3/28/2024
Today from Hiiraan Online:  _
Wararka Maanta- Isniin, Aug 27, 2012
Xarunta Hormarinta Dhallinyarada Soomaaliyeed ee CYD oo kulan Aqoon-isweydaarsi ah ku qabatay Degmada Balcad
arday.jpg

Isniin, Ogoosto 27, 2012 (HOL) — Aqoon-isweydaarsi ay soo qaban-qaabisay xarunta horumarinta dhalinyarada Soomaliyeed “center for youth development” (CYD) ayaa shalay lagu qabtay degmada Balcad ee gobolka Shabeelada dhexe.

Aqoon-isweydaarsigan oo ahaa mid si weyn loosoo agaasimay oo ay kasoo qeyb-galeen ku dhawaad 100-dhalinyarada deegaanka ah ayaa looga hadlay “Sida loooga faa’idysan karo awoodaha ku keydsan dhallinyarada”.

Ugu horreyn waxaa halkaasi ka hadlay guddoomiyaha (CYD Somalia) Muusa Yabarow isagoo ku dheeraday muhiimada ay leedahay ka faa’iideeysiga awoodaha ku keydsan dhalinyarada xusayna haddii loo adeegsado sida ugu haboon looga faa’iideysan karo dhinacyo badan sida: waxbarashada, dhaaqalaha, ganacsiga, beeraha, kaluumeesiga, siyaasadda, amaanka iyo horumarinta bulshada ku nool degmada Balcad ee gobolka Shabeelaha Dhexe iyo guud ahaan dalka oo dhan.

arday2.jpg

Waxaa sidoo kale halkaas ka hadlay guddoomiye ku xigeenka arrimaha bulshada iyo siyaasadda ee gobolka Shabeelaha Dhexe, Yuusuf Cabdi Cabdulle isagoo tilmaamay inay wanaagsan tahay in dhalliyaradu kaga faa’iideeyaan awoodaha ku jira sida ugu haboon maadama ay yihiin dhallinyaradu lafdhabarka bulshada una horseedi kara horumar.

Taliyaha guutada koowaad ee ciidanka xoogga dalka Jen. Maxamed Msaxamuud Saney oo isaguna aqoon-isweydaarsiga ka hadlay ayaa sheegay inay muhiim tahay in awoodaha dhalliyarada loo isticmaalo sida ugu haboon oo aan loo adeegsan si qaladan oo bulshada dhib ku ah.

Madaxda dhaqanka, aqoonyahano, haweenka iyo dhalliyarada oo iyaguna hadallo ka jeediyay aqoon-isdhaafsiga ayaa xusay ahmiyada ay leedahay in loo adeegsado awoodaha ku qarsoon dhalliyarada sida ugu wacan oo bulshada wax tar u leh.

Aqoon-iswaydaarsiga ayaa ugu dambeyntii kusoo gabagaboobay jawi wanaagsan iyadoo ay ka faa’iideen dhalliyaradii ka qeyb-gashay aqoon wax ku ool ah oo ay ugu faa'iideyn karaan bulshada inteeda kale.

arday3.jpg
arday4.jpg
arday5.jpg
arday6.jpg

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/27/2012 10:57 AM EST
Isniin, Agoosto 27, 2012 (HOL) - Guddiga farsamada ee xulista baarlamaanka Soomaaliyeed ayaa soo saaray liiskii ugu dambeeyey oo gaaraya 255 xubnood, waxaana dhimman 20 xubnood

8/27/2012 10:44 AM EST
Rabshado uu dhiig ku daatay ayaa ka soconaya magaalada Mombasa ee xarunta gobolka xeebta ee Kenya.

8/27/2012 9:42 AM EST
Isniin, Ogoosto 27, 2012 (HOL) — Afhayeenka ciidamada Midowga Afrika (AMISOM), Col. Cali Aadan Xaamud ayaa sheegay in maanta ay ciidamadooda iyo kuwa dowladda Soomaaliya oo iskaashanaya ay si buuxda ula wareegeen gacan ku haynta degmada Marko ee gobolka Shabeellada hoose.

