11/28/2021
Today from Hiiraan Online:  _
Wararka Maanta- Talaado, Jun 26, 2018
Muuse Biixi: Waxaan leenahay dowladda Soomaaliya hadalladeeda iyo ficilkeeda isma laha''

 

Talaado, June, 26. 2018 (HOL) –Madaxweynaha maamulka Somaliland Muuse Biixi Cabdi oo xalay khudbad ka jeedinayay munaasabad lagu maamuusayay 26 Jun oo beegneyd markii ay gobollada Waqooyi ka xuroobeen gumeystihii Ingariiska, ayaa eedeyn kulul u jeediyay dowladda Soomaaliya.

Muuse Biixi oo ka hadlayay codsigii dowladda Soomaaaliya ee beesha caalamka looga dalbey in la joojiyo kaalamada iyo deeqaha la siiyo Somaliland ayuu sheegay in dowladda Soomaaliya dagaal iyo cunaqabateyn ku hayaan sida uu hadalka u dhigay reer Somaliland.

‘’ Isma qabto midnimadu waa muqadas, Soomaaliya in ay kala go’do dooni meyno iyo dagaal ayeeynu kugu soo qaadeyna iyo weynu ku cunaqabateyneynaa, waad ogtihiin dhawaan ra’iisal wasaaraha Soomaaliya ayaa warqad qoray oo uu ku dalbanayo in la joojiyo kaalamada Somaliland, sidoo kalana waxaa ku raacay oo soo dhaweeyay arinkaa maamul gobolleedyada ka jira Soomaaliya, marka waxaan leeyahay hadalladiina iyo ficilkiina isma laha’’ayuu yiri Muuse Biixi.

Mar uu soo hadal qaaday dagaalka Tuka Raq ayuu yiri’’ “27 sano oo silic, rafaad, dagaal iyo waxbarasho la’aan baynu soo marnay, uma sii baahnin dagaalo kale, colaadaha Tukaraq ka dhacay ee Cabdi Wali uu soo kiciyay isaga oo doonaya in loo kordhiyo laba sano, laba sano ayuu dadka ku dhameynayaa, wax hadal lagu dhameyn karo garan maayo in qori la isugu soo qaato, dadka wax garanaya waxaan leeyahay aayihiina ka fekera.”

Dowladda Soomaaliya ayaa dhawaan qoraal ka soo baxay wasaaradda Qorsheynta uga dalbatay beesha caalamka in wax ka badal lagu sameeyo hannaanka bixinta deeqaha la siiyo Somaliland.

C/raxmaan Diini, Hiiraan Online
[email protected]













Click here
6/26/2018 12:47 PM EST
Talaado, June, 26. 2018 (HOL)-Hay’adda Socdaalka iyo Jinsiyadaha oo markii ugu horeysay ka hergalisay degmada Buula-burte xarun cusub ayaa laga bilaabay bixinta Basaboorka Soomaaliga oo markii hore dadka degmada u aadi jireen magaalada Muqdisho.

6/26/2018 8:28 AM EST
Talaado, June, 26, 2018 (HOL)–Madaxweynaha Puntland, Cabdiweli Maxamed Cali (Gaas) ayaa ugu hambalyeeyay shacabka Soomaaliyeed sanad guuradii 58 aad ee ka soo wareegatay maalintii ugu horreeysay ee calanka laga taagay dhul Soomaaliyeed.

6/26/2018 8:05 AM EST
Talaado, June, 26, 2018 (HOL) – Wararka ka imanaya magaalada Addis Ababa ee dalka Itoobiya ayaa sheegaya in wufuud ka socota Eritrea ay goor-dhaw ka dageen garoonka diyaaradaha caalamiga ee Bole halkaas oo u ku soo dhaweeyay Ra'iisal wasaaraha Itoobiya Abiy Axmed.

6/26/2018 5:09 AM EST
Talaado, June, 26, 2018 (HOL)-Urur gobolleedka IGAD ayaa qoraal shalay ka soo baxay xilkii uu ka hayay Ururka ka ceyriyay Col Gabre oo ahaa la taliye sare oo dhinaca siyaasada ah, dhinaca kalana ahaa sarkaal saameyn weyn ku dhax lahaa siyaasada Soomaaliya.

6/26/2018 3:29 AM EST
Talaado, June, 26. 2018 (HOL)-Madaxweynaha jamhuuriyadda federaalka ah ee Soomaaliya Mudane Max'ed C/laahi Farmaajo ayaa sheegay in dowladdiisu ay diyaar u tahay in ay qaaddo tallaabo kasta oo lagu qancinayo shacabka Somalialnd.

6/26/2018 12:50 AM EST
Talaado, June, 26. 2018 (HOL)-Wararka ka imanaya dalka Koonfur Africa ayaa sheegaya in koox burcad ah ku dileen meel aan ka fogeyn goobtiisa ganacsi deegaan ku dhaw magaalada Derban ganacsade Soomaaliyeed oo lagu magacaabi jiray Sheekh Xusseen.

6/26/2018 12:19 AM EST
Talaado, June, 26. 2018 (HOL)- Itoobiya ayaa sheegtay in wafti ka socda dalka ay deriska yihiin ee Eritrea ay toddobaadkan magaalada Addis Ababa u iman doonaan wada-hadallo soo afjari kara mid ka mid ah dagaalladii ugu dheeraa ee qaaradda Afrika.

6/26/2018 12:14 AM EST
Talaado, June, 26. 2018 (HOL)-Ra’iisal Wasaaraha xukuummadda Federaalka Soomaaliya Mudane Xasan Cali Khayre iyo wafdi uu hogaaminayo oo soo gebagebeeyay booqasho hal maalin qaadatay oo dalka Rwanda uu ku joogay, ayaa magaalada Kigali ee caasimadda dalkaas kulan kula qaatay madaxweynaha Rwanda ahna gudoomiyaha Midawga Afrika, Paul Kagame.

6/26/2018 12:02 AM EST
Talaado, June, 26. 2018 (HOL)-Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa hambalyo ku aaddan sannad guurada 58-aad ee ka soo wareegatay maalintii xorriyadda gobollada Waqooyi ee dalka, islmarkaana dhul Soomaaliyeed oo xor ah laga taagay calan Soomaaliyeed, u diray guud ahaan shacabka Soomaaliyeed.