3/28/2024
Today from Hiiraan Online:  _
Wararka Maanta- Khamiis, Aug 9 , 2012
Ciidammo Rasaas khasaare geystay ku furay Dadweyne dhigayay Mudaaharaad ay ku Taageerayaan Imaanashaha Farmaajo
Khamiis, Ogoosto 09, 2012 (HOL) — Ugu yaraan laba qof oo mid ka mid ah uu ahaa askari ayaa ku dhintay rasaas ay ciidammo ka tirsan DKMG ku fureen dad dhigayay dibadbax ay ku taageerayaan imaanshaha ra'iisul wasaarihii hore ee Soomaaliya, iyadoo ay rasaastaas ku dhaawacmeen saddex qof oo kale.

Ciidamada rasaasta furay ayaa markii hore isku dayay inay kala cayriyaan shacabkii dibadbaxa dhigayay, balse ciidammo mudaaharaadka la socday ayaa isku-dayeen in ay ka hortagaan amarkaas, taasoo keentay inay goobta rasaas ka billaabato.

"Askari ka mid ahaa kuwii la socday dibabaxa iyo nin oday ah ayaa ku dhintay rasaas ay ciidammo ka tirsan kuwa dowladda ku fureen dad dhigayay dibadbax ay ku taageerayaan Farmaajo," ayuu yiri mid ka mid ah goobjoogayaal ku sugnaa isgoyska Sayidka ee waddada Maka-Al-Mukarama oo uu falkan ka dhacay.

Goobjoogayaal kale, ayaa sheegay in ciidammada dowladda ee rasaasta furay ay wateen gaari Toyoto ah oo lagu sharraxay sawirka madaxweynaha DKMG ah ee Soomaaliya, iyadoo aysan dowladdu weli ka hadlin falkan.

Dibadbaxayaashii ayaa billaabay inay kala cararaan, iyadoo goobta uu soo gaaray gaari ay wateen ciidamada nabadsugidda DKMG ah, kuwaasoo dibadbaxayaashii ku wargeliyay inay goobta isaga tagaan.

Ra'iisul wasaarihii hore ee Soomaaliya Maxamed Cabdullaahi Farmaajo ayaa waxaa soo dhaweeyay dadweyne fara badan oo uga hortagay garoonka diyaaradaha, waxaana tani ay muujinaysaa taageerada ay shacabku u hayaan ra'iisul wasaarihii hore ee Soomaaliya.

Magaalada Muqdisho ayaa waxaa lagu wadaa inay ka dhacaan doorasho lagu soo dooran doono madaxweynaha cusub ee Soomaaliya marka la gaaro 20-ka bishan Ogoosto oo ay naga xigto illaa 11-maalmood.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/9/2012 8:19 PM EST
Jimco, August 10, 2012-Kulan ay guddiga amniga qaranka maanta ku yeesheen xarunta madaxtooyada oo uu shir guddoominayay madaxweynaha dowladda Soomaaliya mudane Shariif Sheekh Axmed ayaa laga soo saarat go’aanno ku saabsan ammaanka dalka iyo marxaladda dalku marayo.

8/9/2012 10:34 AM EST
Khamiis, Ogoosto 09, 2012 (HOL) — Warsaxaafadeed ay soo saareen 13-murashax oo ka mid ah kuwa u taagan xilka madaxnimo ee Soomaaliya ayaa waxay kusoo ban-dhigeen inay ku dhiseen isbahaysi ay ugu magacdareen isbahaysiga isbedel-doonka Qaranka, iyagoo sheegay inay hal xubin u dooran doonaan ka qaybgala doorashada dhacaysa 20-ka bishan.

8/9/2012 9:31 AM EST
Khamiis, Ogoosto 09, 2012 (HOL) — Hal qof oo rayid ah ayaa ku dhintay rasaas ay fureen ciidamada Itoobiya kaddib markii qarax miino saakay ciidamadaas oo howgal ku jira lagula eegtay xaafadda Irid Aamin ee degmada Baladweyne ee gobolka Hiiraan.

