10/2/2022
Today from Hiiraan Online:  _
Wararka Maanta- Axad, Jan 5 , 2020
Madaxweyne Trump oo sheegay in ay weerarri doonaan 52 goobood oo lafbar u ah Iiran

 

Axad, Janaayo, 05, 2020 (HOL)- Madaxweynaha dowladda Mareykanka , Donald Trump ayaa ugu hanjabay dowladda Iiraan in uu weerarri doono sida uu hadalka u dhiggay 52 goobood oo muhiim u ah Iiraan weliba "sida ugu dhaqsiyaha badan".

Warkan ka soo yeeray Trump ayaa dabasocda dilkii uu Mareykanka ku fuliyay Janaraal Qaasim Suleeymaani iyadoona Iran ay wacad ku martay iney dilkiisa ay u aargudi doonto.

Bartiisa Twitter-ka ayuu ku sheegay in Iran ay si adag u hadleeyso oo ay bartilmaameedsan doonto goobo gaar oo muhiim uh Mareykanka.

Waxa uu sheegay in Mareykanka uu soo ogaaday 52 goobood oo qaarkood ay aad muhiim ugu yihiin Iran iyo dhaqanka Iiraaniyiintuba kuwaasi si dhakhsiya oo adag loo weerari doono, waa haddii ay xukuumadda Tehran weerarto Mareykanka’’''Mareykanka ma doonayo caga jugleyn dambe'' ayuu Trump intaasi ku sii daray.

Trump ayaa sidoo kale sheegay in 52-daasi goobood ay matali doonaan 52 qof ee reer Mareykan oo Iran muddo sannad ah u afduubnaa dhammaadkii 1979-kii, ka dib markii laga soo qabtay safaaradda Mareykanka ee Tehran.

Qoraalka Twitter-ka ee Trump ayaa sidoo kale ku soo aadaya saacado ka hor gantaaladii lagu bartilmaamedsaday Aagga Cagaaran ee u dhow safaaradda Mareykanka iyo garoonka diyaaradaha ee Balad oo ay ku yaalaan guryaha xoogagga Mareykanka,

Inkastoo Milatariga ciraaq ay sheegeen ineysan jiran cid ay waxyeello ka oo gaartay weerarkaasi mana jirto ilaa haatan cid shegatay iney ka dambeysay weeraradaasi balse xoogagga taabacsan Iran ayaa lagu eedeeynayay iney ka dambeyeen weeraradii dhowaan ka dhacay Ciraaq oo lagu bartilmaameedsaday goobo muhiim u ah Mareykanka.

BBC 













Click here
1/5/2020 4:36 PM EST
Axad, Janaayo, 05, 2020 (HOL)- Dowladda Iiraan ayaa ku dhawaaqday inaysan u hogaansami doonin xayiraad kasta oo lagu soo rogay barnaamijkeeda nukliyeerka.

1/5/2020 3:20 PM EST
Axad, Janaayo, 05, 2020 (HOL)- Dowlada Federaalka Soomaaliya ayaa ku biirtay cambaaraynta caalamiga ah ee loo jeediyay weerarkii lala beegsaday ciidamada isku dhafka ah ee Kenya iyo Mareykanka ee fadhigoodu yahay garoonka Manda Bay Airfield.

1/5/2020 11:02 AM EST
Axad, Janaayo, 05, 2020 (HOL)-Madaxweynaha Dowlad gobolleedka Hirshabeelle Maxamed Cabdi Waare iyo wafdi uu horkacayo ayaa gaaray degmada Buula-burte ee gobolka Hiiraan.

1/5/2020 10:32 AM EST
Axad, January ,05, 2020 (HOL )– Wasaarada beeraha Somaliland iyo hay’adda ilaalinta Tayadda Raashinka ayaa si wada jir ah u sheegay in dalagyada ka soo go’ay dalka aanay ku jirin wax sun ah oo halis galin karta bani’aadanka.

1/5/2020 8:11 AM EST
Axad, Janaayo, 05, 2020 (HOL)-Ergayga Gaarka ah ee Qaramada Midoobay ee Soomaaliya, James Swan, ayaa soo dhoweeyay sharciga cusub ee lagu maamulayo doorashooyinka Soomaaliya, oo ay dhawaan meel mariyeen goolaha shacabka Soomaaliya.

1/5/2020 7:51 AM EST
Axad, Janaayo, 05, 2020 (HOL)-Ra'iisal Wasaare Xassan Cali Kheyre ayaa magacaabay guddi ka shaqeyn doona u diyaargaroowga maalmaha xoriyada Soomaaliya 25 June iyo 01 July oo ay naga xigaan Afar bilood

1/5/2020 5:51 AM EST
Axad, Janaayo, 05, 2020 (HOL)- Militariga Mareykanka ayaa xaqiijiyey in weerar lagu qaaday saldhig millatari oo ku yaal Kenya oo ay degan yihiin qaar ka mid ah shaqaalaha millatariga Mareykanka.

1/5/2020 4:03 AM EST
Axad, Janaayo, 05, 2020 (HOL)- Ciidamada Difaaca Kenya (KDF) ayaa sheegay in afar dagaalyahan oo ka tirsan Al Shabaab ay dhinteen ka dib markii waabarigii saakay ay weerareen saldhiga ciidamada badda ee Manda-Magogoni ee kuyaala Gobolka Lamu.

1/5/2020 3:45 AM EST
Axad, Janaayo, 05, 2020 (HOL)- Maxkamad kutaala magaalada Bosaso ee Puntland ayaa xukunno kala duwan ku riday odayaal iyo siyaasiyiin lagu eedeeyay inay abaabul iyo qalqal galin amni ka wadeen magaalada Bosaso.

1/5/2020 2:51 AM EST
Axad, Janaayo, 05, 2020 (HOL)-Xoogagga Al-shabaab ayaa weerar culus subaxnimadii hore ee saakay ku qaaday saldhig ciidamada Mareykanka iyo kuwa Kenya ku leeyihiin deegaanka Lamu ee gobolka Waqooyi Bari Kenya.

1/5/2020 12:24 AM EST
Axad, Janaayo, 05, 2020 (HOL)- Wararka ka imanaya degmada Dhuusa-Mareeb ee gobolka Galguduud ayaa sheegaya in ay halkaa ka socoto u diyaar-garoowga ku dhawaaqista Liiska xubnaha xildhibaannada cusub ee ka mid noqonaya Baarlamaanka la filayo in uu soo doorto madaxweynaha dowlad gobolleedka Galmudug.

1/5/2020 12:13 AM EST
Axad, Janaayo, 05, 2020 (HOL)-Hay’adda Duulista Rayidka Soomaaliyeed ayaa markii ugu horreysay yeelaneysa taariikhda sharci dhameystiran laga soo bilaabo tan 1960kii sida uu warbaahinta u sheegay maareeyaha hay’adda duulista rayidka Axmed Macalin.