7/23/2019
Today from Hiiraan Online:  _
Wararka Maanta- Talaado, Jun 11, 2019
Waxyaabaha muhiimka ah ee loo baahanyahay in laga oggaado socdaalkii Muqdisho ee wasiirka arrimaha dibadda Norway



Talaado, June , 11, 2019 (HOL)- Wasiirka arrimaha dibadda dalka Norway, Ine Marie Eriksen Søreide ayaa socdaal aan horey loo sii sheegin shalay ku timid caasimadda Muqdisho, halkaa oo ay kullamo kula qaadatay madax sare oo dowladda federaalka ka tirsan.

Haweeneyda oo waqti kooban ku sugneyd Muqdisho, ayaa la kullantay ra'iisul wasaaraha xukuumadda federaalka ah ee Soomaaliya, Xasan Cali Khayre - balse faahfaahin badan lagama bixin waxyaabihii kulanka looga hadlay iyada oo kaliya warbaahinta loo soo gudbiyay in xoojinta xiriirka iyo kordhinta taageerrada Norway ee Soomaaliya laga wada-hadlay.

Wasiirka arrimaha dibadda dalka Norway, Ine Marie Eriksen Søreide  ayaa ka hor inta aysan soo gaarin Muqdisho waxaa ay kullamo ku soo qaadatay magaalada Nairobi ee xarunta dalka Kenya, halkaa oo kulan gaar ah ay kula yeelatay wasiirka arrimaha dibadda Kenya,Monica Juma.

Sida ay ku warramayso warbaahinta maxalliga ah kullamada Muqdisho waxaa diiradda lagu saaray arrinta xiisadda Soomaaliya iyo Kenya, gaar ahaan muranka dhinaca Badda oo qeyb ahaan Norway ku lug leedahay, maaddaama shirkad laga leeyahay dalkeeda ay sahmin ku sameysay dhulka badda ee ay sheeganeyso Kenya, sidoo kale waxay muddo ku riixeysay Kenya dhulka badda ee la rumeysan yahay in shidaal ku jiro.

Balse, warka dambe ma uusan sheegin xafiiska ra'iisul wasaaraha Soomaaliya oo si kooban uga hadlay booqashada wasiirka arrimaha dibadda Norway ee magaalada Muqdisho, balse kullamada Nairobi iyo Muqdisho ayaa u muuqda inay xukuumadda Norway ku dooneyso door ka weyn kii ay horay ugu laheyd Soomaaliya iyo Kenya, waxaana la sheegay inay in muddo ah isha ku heysay arrimaha shidaalka Soomaaliya.

Iman Mohamed Jama, Hiiraan Online
[email protected]










Click here
6/11/2019 2:27 PM EST
Talaado, June, 11, 2019 (HOL) –Guddoomiyaha cusub ee maamulka gobolka Hiiraan Cali Maxamed Caraale oo la hadlay Laanta Afka Soomaaliga ee BBCda ayaa si kooban uga hadlay waxa uu kala socdo iska horimaad uu ku dhintay taliyihii Booliiska gobolka Hiiraan Maxamed Macoow oo maanta ka dhacay deegaanka Kala –Beyr ee gobolka Hiiraan.

6/11/2019 12:53 PM EST
Talaado, June, 11, 2019 (HOL)-Degaanka Harar oo ka mid ah Degaanada dalka Itoobiya ayaa laga xusaa maanta oo kale Xuska Ciidda Shawaal oo ay dadka Heraridu xusaan kaddib markay soo soomanaayeen 6dii maalmood ee Shawaal.

6/11/2019 12:44 PM EST
Talaado, June, 11, 2019 (HOL)-Ra’iisul Wasaare Xasan Cali Khayre, ayaa maanta magaalada Muqdisho ka dhagax dhigay dhismaha xarunta warshad soo saareysa dharka ciidamada qalabka sida ee Soomaaliyeed.

