Kulan loogu duceynayo Duqii hore ee Muqdisho oo goor dhaw ka bilaabanaya Koonis Stadium
Jimco, Augusto, 09, 2019 (HOL)- Saacadaha soo
socda ayaa lagu wadaa in magaalada Muqdisho uu ka bilaawdo isku soo bax loogu
duceynayo Guddoomiyihii Gobolka Banaadir
ahaana Duqii magaalada Muqdisho oo todobaadkii hore u geeriyooday dhaawac ka
soo gaaray qarax 24-kii bishii hore ka dhacay xarunta Gobolka Banaadir.
Isku soo baxa waxaa ka qeybgali doona Madaxda ugu
sareysa dalka, maamulka Gobolka Banaadir iyo dadweyne fara badan, iyadoo lagu
qabanayo Garoonka Kubadda Cagta ee
Koonis Stadium ee degmada C/casiis.
Labadii maalmood ee la soo dhaafay ayaa waxaa
diyaar garoow ka socday garoonka ay ka dhaceyso isku soo baxa, halkaasoo
bannaanka garoonka la dhigayay dhagaxa la isku rakibo ee loo yaqaano Enter-Log,
sidoo kale waxaa Taalo laga dhisi doonaa garoonka bannaankiisa.
Madaxda dowladda ayaa lagu wadaa in ay si rasmi
ah ugu dhawaaqaan in Garoonka Kubadda
Cagta Ex Koonis loogu magac daray Eng. Yariisow, si maamuus iyo xusuus ugu
noqoto howshii uu Qaranka u soo qabtay, gaar ahaan Gobolka Banaadir.
C/raxmaan Diini, Hiiraan Online
[email protected]