5/12/2021
Today from Hiiraan Online:  _
Wararka Maanta- Talaado, Jun 26, 2018
Degmada Buula-burte oo laga bilaabay bixinta Baasaboorka Soomaali-ga


 

Talaado, June, 26. 2018 (HOL) - Hay’adda Socdaalka iyo Jinsiyadaha oo markii ugu horeysay ka hergalisay degmada Buula-burte xarun cusub ayaa laga bilaabay bixinta Basaboorka Soomaaliga oo markii hore dadka degmada u aadi jireen magaalada Muqdisho.

Dadkii Baasaboorada loo sameeyay ayaa soo dhaweeyay furitaanka iyo shaqada Xafiiska iyagoo sheegay in ay dhibaato badan u qabeen hiltaanka Baasboorka meesha ugu dhow oo ay adeeg ka heli kareen ayaa ah Magaalada Baledweyne oo 115 km u jirta.

Duqa degmada Bula-burte Maxamed Axmed Rooble ( Juray ) ayaa sheegay in manta ay tahay maalintii ugu horeysay taariikhda Bula-burte oo laga furo xafiis ay leedahay Hay’adda Socdaalka iyo Jinsiyada iyadoo Bula-burte ay tahay magaaloyinkii ugu horeyay ee xiligii Gumeysiga degmo loo aqoonsado.

Agaasimaha Hay,ada Socdaalka iyo Jinsiyada ee maamulka Hirshabelle Ibraahim Xuseen Yuusuf ( Sheelare ) ayaa sheegay in qorshaha Hay’adda uu yahay in dhamaan degaanada Hirshabelle laga Hirgaliyo Xafiisyo ay leedahay hay,ada Socdaalka iyo Jinsiyada Somaliya

Furitaanka xafiiska hay’adda socdaalka iyo jinsiyadaha Soomaaliya ay ka furtay degmada Buula-burte ee Gobolka Hiiraan ayaa waxaa uu imanaya xili wali ay degmadu ku jirto go’doon kaddib markii ay fariisimo ka dhigteen Al-shabaab jidadka muhiimka ah ee laga soo gallo degmda, hasse ahaa waxaa shaqeynaya garoonka degmda oo ay diyaaraduhu si toos ah uga degaan.

C/raxmaan Diini, Hiiraan Online
[email protected]












Click here
6/26/2018 8:28 AM EST
Talaado, June, 26, 2018 (HOL)–Madaxweynaha Puntland, Cabdiweli Maxamed Cali (Gaas) ayaa ugu hambalyeeyay shacabka Soomaaliyeed sanad guuradii 58 aad ee ka soo wareegatay maalintii ugu horreeysay ee calanka laga taagay dhul Soomaaliyeed.

6/26/2018 8:05 AM EST
Talaado, June, 26, 2018 (HOL) – Wararka ka imanaya magaalada Addis Ababa ee dalka Itoobiya ayaa sheegaya in wufuud ka socota Eritrea ay goor-dhaw ka dageen garoonka diyaaradaha caalamiga ee Bole halkaas oo u ku soo dhaweeyay Ra'iisal wasaaraha Itoobiya Abiy Axmed.

6/26/2018 5:09 AM EST
Talaado, June, 26, 2018 (HOL)-Urur gobolleedka IGAD ayaa qoraal shalay ka soo baxay xilkii uu ka hayay Ururka ka ceyriyay Col Gabre oo ahaa la taliye sare oo dhinaca siyaasada ah, dhinaca kalana ahaa sarkaal saameyn weyn ku dhax lahaa siyaasada Soomaaliya.

6/26/2018 3:29 AM EST
Talaado, June, 26. 2018 (HOL)-Madaxweynaha jamhuuriyadda federaalka ah ee Soomaaliya Mudane Max'ed C/laahi Farmaajo ayaa sheegay in dowladdiisu ay diyaar u tahay in ay qaaddo tallaabo kasta oo lagu qancinayo shacabka Somalialnd.

6/26/2018 12:50 AM EST
Talaado, June, 26. 2018 (HOL)-Wararka ka imanaya dalka Koonfur Africa ayaa sheegaya in koox burcad ah ku dileen meel aan ka fogeyn goobtiisa ganacsi deegaan ku dhaw magaalada Derban ganacsade Soomaaliyeed oo lagu magacaabi jiray Sheekh Xusseen.

6/26/2018 12:39 AM EST
Talaado, June, 26. 2018 (HOL)-Madaxweynaha maamulka Somaliland Muuse Biixi Cabdi oo xalay khudbad ka jeedinayay munaasabad lagu maamuusayay 26 Jun oo beegneyd markii ay gobollada Waqooyi ka xuroobeen gumeystihii Ingariiska, ayaa eedeyn kulul u jeediyay dowladda Soomaaliya.

6/26/2018 12:19 AM EST
Talaado, June, 26. 2018 (HOL)- Itoobiya ayaa sheegtay in wafti ka socda dalka ay deriska yihiin ee Eritrea ay toddobaadkan magaalada Addis Ababa u iman doonaan wada-hadallo soo afjari kara mid ka mid ah dagaalladii ugu dheeraa ee qaaradda Afrika.

6/26/2018 12:14 AM EST
Talaado, June, 26. 2018 (HOL)-Ra’iisal Wasaaraha xukuummadda Federaalka Soomaaliya Mudane Xasan Cali Khayre iyo wafdi uu hogaaminayo oo soo gebagebeeyay booqasho hal maalin qaadatay oo dalka Rwanda uu ku joogay, ayaa magaalada Kigali ee caasimadda dalkaas kulan kula qaatay madaxweynaha Rwanda ahna gudoomiyaha Midawga Afrika, Paul Kagame.

6/26/2018 12:02 AM EST
Talaado, June, 26. 2018 (HOL)-Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa hambalyo ku aaddan sannad guurada 58-aad ee ka soo wareegatay maalintii xorriyadda gobollada Waqooyi ee dalka, islmarkaana dhul Soomaaliyeed oo xor ah laga taagay calan Soomaaliyeed, u diray guud ahaan shacabka Soomaaliyeed.