Axad, July 01, 2012 (HOL) — Kooxo hubeysan ayaa xalay waqooyiga degmada Gaalkacyo ee gobolka Mudug ku toogtay xeer ilaaliyihii maxkamadda gobolka ee maamulka Puntland, Bashiir Cabdi Maxamed oo ku magac-dheeraa Garas.
Marxuumka ayaa la sheegay in la toogtay xilli uu ku socday gurigiisa, iyadoo kooxihii dilay oo ku hubeysnaa bastoolado la sheegay inay goobta ka baxsadeen, inkastoo ay socdaan baaritaanno lagu raadinayo.
Saraakiisha ciidamada ammaanka iyo mas'uuliyiinta maamulka gobolka ayaa sheegay inaysan jirin cid loo qabtay dilka xeer ilaaliyaha iyadoo aysan jirin cid sheegatay in dilka xeer ilaaliyaha ay ka dambeysay.
Goobjoogayaal ayaa sheegay in marxuumka ay toogteen saddex dhallinyaro ah oo wajiyada qarsaday, waxaana dilkan uu noqonayaa kii ugu horreeyya oo ka dhaca labadii todddobaad ee uug dambeeyay magaalada Gaalkacyo.
Xeer ilaaliyaha la dilay oo maanta lagu aasay Gaalkacyo ayaa wuxuu horay uga tirsanaa maxkamadda dambiyada culus ee Puntland, iyadoo jagadan loo magacaabay muddo hal sano laga joogo.
Mas'uuliyiinta Puntland ee magaalada Gaalkacyo ayaan inta badan ku guuleysan inay soo qabtaan kooxaha fuliya dilalka qorsheysan, iyadoo aysan ahayn markii ugu horreysay oo mas'uul ka tirsan Puntland lagu dilo xarunta gobolka Mudug.
Degmada Gaalkacyo ayaa waxay u qaybsan tahay laba qaybood oo ay ka kala taliyaan maamulka Galmudug iyo Puntland, waxaana labada maamul dhowr jeer soo dhexgalay khilaafyo ka dhashay dilal iyo falal ammaan-darro oo ka dhacay degmadaas.
Maxamed Xaaji Xuseen, Hiiraan Online
[email protected]
Muqdisho, Soomaaliya
Dabley hubeysan oo Waqooyiga Gaalkacyo ku Toogtay Xeer ilaaliyihii Maxkamadda Gobolka Mudug ee Puntland
More News
- Xulka Spain oo ku guuleystay Koobka Qaaradda Yurub
- Munaasabadda 1-da Luulyo oo si weyn looga xusay Magaalda Eskilstuna ee dalka Sweden (SAWIRRO)
- Munaasabad lagu xusayay 1-da Luuliyo oo uu ka qaybgalay Madaxweynaha Somalia oo Muqdisho lagu qabtay (SAWIRRO)
- Dabaaldagyada 1-da Luuliyo oo lagu qabtay Nairobi, Taasoo ay ka qaybgaleen madax sare (DAAWO SAWIRRO)
- Xarakada Al-shabaab oo sheegtay in sarkaal iyo ciidammo ka tirsan DKMG ah ay ku dileen Dagaal ka dhacay Deegaanka Lafoole
- Faahfaahinno kasoo baxaya Weerarro khasaare badan geystay oo lagu qaaday Kaniisado ku yaalla Magaalada Gaarisa
- Munaasabad lagu xusayay 1-da Luulyo oo xalay lagu qabtay Magaalada Beledweyne ee Xarunta Gobolka Hiiraan
- Madaxweynaha Somaliland oo Magaalada Dubia kula kulmay hoggaamiyihii Ururkii SSC, Saleebaan Xagla-Toosiye
- Ciidamada Dowladda iyo kuwa Al-shabaab oo ku Dagaalamay Deegaanka Qooqaani ee Gobolka Jubbada Hoose
- Qarax khasaare geystay oo lala eegtay Kaniisado ku yaalla Magaalada Gaarisa
- Munaasabado lagu xusayay 1-da Luuliy oo xalay ka dhacay Gobollada Gedo, Bakool, Bay, Hiiraan iyo Shabeellooyinka
- Qunsulka Soomaaliya ee magaalada Cadan oo warqadihiisii aqoonsiga ku wareejiyay Wasiirka Arrimaha Dibadda Yemen
- Madaxweynaha Soomaaliya oo sheegay in haddii fikir mideysan la qaato laga gudbi karo dhibaatada hadda jirta