Wasiir ku xigeenka Macdanta iyo Batroolka DFS Mohamud Abdikadir Hilal oo la kulmay Jaaliyada Ohio
Axad, July, 28, 2019 (HOL)- Wasiir ku xigeenka Batroolka iyo Macdanta Soomaaliya Mohamud Abdikadir Hilaal ayaa kulan cashaa xalay la qaatay jaaliyada Soomaaliyeed ee magaalada Columbus Ohio .
Wasiir ku xigeenka Batroolka iyo
Macdanta Soomaaliya Mohamud Abdikadir Hilaal ayaa kulan cashaa xalay la
qaatay jaaliyada Soomaaliyeed ee magaalada Columbus Ohio .
Kulankan
oo ay ka soo qeyb galeen qeybaha Bulshada waxaa ka hadlay aqoonyahano
Culumo iyo waxgarad ,kuwaas oo Wasiir ku xigeenka iyo wasaradiisa ku
amaanay howsha ay bulshada u hayaan iyaga oo dhanka kale u dardaarmay
Hufnaan iyo daacadnimo ku salaysan qayraadka dalka iyo in laga difaaco
in u dayac la darso.
Wasiirka
oo dalkan mareykanka u yimid in uu kaga qeyb galo shirka Qurba joogta
Soomaaliyeed oo looga hadlayay kobcinta iyo saro u qaadida dhaqaalaha
Soomaaliya ayaa shirka ka dib u soo socdaalay gobolka Ohio isaga oo
kulamo la qaadanayay qeybaha Bulshada gobolkan.
Waxa
uu wasiirku ka warbixiyay Heerarkii ay wasaaradu soo martay halka ay
taagantahay iyo Halka ay hiigasanyaan isaga Rajo wanaagsan ka muujiyay
in Soomaaliya ay leedahay Hanaan la saan qaadi kara midka dalalka
shidaalka leh oo ay tahay in dowlad walba oo dalka soo martaa ay
halkeeda ka anba qaado iyada oo lagu xisaabtamayo in dalka iyo dadka
Soomaaliyeed ay u bahanyihiin xiligan in ay ka faaiideystaan
qayraadkooda si Nidaamsan.
Kulamo
aad u badan oo ku saabsan Shidaalka iyo shirar caalami ah oo wasaaradu
ka qeyb gashay ayuu ka warbixiyay isaga oo farta ku fiiqay dadka
Soomaaliyeed in ay tahay in fahmaan in shidaalku uu yahay qayraadkoodii
usana jirin qof, shirkad, ama dowlad ku xadgudbi karta iyagana looga
bahanyahay in aysan ka shaqeeyn dib u dhaca dalkooda iyo horumarkiisa.
"Hadii
aanan shidaalka la soo bixin waxaa soo dhow oo aad la socotaan xiligii
laga gudbi lahaa isticmaalka shidaalka iyada oo loo gudbayo adeegsiga
Qiraxda, Biyaha, Saliida, iyo waxyaabo kale oo looga maarmi doono
shidaalka taas oo dhabar jab ku noqon doonta wadamada aan la soo bixin
shidaalkooda oo ay Soomaaliya ka mid tahay" ayuu yiri Wasiirka oo
muujinayay sida dunidu usii guurayso iskuna badalayso.
Aqoonyahankii
ka hadlay xaflada Cashadaa ayaa ku baaqay in wasaarada iyo dowladuba ay
wakiil ka yihiin Soomaaliya lana aaminay isla markaana looga fadhiyo in
ay wax la isku halayn karo u soo bandhigaan shacabka kuna qanciyaan
howsha ay hayaan.
Howlaha
shidaal qodista iyo raadinta Shirkado la isku halayn karo waxay ku soo
adayaan xili shacabka Soomaaliyeed ka warsugayaan Waxa ka soo baxa
Maxmada ICJ iyo muranka Badda Soomaaliya ee Kenya ay doonayso.
Deeqo Shire (SONNA)