8/27/2012 9:30 AM EST
Isniin, Ogoosto 27, 2012 (HOL) — Xisbiga Mucaaradka ah ee UDUB ee Somaliland, ayaa maanta shirweynihiisii golaha dhexe ku qabsaday hotel Ambassador ee magaaladda Hargeysa, halkaas oo ay iskugu yimaadeen 105 ka mid ah xubnaha golaha dhexe ee xisbiga.

8/27/2012 8:07 AM EST
Isniin, Ogoosto 27, 2012 (HOL) — Madaxweynaha Soomaaliya, Shariif Sheekh Axmed, C/weli Maxamed Cali, Shariif Xasan Sheekh Aadan iyo guddoomiyaha KMG ah ee baarlamaanka Soomaaliya, Jen. Muuse Xasan ayaa maanta Muqdisho kulan kula yeeshay wafdi ay hoggaaminayso wakiilka midowga Yurub u qaabilsan arrimaha dibadda iyo siyaasadda ammaanka, Catherine Ashton.

8/27/2012 7:39 AM EST
Isniin, Ogoosto 27, 2012 (HOL) — Golaha ammaanka ee Qaramada Midoobay ayaa cunno-qabteyn saaray, Abuubakar Shariif Axmed oo ah wadaad Kenyan ah, kaasoo lagu eedeeyay inuu taageero siiyay Xarakada Al-shabaab.

8/27/2012 6:56 AM EST
Isniin, Ogoosto 27, 2012 (HOL) — Ugu yaraan shan caruur ah ayaa ku dhintay 10 kalena way ku dhaawacmeen qarax bambaano oo maanta ka dhacay degmada Balcad ee gobolka Shabellada hoose.

8/27/2012 6:29 AM EST
Isniin, Ogoosto 27, 2012 (HOL) — Ciidamada dowladda Soomaaliya oo garabsanaya kuwa AMISOM ayaa maanta gaaray deegaan ku dhow degmada Marko ee xarunta gobolka Shabeellada hoose, halkaasoo ay saddexdii sano ee lasoo dhaafay ay ka talinaysay Xarakada Al-shabaab.

8/27/2012 4:06 AM EST
Isniin, Ogoosto 27, 2012 (HOL) — Madaxweynaha Puntland, Cabdiraxmaan Sheekh Maxamed Faroole ayaa ku eedeeyay madaxweynaha Soomaaliya, Shariif Sheekh Axmed inuu doonayo inuu baarlamaanka cusub ee Soomaaliya kusoo xubno dagaal-oogayaal ay hogay u diideen guddiga farsamo ee xulista baarlamaanka.

8/27/2012 4:06 AM EST
Isniin, Ogoosto 27, 2012 (HOL) — Guddoomiyaha maxkamadda sare ee dalka, Avv. Caydiid Cabdullaahi Ilko-xanaf ayaa sheegay in maxkamadda sare ay go'aan kama dambeys ah ka gaari doonto maanta oo Isniin ah dacwadaha xildhibaannadii loo diiday inay ka mid noqdaan baarlamaanka cusub ee Soomaaliya.

8/27/2012 3:59 AM EST
Isniin, Ogoosto 27, 2012 (HOL) — Laba ka mid ah tahriibayaal Soomaaliyeed ayaa lagu dilay dalka Yemen shan kalena waa lagu dhaawacay kaddib iska-horimaad ku dhexmaray ciidamada ammaanka Yemen iyo kooxo hubeysan oo burcad ah meel ku dhow xerada qoxootiga Al-Qaras oo ay ku jiraan Qoxooti Soomaaliyeed ku taalla gobolka Laxaj ee Koonfurta dalka Yemen.

8/27/2012 3:58 AM EST
Isniin, Ogoosto 27, 2012 (HOL) — Abwaan Maxamuud Goox Qarboosh oo ka mid ah fannaaniinta iyo abwaaniinta Soomaaliyeed ayaa xalay ku geeriyooday magaalada Nairobi ee dalka Kenya, halkaasoo labadii maalmood ee ugu dambeyay uu xanuun ku hayay.