12/15/2019
Today from Hiiraan Online:  _
Wararka Maanta- Isniin, Dec 2 , 2019
Madaxwayne Mustafe cagjar oo mar kale ka hadlay dhulka ay isku hayaan degaanada Soomaalida iyo Canfarta



Isniin, December, 02, 2019 (HOL)-Madaxwaynaha Degaanka Soomalida Mustafe cagjar ayaa mar uu maanta Warbaahinta degaanka la hadlayay waxaa uu ka hadlay arrimaha ku saabsan dhulka uu khilaafku ka taagan yahay ee u dhaxeeya Soomaalida iyo Canfarta.


Madaxwaynaha ayaa xusay in dadka Soomaalida ah ee deggan magaalooyinka Caddaytu, Cundhufo, Garbaciise iyo Gadhamaytu ay xaq u leeyihiin inay tashadaan isla markaana la dhagaysto oo ay sheegtaan waxay rabaan.


Madaxwaynaha oo hadalkiisa sii wata ayaa intaa raaciyay in Xukuumaddu aysan marnaba dayacayn dadkaas Soomaalida ah. Mar uu ka hadlayay shirar la sheegay in lagu qabtay Diridhabe oo shacabka loogu tusay in xukuumaddu ay arrintaas ka tanaasushay aysan waxba ka jirin.

Waxa kale oo uu sheegay Madaxwaynuhu in dadka deggan Caddaytu, Cundhufo iyo magaalooyinka lamidka ah aan lagu khasbi karin waxaysan ahayn, xukuumaduna ay marwalba u taagan tahay inay ilaaliso sharafta iyo maslaxadda ummada Soomaaliyeed .

Ugu dambayn waxa uu sheegay isagoo si khaas ah ula hadlay Shacabka Gobolka Sitti inay xukuumaddu ku garab taagan tahay hawshaas oo aysan kaga hadhaynin.

Hadallada Madaxwayne Mustafe ayaa kusoo aadaya xilli shacabka Gobolka Sitti ay ka niyad jabeen xukuumadda degaanka, oo inbadan ka aamusnayd arrimaha ku saabsan dhulka uu khilaafku ka taagan yahay ee u dhaxeeya Soomaalida iyo Canfarta.

Shacabka degaanka ayaa aad usoo dhaweeyay hadallada Madaxwayne Mustafe isla markaana codsaday inuu ficil ku muujiyo waxay dawladda degaanku lagarab taagan tahay Shacabka Gobolka Sitti.

Hiiraan Online









Click here
12/2/2019 10:14 AM EST
Isniin,December, 02, 2019 (HOL)-Wasiirka maaliyadda Puntland Xasan Cali Shirre iyo wasiirka warfaafinta Cali Sabarey ayaa maanta ku baaqay in la joojiyo qulqulatooyinka loogasoo horjeedo xukuumada talada haysa.

12/2/2019 10:13 AM EST
Isniin, December 02, 2019 (HOL )– Taliyaha booliska ee qaybta gobolka Sanaag Cabdirisaaq Maxamed Faarax ayaa ka warbixyey xalay xilli dambe dabley hubaysani oo soo weerartays saldhiga magaaladda Ceerigaabo, kuwaas oo rasaas ku furey ka dibna cararay.

12/2/2019 5:45 AM EST
Isniin,December, 02, 2019 (HOL)-Wasiirka warfaafinta dowlad goboleedka Puntland Cali Axmed Sabarey ayaa beeniyay in ciidamo katirsan Puntland oo ku sugnaa degmada Taleex ee gobolka Sool ay ku biireen dhinaca Somaliland.

12/2/2019 4:50 AM EST
Isniin,December, 02, 2019 (HOL)-Ergeyga Gaarka ah ee Qaramada Midoobay u qaabilsan xorriyadda xagga aragtida iyo hadalka, David Kaye, ayaa maanta booqasho rasmi ah oo qaadandoonta todobo cishe ku tagaya Itoobiya.

12/2/2019 4:33 AM EST
Isniin,December, 02, 2019 (HOL)-Wararka ka imanaya degmada Boosaaso ee gobolka Bari ayaa sheegaya in Dowladda Gobolleedka Puntland mar kale xabsiga dhigtay Siyaasiga Muuse Cali Jaamac kaddib markii uu dhaliilay maamulka

12/2/2019 2:30 AM EST
Isniin,December, 02, 2019 (HOL)-Dood cilmiyeed diirada lagu saarayay xal u helida fatahaada kusoo laalaabtay magaalada baladweyne ee xarunta gobolka Hiiraan, ayaa lagu qabtay magaalada Muqdisho.

12/2/2019 12:36 AM EST
Isniin,December, 02, 2019 (HOL)-Shirkadda baraha bulshada ee Twiter ayaa xirtay akoonka ay barta twiter-ka ku laheyd haweeney lagu magacaabo Danielle Stella, oo katirsan xisbiga madaxweyne Donald Trump.

12/2/2019 12:34 AM EST
Isniin, December, 02, 2019 (HOL)-Safiirka Maraykanka ufadhiya Soomaaliya, Amb Yamamoto, ayaa la kulmay hoggaamiyaha madasha xibsiyada qaran ee mucaaradka Soomaaliya, Shariif Sheikh Axmed.

12/2/2019 12:29 AM EST
Isniin,December, 02, 2019 (HOL)-Iyadoo Sabtidii toddobaadkan Mareykanku sheegay in ay duqeyn ka fuliyeen degmada Jilib ee gobolka Jubbada Dhexe, ayaa waxaa arintaa ka hadlay oo War ka soo saaray maamul gobolleedka Jubbaland.