ururka Ardayda Soomaaliyeed SYDRC aya ka dhacay magaaladan London, Shirkan oo ay kasoo qaybgaleen arday waxka barata jaamacadaha Qaaradan Yurub gaar ahaan dalka Ingiriiska,Kulankan waxa kasoo qaybgalay qaar ka mid ah madax sar sare oo wax ka dhiga jaamacada dalkan Ingiriiska,Haween ka socda dawlada Hoose iyo dhalinyaro Soomaali ah oo ka mid ah madaxda Dawlada hoose ee qayb ka mid ah xaafadaha London.

7/8/2012 11:33 AM EST
Axad, July 08, 2012(HOL): Siyaasiga Yaasiin Maaxi Macallin ayaa musharaxnimadiisa madaxweynenimada Soomaaliya kaga dhawaaqay Magaalada Katrinholm ee dalka Sweden, isagoo xafladdii musharaxnimadiisa ka sheegay in haddii la doorto uu isbedel ku sameyn doono Soomaaliya.

7/8/2012 9:29 AM EST
Axad, July 08, 2012 (HOL) — Guddiga ammaanka Qaranka ayaa sheegay in jidadka Muqdisho qaarkood si KMG ah loo xirayo laga bilaabo 10-ka bishan oo ku beegan maalinta Talaadada ah ee soo socota, iyagoo sheegay in wadooyinka ay xirnaan doonaan muddo laba todobaad ah.

7/8/2012 9:03 AM EST
Axad, July 08, 2012 (HOL) — Boqor Cismaan Aw Maxamuud Buur Madow oo muddo ka badan boqol cisho u xidhnaa dambiyo lagu soo Oogay ayaa maanta lagu xukumay hal sanno oo xadhig ah, ka dib markii la sheegay in lagu helay eeddo ah ceebeen iyo kicin dadweyne.

7/8/2012 8:47 AM EST
Axad, July 08, 2012 (HOL) — Ugu yaraan hal qof ayaa ku dhintay, ruux kalena wuu ku dhaawacmay dagaal kooxo hubeysan ku dhexmaray deegaanka Balli-Howd oo ka tirsan gobolka Galguduud ee bartamaha Soomaaliya.

7/8/2012 8:17 AM EST
Axad, July 08, 2012 (HOL) — Wasiirka arrimaha gudaha DKMG ah ee Soomaaliya, C/samad Macallin Maxamuud ayaa sheegay maanta oo Axad ah in hay'adaha iyo shirkaha aan diiwaan-gashanayn aysan ka shaqeyn karin gudaha dalka, sidoo kalena wuxuu ka digay in magaalada Muqdisho lagu qaato hub aan sharci loo haysan.

7/8/2012 8:02 AM EST
Axad, July 08, 2012 (HOL) — Golaha wakiilada Puntland oo labadii maalmood ee ugu dambeeyay ka doodayay xaaladda gobolka Sool, gaar ahaan magaalada Laas-Caanood oo muddo ka maqan gacanta dowlada Puntland ayaa maanta isku raacay in dowladda ay go'aan cad ka qaadato arrinta magaalada Laascaanood.

7/8/2012 7:29 AM EST
Axad, July 08, 2012 (HOL) — Xukuumadda Eritrea ayaa eedeymo aan sal iyo raad lahayn ku tilmaantay eedeymo uu Mareykanku u jeediyay laba sarkaal oo ka tirsan ciidamadeeda kuwaasoo lagu soo rogay cunno-qabteyn dhinaca maaliyadda ah.

7/8/2012 4:52 AM EST
Axad, July 08, 2012 (HOL) — Guddoomiyaha maamulka gobolka Hiiraan Cabdifataax Xasan Afrax oo wareysi siinayay laanta afka Soomaaliga ee BBC-da ayaa ka warbixiyay xaaladaha amaanka iyo siyaasada gobolka Hiiraan.

7/8/2012 2:01 AM EST
Axad, July 08, 2012 (HOL) — Ciidamada Midowga Afrika ee AMISOM ayaa yeeshay afhayeen cusub oo ka mid ah saraakiisha ciidamada Jabuuti ee ku sugan Soomaaliya, isagoo howsha kala wareegi doona afhayeenkii hore ee AMISOM Col. Paddy Ankunda oo u dhashay dalka Uganda.

7/8/2012 1:45 AM EST
Axad, July 08, 2012 (HOL) — Kooxo hubeysan ayaa xalay ku dhaawacay degmada Wadajir ee gobolka Banaadir, wariye C/qaadir Cumar Cabdulle (Kuwaral) oo ka mid ahaa wariyeyaasha telefishinka Universal, iyadoo dhaawaca wariyaha la dhigay isbitaalka Madiina.