3/28/2024
Today from Hiiraan Online:  _
Wararka Maanta- Axad, July 1 , 2012
Madaxweynaha Somaliland oo Magaalada Dubia kula kulmay hoggaamiyihii Ururkii SSC, Saleebaan Xagla-Toosiye

Axad, July 01, 2012 (HOL) — Madaxweynaha Somaliland Mudane: Axmed Maxamed Maxamuud (Siillaanyo), ayaa kulan kula yeeshay hotelka uu ka degan yahay ee magaaladda Dubia hogaamiyihii SSC ee Sool, Sanaag iyo Cayn.

Sidaas waxa lagu sheegay war-saxaafadeed uu ku saxeexan yahay Afhayeenka madaxweynaha Cabdilaahi Maxamed Daahir (Cukuse), waxaanu sheegay inay madaxweynaha ka wada hadleen sidii nabad iyo deganaasho loogu soo dabaali lahaa deegaanka Buuhoodle, isla markaana wax la qaybsan lahaayeen Somaliland.

"Madaxweynaha Somaliland, Mudane, Axmed Maxamed Maxamuud (Siilaanyo) Waxa uu maanta ku qaabiley Qasriga uu degan yahay ee MINA-SALAAMA HOTEL, Hogaamiyaha Kooxdii SSC, Saleebaan Ciise Axmed Kaar (Xagla-toosiye)"ayaa lagu yidhi war-saxaafadeedkaasi, waxaana intaas lagu daray "Madaxweynaha iyo Gudoomiyaha SSC waxay ka wada hadleen sidii deegaanada Buuhoodle iyo qaybo ka mida Sool loogu soo dabaali-lahaa nabad-gelyo buuxda oo taam ah".

"Madaxweynaha iyo Gudoomiyuhu waxay istu-seen isla markaana kuwada Qanceen baahida ay shacbiga deegaanadaasi u qabaan in ay walaalahooda dalka ee kale la wadaagaan horumarka dhanwalba leh ee wax-barashada, Caafimaadka, Nabad-gelyada iyo Adeeg-yada kale ee ay noloshu u baahan tahay oo dhan, sida biyaha Iwm"ayuu raaciyey afhayeenka.

Sida uu afhayeenku sheegay waxa uu Madaxweynuhu balan qaaday inuu dhiniciisa soo dhawaynayo dedaalka lagu soo Af-jarayo khilaafka jira oo dhan, wuxuuna hogaamiyaha SSC-da kula dar-daarmay inuu si dhakhso ah uga hawl-galo.

Saleebaan Ciise Axmed Kaar (Xaglatoosiye) waxa uu balan qaaday inuu ka hawl-gelayo sidii khilaafka loo soo Af-jari lahaa, waxaanu sheegay inay reer Somaliland yihiin dad wada dhashay oo aan sinaba u kala maarmaynin, Dantuna ay ku jirto wax-wada qabsiga iyo wada jirka.

Kulankan ay wada yeesheen Madaxweynaha Somaliland iyo Hogaamiyihii ururkii SSC ayaa ahaa kii ugu horeeyey ee ay wada yeesahaan, isla markaana si fool ka fool ah u wada hadlaan, waxaanu hogaamiyahan SSC Saleebaan Xagle Toosiye mudaba dagaal hubaysan kala soo horjeeday Somaliland, isagoo doonayey in deegaanadda Sool, Sanaag iyo Buuhoodle ay ka madax banaanaato Somaliland.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
7/1/2012 5:05 PM EST
Axad, July 01, 2012(HOL): Xulka Spain ayaa markii 2aad ku guuleystay koobka qaaradda Yurub kaddib markii uu 4—0 ku dhuftay xulka Italy oo rajo ka qabay in uu koobkan hanto.

7/1/2012 4:16 PM EST
Axad, July 01, 2012(HOL): Xaflad lagu maamuusayay 52 guuradii ka soo wareegatay markii ay Gobollada Koofureed ee Soomaaliya ay xornimada ka qaadeen gumeystihii Talyaaniga, sidoo kale ay midoobeen gobollada Waqooyi iyo Koofur ee Soomaaliya ayaa maanta lagu qabtay magaalada Eskilstuna ee dalka Sweden.

7/1/2012 8:38 AM EST
Axad, July 01, 2012 (HOL) — Munaabasad lagu xusayay 1-da Luuliyo ayaa maanta ka dhacday garoonka kubadda cagta ee Banaadir, kaasoo ay ka qaybgaleen madax ka tirsan dowladda KMG ah oo uu ku jiray madaxweynaha iyo kumannaan dadweyne ah.

