Madaxweynaha Puntland oo daahfuray wajiga labaad ee dhismaha waddada Ceeldaahir iyo Ceerigaabo Sawirro
Talaado, July, 03, 2018 (HOL) – Madaxweynaha Puntland, Cabdiweli Maxamed Cali (Gaas) ayaa
magaalada Garoowe ka daahfuray wajiga labaad ee dhismaha waddada Ceeldaahir iyo
Ceerigaabo,waxaa kalo munaasabadda ka qeybgalay xubno ka mid ah golayaasha
maamulka,guddiga waddada Ceeldaahir iyo Ceerigaabo, ganacsato iyo bulshada
qaybaheeda kala duwan.
Guddiga dhismaha waddada ayaa
madaxweynaha uga xog-bixiyey meesha ay marayso shaqadda dhismaha waddada
Ceeldaahir iyo Ceerigaabo, isla mar'ahaantaana waxaa ay kulanku intii uu socdey
soo bandhigeen muuqaallo muujinaya sida ay shaqadu u socoto iyo meesha ay
marayso dhismaha waddada.
Madaxweynaha Puntland, Cabdiweli
Gaas ayaa u mahadceliyay guddiga waddada, wuxuu sheegay dhismaha waddada inay
fure u noqon karto hourmar iyo shaqooyin badan oo Puntland ka hirgala.
Dhismaha waddada Ceel-daahir
iyo Ceerigaabo kharashka lagu dhisayo ayaa ka yimid iskaa-shiga shacabka
iyo maamulka Puntland, waxaana guddiga wajiga koowaad ee dhismaha ee la soo
gabagabeeyay in lugu dhisey waddada oo dherarkeedu yahay 90 km, ayaa waxaa ay
tahay shaqada laga qabtay simitaan iyo ku shubid -jay iyo caratuur, waxaana loo
gudbay wajiga labaad oo ah dhigitaankii daamurka oo loo keenay qalab lagu
dhisayo.
Iman Mohamed Jama, Hiiraan Online
