Jimco, July 27, 2012 (HOL) — Saraakiisha ciidamada dowladda KMG iyo kuwa ururka Raaskaambooni ee gobollada Jubooyinka ayaa ku hanjabay in xoogagga Al-shabaab ay kala wareegi doonaan guud ahaan Jubooyinka kahor inta aan la gaarin 20-ka bisha fooda nagu soo heyso ee August.
Afhayeenka ciidamada dowladda KMG ee Jubooyinka Max'ed Daahir Faarax oo HOL la hadlay ayaa sheegay in ciidamadooda ay haatan ku jiraan diyaargarowgii ugu danbeeyay oo ay ku doonayaan in ay ku qabsadaan magaalada Kismaayo ee xarunta gobolka Jubada Hoose.
"Dhawaan waxaan rajeyneynaa in weerar kama danbeys ah aan ku qaadno magaalada Kismaayo, waxaana ka weerari doonna cirka iyo dhulka," ayuu Afhayeenku hadalkiisii raaciyay.
Sidoo kale waxa uu sheegay in maalin kahor ay usoo dhamaadeen kulamo ay isugu yimaadeen saraakiisha dowladda KMG, kuwa Raaskaambooni iyo Militariga Kenya, kuwaasoo looga hadlayay sidii gacanta loogu dhigi lahaa guud ahaan gobollada Jubooyinka.
Gobolka Jubada Hoose gaar ahaan magaalada Kismaayo ayaa siweyn looga dareemayaa xiisadaha dagaal ee ka soo cusboonaaday Jubooyinka, iyadoona dadka ku dhaqan goobaha ay maamusho Xarakada Al-shabaab ay walaac ka muujinayaan hanjabaadaha dagaal ee kasoo yeeray saraakisha dowladda KMG iyo kuwa Raaskaambooni ee ku sugan qeybo katirsan gobolka Jubada Hoose.
Dowladda Kenya ayaa hore u shaacisay in bisha August ee fooda nagu soo heyso ay gacanta ku dhigi doonto magaalada Kismaayo oo ah magaalo ay siweyn ugu xoogganyihiin dagaalyahannada Al-shabaab.
Xasan Nuur, Hiiraan Online
[email protected]
Kismaayo, Soomaaliya
Saraakiisha Dowladda KMG Soomaaliya ee Jubbooyinka oo sheegay inay duullaan ku yihiin Magaalada Kismaayo
More News
- Calanka Soomaaliya oo caawa mar kale fagaare Caalami ah ka soo muuqday
- Warbixin Oradyahanada Soomaaliyeed ee ku sugan magaalada London
- Maamulka Somaliland oo sheegay inuu hakiyay Wadahadalkii uu kula jiray Dowladda KMG ah ee Soomaaliya
- Hay'adda Bisha Cas ee Turkiga oo Soomaaliya u soo dirtay Gaadiid qayb ka qaata dib u dhiska Magaalada Muqdisho
- Safiiraddii dalka Venezuela u fadhiday Kenya oo maydkeeda laga helay Nairobi
- Isbahaysiga Madaxa-banaan ee Turxaan bixinta Somalia ee IFISO oo warsaxaafadeed kasoo saaray Muqdisho
- Shirkii Ansixinta Dastuurka oo Maanta Hakaday iyo Qarax lagu Weeraray Koontarool ay ciidamada dowladdu ku sugnaayeen
- Wasiirka Dastuurka Somalia oo sheegay in xalay Hoobiyeyaal lagu Weeraray Xarunta uu ka socdo shirka Ansixinta Dastuurka
- Afhayeenka AMISOM oo sheegay inay soo Gabgabeeyeen Wajigii Koowaad howgalladii ay ka wadeen Muqdisho iyo Hareeraheeda
- Tartan kubada cagta oo lagu maamuusayo Bisha Ramadaan oo ka furmay Magaalada Baladweyne ee xarunta Gobolka Hiiraan
- Ururka XAQSOOR oo soo dhoweeyey Nabadda uu ku baaqay Hogaamiyaha SSC, iyagoo ugu baaqay Xukuumadda inay Gogosha Nabadeed u bedesho Ficil
- Dadweyne gadoodsan oo weerar ku qaaday Maayarkii magaaladda Caynaba, gobolka Saraar, Somaliland
- Dowladda Britain oo xaqiijisay in ciidammo caawinaya kuwa AMISOM ay kaga sugan yihiin Magaalada Muqdisho