6/11/2019 11:56 AM EST
Talaado, June, 11, 2019 (HOL)-Madaxweynaha Soomaaliya Maxamed Cabdullaahi Farmaajo ayaa Madaxtooyada ku qaabilay Ergayga Gaarka ah ee Midowga Yurub u qaabilsan dalalka Geeska Afrika Mudane Alexander George Rondos oo uu weheliyo Danjiraha Midowga Yurub ee Soomaaliya Mudane Nicolás Berlanga Martinez

6/11/2019 9:02 AM EST
Talaado, June, 11, 2019 (HOL)-Taliyihii qeybta Booliiska gobolka Hiiraan ayaa ku geeriyooday iska horimaaad goor dhaw oo maanta ah ka dhacay dulleedka magaalada Beledweyne gaar ahaan deegaanka Kala-Beyr.

6/11/2019 7:06 AM EST
Talaado, June , 11, 2019 (HOL)- Taliyaha ciidanka xoogga dalka S/gaas Daahir Aadan Cilmi (Indhaqarshe), ayaa sheegay ciidammada xoogga Soomaaliya inay wadaan dedaallo lagu doonayo sidii al-Shabaab looga saari lahaa dalka.

6/11/2019 5:27 AM EST
Talaado, June , 11, 2019 (HOL)- Ciidammada Puntland oo dabayaaqadii bishii hore isaga baxay deegaanka Af Urur ee gobolka Bari ayaa dib halkaa ugu laabtay.

6/11/2019 5:17 AM EST
Talaado, June , 11, 2019 (HOL)- Guddoomiye ku-xigeenka koowaad ee Baarlamaanka federaalka ee Soomaaliya ,Cabdiweli Sheekh Ibraahim Muudey ayaa maanta dib ugu soo laabtay caasimadda Muqdisho, iyadoo garoonka diyaaradaha ee Aadan Cadde lagu soo dhaweeyay.

6/11/2019 5:07 AM EST
Talaado, June , 11, 2019 (HOL)- Guddoomiyaha maxkamadda sare ee Soomaaliya,Garyaqaan Baashe Yuusuf Axmed ayaa sheegay dowladda Soomaaliya inay xubin buuxda ka noqotay Golaha Sare ee Garsoorka Afrika.

6/11/2019 4:51 AM EST
Talaado, June , 11, 2019 (HOL)- Waddamada geeska Afrika ayaa shir uga soo gabagaboobay magaalada Addis Ababa ee xarunta dalka Itoobiya, iyadoo shirka looga hadlay ganacsiga, is-dhexgalka iyo dib u dhiska waddooyinka.

6/11/2019 4:31 AM EST
Talaado, June , 11, 2019 (HOL)- Ciidanka milatariga Soomaaliya ee ku sugan gobolka Gedo ayaa ku soo bandhigay degmada Baardheere labo sarkaal oo horay uga tirsanaa ururka al-Shabaab oo dhowaan isku soo dhiibay ciidammada dowladda.

6/11/2019 4:24 AM EST
Talaado, June , 11, 2019 (HOL)- Heesaga caanka ah ee Nimcaan Cabdiraxmaan Xasan (Nimcaan Hillaac) oo ka mid ah fannaaniinta da'yarta ah ee Soomaaliya ayaa loo oggaaladay inuu ka mid noqdo hoballada Waaberi.

6/11/2019 3:36 AM EST
Talaado, June , 11, 2019 (HOL)- Shirka amniga caasimadda Muqdisho oo uu xalay guddoomiyay , Cabdiraxmaan Cumar Cismaan (Yariisow) guddoomiyaha gobolka Banaadir ahna duqa magaalada Muqdisho ayaa lagu qiimeeyay xaalada guud ee caasimadda.

6/11/2019 3:26 AM EST
Talaado, June , 11, 2019 (HOL)- Hal qof ayaa ku geeriyooday diyaarad nooca qumaatiga u kaca ah oo ku dhacday dhisme dabaq ah oo ku yaal bartamaha magaalada New York ee dalka Maraykanka.

6/11/2019 12:39 AM EST
Talaado, June , 11, 2019 (HOL)-Ku dhawaad boqol qof ayaa lagu dilay weerar ka dhacay tuulo ku taalla bartamaha dalka Mali Isniintii, sida ay sheegeen mas’uuliyiin.