8/25/2019
Today from Hiiraan Online:  _
Wararka Maanta- Axad, July 8 , 2012
Sarkaal ka tirsan Ciidamada Jabuuti ee Soomaaliya ku sugan oo loo magacaabay inuu noqdo Afhayeenka AMISOM


Axad, July 08, 2012 (HOL) — Ciidamada Midowga Afrika ee AMISOM ayaa yeeshay afhayeen cusub oo ka mid ah saraakiisha ciidamada Jabuuti ee ku sugan Soomaaliya, isagoo howsha kala wareegi doona afhayeenkii hore ee AMISOM Col. Paddy Ankunda oo u dhashay dalka Uganda.

G/sare Cali Aadan Xaamud oo ka hadlay munaasabaddii lagu magacaabay oo ka dhacday taliska ciidamada AMISOM ay ku leeyihiin ee Xalane ayaa sheegay inuu ku faraxsan yahay inuu noqdo afhayeenka ciidamada AMISOM.

"Waxaan ballanqaadayaa inaan howsha la ii igmaday kasoo bixi doono; hadba halka ay howlgalladu marayaanna aan soo bandhigo, waxaana ku faraxsanahay inaan ku hadlo afka Soomaaliga ayna Soomaalidu si wanaagsan ii fahmi doonaan," ayuu yiri G/sare Xaamud oo saxaafadda la hadlay.

Afhayeenkii hore ee Ciidamada AMISOM, Col. Paddy Ankunda oo Uganda kasoo jeeda oo isagana saxaafadda kula hadlay Xalane ayaa sheegay inuu ku faraxsan yahay afhayeenka cusub ee la magacaabay ciidamada Midowga Afrika uuna ka caain doonisagoo u rajeeyay howl wacan.

Sarkaalkan Jabuutiyaanka ah ayaa ciidamada dalkiisa ka mid ahaa muddo 20-sano ah, isagoo ka mid ahaa saraakiishii tababarka siiyay ciidamada dalka Jabuuti ee ka mid noqday howgalka AMISOM ee ka socda Soomaaliya.

Ugu dambeyn, sarkaalkan ayaa rajo wanaagsan ka muujiyay in dhawaan guulo laga gaari doono howgalka AMISOM ee ka socda Soomaaliya, kaasoo ay qaybta ka yihiin ciidammo ka socda dalalka: Uganda, Burundi, Kenya, Sierra Leone iyo Jabuuti.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
7/8/2012 2:15 PM EST
Axad, July 08, 2012(HOL): Kulan balaadhan oo ay soo abaabuleen Ururka Ardayda Soomaaliyeed SYDRC aya ka dhacay magaaladan London, Shirkan oo ay kasoo qaybgaleen arday waxka barata jaamacadaha Qaaradan Yurub gaar ahaan dalka Ingiriiska,Kulankan waxa kasoo qaybgalay qaar ka mid ah madax sar sare oo wax ka dhiga jaamacada dalkan Ingiriiska,Haween ka socda dawlada Hoose iyo dhalinyaro Soomaali ah oo ka mid ah madaxda Dawlada hoose ee qayb ka mid ah xaafadaha London.

7/8/2012 11:33 AM EST
Axad, July 08, 2012(HOL): Siyaasiga Yaasiin Maaxi Macallin ayaa musharaxnimadiisa madaxweynenimada Soomaaliya kaga dhawaaqay Magaalada Katrinholm ee dalka Sweden, isagoo xafladdii musharaxnimadiisa ka sheegay in haddii la doorto uu isbedel ku sameyn doono Soomaaliya.

7/8/2012 9:29 AM EST
Axad, July 08, 2012 (HOL) — Guddiga ammaanka Qaranka ayaa sheegay in jidadka Muqdisho qaarkood si KMG ah loo xirayo laga bilaabo 10-ka bishan oo ku beegan maalinta Talaadada ah ee soo socota, iyagoo sheegay in wadooyinka ay xirnaan doonaan muddo laba todobaad ah.

7/8/2012 9:03 AM EST
Axad, July 08, 2012 (HOL) — Boqor Cismaan Aw Maxamuud Buur Madow oo muddo ka badan boqol cisho u xidhnaa dambiyo lagu soo Oogay ayaa maanta lagu xukumay hal sanno oo xadhig ah, ka dib markii la sheegay in lagu helay eeddo ah ceebeen iyo kicin dadweyne.

7/8/2012 8:47 AM EST
Axad, July 08, 2012 (HOL) — Ugu yaraan hal qof ayaa ku dhintay, ruux kalena wuu ku dhaawacmay dagaal kooxo hubeysan ku dhexmaray deegaanka Balli-Howd oo ka tirsan gobolka Galguduud ee bartamaha Soomaaliya.

7/8/2012 8:17 AM EST
Axad, July 08, 2012 (HOL) — Wasiirka arrimaha gudaha DKMG ah ee Soomaaliya, C/samad Macallin Maxamuud ayaa sheegay maanta oo Axad ah in hay'adaha iyo shirkaha aan diiwaan-gashanayn aysan ka shaqeyn karin gudaha dalka, sidoo kalena wuxuu ka digay in magaalada Muqdisho lagu qaato hub aan sharci loo haysan.

7/8/2012 8:02 AM EST
Axad, July 08, 2012 (HOL) — Golaha wakiilada Puntland oo labadii maalmood ee ugu dambeeyay ka doodayay xaaladda gobolka Sool, gaar ahaan magaalada Laas-Caanood oo muddo ka maqan gacanta dowlada Puntland ayaa maanta isku raacay in dowladda ay go'aan cad ka qaadato arrinta magaalada Laascaanood.

7/8/2012 7:48 AM EST
Axad, July 08, 2012 (HOL) — Alla ha u naxariistee waxa shalay galab geeri naxdin lihi ka dhacday jidka u dhexeeye Berbera iyo Hargeysa, kaas oo galaaftay saddex qof oo isku qoys ah iyo nin kale oo la socday, halkaas oo ay afartooduba ku geeriyoodeen.

7/8/2012 7:29 AM EST
Axad, July 08, 2012 (HOL) — Xukuumadda Eritrea ayaa eedeymo aan sal iyo raad lahayn ku tilmaantay eedeymo uu Mareykanku u jeediyay laba sarkaal oo ka tirsan ciidamadeeda kuwaasoo lagu soo rogay cunno-qabteyn dhinaca maaliyadda ah.

7/8/2012 4:52 AM EST
Axad, July 08, 2012 (HOL) — Guddoomiyaha maamulka gobolka Hiiraan Cabdifataax Xasan Afrax oo wareysi siinayay laanta afka Soomaaliga ee BBC-da ayaa ka warbixiyay xaaladaha amaanka iyo siyaasada gobolka Hiiraan.

7/8/2012 1:45 AM EST
Axad, July 08, 2012 (HOL) — Kooxo hubeysan ayaa xalay ku dhaawacay degmada Wadajir ee gobolka Banaadir, wariye C/qaadir Cumar Cabdulle (Kuwaral) oo ka mid ahaa wariyeyaasha telefishinka Universal, iyadoo dhaawaca wariyaha la dhigay isbitaalka Madiina.