7/1/2012 8:34 AM EST
Axad, July 01, 2012 (HOL) — Kooxo hubeysan ayaa xalay waqooyiga degmada Gaalkacyo ee gobolka Mudug ku toogtay xeer ilaaliyihii maxkamadda gobolka ee maamulka Puntland, Bashiir Cabdi Maxamed oo ku magac-dheeraa Garas.

7/1/2012 7:35 AM EST
Boqollaal Soomaali ah ayaa xalay isugu tagay gurigii hore ee safaarada Soomaalida ee magaalada Nairobi, halkaasoo ay isugu yimaadeen qaar kamid madaxda qaranka.

7/1/2012 7:33 AM EST
Axad, July 01, 2012 (HOL) — Xarakada Al-shabaab ayaa sheegatay inay weerar ka dhacay deegaanka Lafoole ee duleedka Muqdisho ku dishay taliyihii ciidamada DKMG ah ee deegaankaas oo u dhexeeya Muqdisho iyo Afgooye.

7/1/2012 7:14 AM EST
Axad, July 01, 2012 (HOL) — Ugu yaraan 15-qof oo laba sarkaal oo booliiska Kenya ka tirsan ay ku jireen ayaa ku dhintay, 50-ruux oo kalena way ku dhaawacmeen weerarro lagu qaaday lagu weeraray laba kaniisadood oo ku yaalla magaalada Gaarisa ee gobolka Waqooyi-bari ee dalka Kenya.

7/1/2012 7:08 AM EST
Axad, July 01, 2012 (HOL) — Dhowr sano kadib waxaa xalay lagu qabtay magaalada Beledweyne ee xarunta gobollka Hiiraan munaasabad lagu maamuusayay 1-Luulyo oo ku beegan 1960-kii, maanta oo kale waqtigii ay ka xuroobeen gobollada Koonfurta Soomaaliya gumeystihii Talyaaniga iyo is raacii labada gobol Koonfur iyo Waqooyi.

7/1/2012 5:55 AM EST
Axad, July 01, 2012 (HOL) — Ciidmaada dowladda KMG oo kaashanaya kuwa Raaskaambooni iyo Xoogagga Al-shabaab ayaa xalay ku dagaalamay deegaanka Qooqaani oo hoostaga Degmada Afmadow, iyadoona dagaalkaasi uu sababay khasaarooyin kala gaaray labada dhinac.

7/1/2012 4:07 AM EST
Axad, July 01, 2012 (HOL) — Wararka aynu ka heleyno magaalada Garisa ayaa sheegaya in goordhow qarax xooggan uu ka dhacay goob kaniisad ah oo ay ku sugnaayeen dadweeyne fara badan, iyadoona la sheegay in qaraxu sababay khasaarooyin lixaad leh.

7/1/2012 4:00 AM EST
Axad, July 01, 2012 (HOL) — Munaasabado lagu xusayay sannad-guuradii 52-aad ee kasoo wareegtay markii ay gobollada Koonfureed xoriyaddooda ka qaateen dalka Talyaaniga ayna midoobeen gobollada Koonfureed iyo waqooyi ee Soomaaliya ayaa xalay ka dhacay gobollada dalka qaarkood.

7/1/2012 3:34 AM EST
Axad, July 01, 2012 (HOL) — Wasiirka arrimaha dibadda ee dalka Yemen Abubakar Cabdalla Al-Qarbi ayaa ka guddoomaya waqadihii aqoonsiga danjirenimo qunsulka guud ee dowladda Soomaaliya u magacowday magaalada Cadan, Axmed Cabdi Xasan (Axmed Suudaan) kaddib kulan uu kula qaatay wasiirka oo ka dhacay Sanca.

7/1/2012 3:17 AM EST
Axad, July 01, 2012 (HOL) — Madaxweynaha Soomaaliya, Sheekh Shariif Sheekh Axmed oo khudbad dheer ka jeediyay munaasabad lagu xusayay 1-da Luuliyo oo xalay ka dhacday xarunta madaxtooyada Soomaaliya ayaa sheegay in loo baahan yahay in fikir mideysan la qaato si looga gudbo dhibaatada hadda jirta, dalkana loogu soo dabaalo dowladnimo iyo amni.