8/18/2019
Today from Hiiraan Online:  _
Wararka Maanta- Axad, July 8 , 2012
Xukuumadda Eritrea oo iska fogeysay eedeyn Mareykanku u soo jeediyay sarkaakiil u dhashay dalkeeda


Axad, July 08, 2012 (HOL) — Xukuumadda Eritrea ayaa eedeymo aan sal iyo raad lahayn ku tilmaantay eedeymo uu Mareykanku u jeediyay laba sarkaal oo ka tirsan ciidamadeeda kuwaasoo lagu soo rogay cunno-qabteyn dhinaca maaliyadda ah.

Mareykanka ayaa Khamiistii lasoo dhaafay ku eedeeyay saraakiisha Eriteriyaanka ah oo lagu kala magacaabo: Col. Col. Twolde Habte Negash iyo Col. Taeme Abraham Goitom inay Al-shabaab ka taageen tababarrada iyo talooyinka, waxaana eedeynta loosoo jeediyay ka mid ah inay huriyeen colaadda ka taagan Soomaaliya.

"Saraakiisheenna waxaa dusha laga saaray eedeymo been abuur ah, mana jiraan wax caddeymo ah oo lasoo bandhigay," ayaa lagu yiri warsaxaafadeed ay soo saartay wasaaradda arrimaha dibadda ee Asmara Sabtidii shalay.

Warsaxaafadeedka kasoo baxay Eritrea ayaa lagu sheegay in dowladda Mareykanka ay ku guuldarreystay inay runta sheegto, iyadoo Eritera ay dhowr jeer oo hore iska diiday eedo noocan oo kale ah oo kaga yimid Mareykanka iyo Qaramada Midoobay.

Saraakiishan Eritrean-ka ah ayaa waxay ka mid ahaayeen lix xubnood oo saddex ka mid ah ay u dhasheen dalka Kenya oo lagu eedeeyay inay huriyeen colaadda dalka Soomaaliya ayna gacan siiyeen Al-shabaab.

Wasiirka maaliyadda ee Mareykanka ayaa sheegay in cunno-qabateyntan ay qayb ka qaadanyso sidii lagu joojin lahaa colaadaha Soomaaliya ka jira, loona baabi'in lahaa Xarakada Al-shabaab.

Xukuumadda Asmara ayaa waxay sidoo kale sheegtay in xukuumadda Washington iyo madaxweynaheeda ay siyaasaddooda ka mid tahay sidii ay waxyeello ugu geysan lahaayeen madax-bannaanida iyo sharafta dalkeeda.

Ugu dambey, Eritrea waxay ugu baaqday dalalka kale ee caalamka inay u ololeeyaan sidii ay uga hortegi lahaayeen ficillada ka dhan ah xukuumaddooda oo ay wadaan Mareykanka iyo Qaramada Midoobay.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
7/8/2012 2:15 PM EST
Axad, July 08, 2012(HOL): Kulan balaadhan oo ay soo abaabuleen Ururka Ardayda Soomaaliyeed SYDRC aya ka dhacay magaaladan London, Shirkan oo ay kasoo qaybgaleen arday waxka barata jaamacadaha Qaaradan Yurub gaar ahaan dalka Ingiriiska,Kulankan waxa kasoo qaybgalay qaar ka mid ah madax sar sare oo wax ka dhiga jaamacada dalkan Ingiriiska,Haween ka socda dawlada Hoose iyo dhalinyaro Soomaali ah oo ka mid ah madaxda Dawlada hoose ee qayb ka mid ah xaafadaha London.

7/8/2012 11:33 AM EST
Axad, July 08, 2012(HOL): Siyaasiga Yaasiin Maaxi Macallin ayaa musharaxnimadiisa madaxweynenimada Soomaaliya kaga dhawaaqay Magaalada Katrinholm ee dalka Sweden, isagoo xafladdii musharaxnimadiisa ka sheegay in haddii la doorto uu isbedel ku sameyn doono Soomaaliya.

7/8/2012 9:29 AM EST
Axad, July 08, 2012 (HOL) — Guddiga ammaanka Qaranka ayaa sheegay in jidadka Muqdisho qaarkood si KMG ah loo xirayo laga bilaabo 10-ka bishan oo ku beegan maalinta Talaadada ah ee soo socota, iyagoo sheegay in wadooyinka ay xirnaan doonaan muddo laba todobaad ah.

7/8/2012 9:03 AM EST
Axad, July 08, 2012 (HOL) — Boqor Cismaan Aw Maxamuud Buur Madow oo muddo ka badan boqol cisho u xidhnaa dambiyo lagu soo Oogay ayaa maanta lagu xukumay hal sanno oo xadhig ah, ka dib markii la sheegay in lagu helay eeddo ah ceebeen iyo kicin dadweyne.

7/8/2012 8:47 AM EST
Axad, July 08, 2012 (HOL) — Ugu yaraan hal qof ayaa ku dhintay, ruux kalena wuu ku dhaawacmay dagaal kooxo hubeysan ku dhexmaray deegaanka Balli-Howd oo ka tirsan gobolka Galguduud ee bartamaha Soomaaliya.

7/8/2012 8:17 AM EST
Axad, July 08, 2012 (HOL) — Wasiirka arrimaha gudaha DKMG ah ee Soomaaliya, C/samad Macallin Maxamuud ayaa sheegay maanta oo Axad ah in hay'adaha iyo shirkaha aan diiwaan-gashanayn aysan ka shaqeyn karin gudaha dalka, sidoo kalena wuxuu ka digay in magaalada Muqdisho lagu qaato hub aan sharci loo haysan.

7/8/2012 8:02 AM EST
Axad, July 08, 2012 (HOL) — Golaha wakiilada Puntland oo labadii maalmood ee ugu dambeeyay ka doodayay xaaladda gobolka Sool, gaar ahaan magaalada Laas-Caanood oo muddo ka maqan gacanta dowlada Puntland ayaa maanta isku raacay in dowladda ay go'aan cad ka qaadato arrinta magaalada Laascaanood.

7/8/2012 7:48 AM EST
Axad, July 08, 2012 (HOL) — Alla ha u naxariistee waxa shalay galab geeri naxdin lihi ka dhacday jidka u dhexeeye Berbera iyo Hargeysa, kaas oo galaaftay saddex qof oo isku qoys ah iyo nin kale oo la socday, halkaas oo ay afartooduba ku geeriyoodeen.

7/8/2012 4:52 AM EST
Axad, July 08, 2012 (HOL) — Guddoomiyaha maamulka gobolka Hiiraan Cabdifataax Xasan Afrax oo wareysi siinayay laanta afka Soomaaliga ee BBC-da ayaa ka warbixiyay xaaladaha amaanka iyo siyaasada gobolka Hiiraan.

7/8/2012 2:01 AM EST
Axad, July 08, 2012 (HOL) — Ciidamada Midowga Afrika ee AMISOM ayaa yeeshay afhayeen cusub oo ka mid ah saraakiisha ciidamada Jabuuti ee ku sugan Soomaaliya, isagoo howsha kala wareegi doona afhayeenkii hore ee AMISOM Col. Paddy Ankunda oo u dhashay dalka Uganda.

7/8/2012 1:45 AM EST
Axad, July 08, 2012 (HOL) — Kooxo hubeysan ayaa xalay ku dhaawacay degmada Wadajir ee gobolka Banaadir, wariye C/qaadir Cumar Cabdulle (Kuwaral) oo ka mid ahaa wariyeyaasha telefishinka Universal, iyadoo dhaawaca wariyaha la dhigay isbitaalka Madiina.