8/9/2012 9:31 AM EST
Khamiis, Ogoosto 09, 2012 (HOL) — Ra’iisul wasaaraha DKMG Soomaaliya. Cabdiweli Maxamed Cali ayaa sheegay inay si weyn u adkeyn doonaan ammaanka Muqdisho inta lagu jiro doorashooyinka; isagoo xusay in ciidamada qalabka sida ay diyaar u yihiin xaqiijinta ammaanka goobaha ay doorashooyinku ka dhacayaan.

8/9/2012 9:20 AM EST
Khamiis, Ogoosto 09, 2012 (HOL) — Guddiga farasamada ee xulista xildhibaannada cusub ee Soomaaliya ayaa sheegay inay maalinta berri ah ku dhawaaqi doonaan tirada xildhibaannada ay hayaan, iyadoo ay weli jiraan cabashooyin ku aaddan sida lagu xulay xildhibaannada oo ka imaanaysa beelaha qaarkood.

8/9/2012 8:36 AM EST
Khamiis, Ogoosto 09, 2012 (HOL) — Kulan loogu hadlayay sanad-guuradii koowaad ee kasoo wareegatay markii kooxda Al-Shabaab ay ka baxday Muqdisho ayaa lagu qabtay maanta degmada Wardhiigley ee gobolka Banaadir, waxaana looga hadlay arrimo fara badan oo ay ka mid yihiin waxyaabihii qabsoomay iyo horumarka ay ku tallaabsatay Muqdisho iyo sida loo adkeyn karo ammaanka.

8/9/2012 8:24 AM EST
Khamiis, Ogoosto 09, 2012 (HOL) — Madaxweynaha DKMG Soomaaliya, Shariif Sheekh Axmed ayaa degmooyin cusub ku kordhiyay gobollada Bay iyo Bay, iyadoo lagu shaaciyay magacaabista degmooyinkan wareegto kasoo baxday xafiiska madaxweynaha Soomaaliya

8/9/2012 7:32 AM EST
Soomaalida ayaa sannadihii hore ay ku yaraayeen jilitaanka filimada casriga ah, iyadoo la samayn jiray riwaayado lagu soo bandhigo masraxa oo kaliya.

8/9/2012 7:10 AM EST
Khamiis, Ogoosto 09, 2012 (HOL) — Ugaaska beesha Cabdalla oo ka mid ah beesha Direed, C/raxmaan Xaaji Xuseen Ibrahim kana mid ah 135-oday dhaqameed ee soo xulay ergadii ansixisay dastuurka ayaa sheegay in lagu diiday xildhibaanno uu u xulay inay ka mid noqdaan baarlamaanka soo socoda ee Soomaaliya.

8/9/2012 5:02 AM EST
Khamiis, Ogoosto 09, 2012 (HOL) — Guddoomiye ku xigeenka gobolka Shabeellada dhexe ee dowladda KMG ah, Yuusuf Cabdi Cabdulle ayaa ka badbaaday qarax miino oo xalay fiidkii lagula beegsaday xaafadda Suuqa xoolaha ee degmada Huriwaa ee gobolka Banaadir.

8/9/2012 4:55 AM EST
Khamiis, Ogoosto 09, 2012 (HOL) — Maxkamad ku taalla dalka Kenya ayaa min 20-sano oo xabsi ah ku xukuntay toddoba dhallinyaro Soomaaliyeed ah oo lagu helay dambi burcadbadeednimo, iyadoo xukunkan uu qayb ka yahay dadaalka lagula dagaalamayo burcadbadeedda Soomaaliya.

8/9/2012 3:41 AM EST
Khamiis, Ogoosto 09, 2012 (HOL) — Ra'iisul wasaarihii hore ee Soomaaliya, Maxamed Cabdullaahi Farmaajo ayaa saakay dib ugu soo laabtay magaalada Muqdisho tan iyo markii uu xilka iska casilay sannadkii hore, isagoo ka mid ah murashaxiinta u tartamaya doorashada madxnimo ee dalka.