K. Afrika: Inkabadan 500 oo Qof oo Soomaali ah oo Dukamadooda la boobay

Xaafadda Mayfair oo ka tirsan magaalada Johannesburg

Axad, May 18, 2008(HOL) - Soomaalia badan oo dukaaman ku lahaa tuulooyinka ku xeeran magaalada Johensburg ayaa ku soo qulqulayo magaalada Mayfair oo ah barta Soomaalida ay ka dagto magaalada Johanesburg ayaga ku soo cararayo boob isdaba joog ha oo ay wadaan dad ka soo horjeedo ajinabiga ganacsiga ku leh waddankan Koofur Afrika.
 
Tuulooyinka uu boobku kadhacay ayaa ah ilaa iyo hada shan tuulo iyadoo isla manta boobku uu soo gaaray gudaha magalda Johannesburg  meel eey ubadan yihiin Ganacsato kasoo jeeda Dalka Itoobiya  oo lagu magacaabo Jeep Street  taas oo sababtay in albaabada la iskugu dhuftay  intabadan xarumaha Ganacsiga ee Xafada ey Soomaalidu ubadanyihiin ee Mayfair xili la layahay meel lakala istago xafadaa oo laciireysa dad badan oo kasoo Qaxay  xarumohoodii ganacsiga.
 
Cabdullaahi Farax  Maalin  oo kamid ah dadkii u gurmaday qaar kamid ah Dukaamankii laboobay ayaa Hiiraan Online u  xaqiijiyay  in dadka boobka geysanayay ey careysnayeen eyna qarkood ku dhawaaqayeen erayo ay ka mid yihiin "Hadeey nolol rabaan wadamadoodii ha ku labtaano iyo ereyo kale".
 
Arintan ayaan la ogeyn in ay tahay mid siyaasadeed ama mid isir naceyb ah iyadoo qof si macneynayo. Madaxweynaha dalka Koofur Afrika Thabo Mbeki  ayaa ku baaqay in la sameeyo guddi baarta dhibaatada lagu hayo dadka qoxootiga ah. Sidoo kale guddoomiyaha Xisbiga ANC Mr.Jacob Zuma ayaa daleeceyn u soo jeediyey dagaalka lagu hayo dadka ajinabiga ah ee ku nool waddankan Koofur Afrika. 

Saciid Cabdulle Xerow
Johannesburg
South Africa