6/21/2018
Today from Hiiraan Online:  _
Wararka Maanta- Arbaco, Mar 7 , 2018
Ganacsatada Qaadka ee Kenya oo loo ogolaaday in ay ganacsigooda kala hadli karaan Somaliland


 

Arbaco, Maarso, 07, 2018 (HOL) – Ganacsatada Qaadka dalka Kenya ayaa sheegay in ay helleen ogolaasho ah in ganacsigooda kala xaajoon karaan maamulka Somaliland, sidoo kalena ay Qaadka geyn karaan deegaannada Somaliland.

Guddiga Ganacsatada dalka Kenya ayaa sheegay in Wasaaradda arrimaha dibedda dalkooda siisay ogolaashaha ah in ay arrimaha Suuqa qaadka kala xaajoon karaan Somaliland.

Afhayeenka Ganacsatada iyo Beeraleyda Qaadka Kenya Kimathi Munjuri ayaa sheegay in dhawaan ay bilaabi doonaan heshiisyo iyo sidoo kale in ay xiriir ganacsi la sameeyaan  Somaliland.

Ururka Ganacsatada Kenya ayaa doonaya in ay Suuq cusub ka helaan Somaliland iyada oo qiimaha canshuurta laga qaadanaya doonaya in hoos loo dhigo.

Maamulka Gobolka Meru ee uu Qaadka ka baxo mas’uuliyiintiisa u fasaxday in ay xiriir dhinaca ganacsiga ah iyo suuq u raadinta qaadka ah la yeelan karaan Somaliland.

Dowladda Soomaaliya iyo sidoo kale Kenya ayaa 2016-kii isku khilaafay arrimaha Qaadka ee Kenya ay keyso Somaliland ka dib markii guddoomiyihii hore ee gobolka Meru uu booqasho ku tagay Somaliland dowladda Soomaaliya oo aan ogeyn

C/raxmaan Diini, Hiiraan Online
[email protected]







Click here
3/7/2018 1:21 PM EST
Arbaco, Maarso, 07, 2018 (HOL) - Madaxweynaha Dowlad Goboleeeka Soomaaliyeed ee Hirshabelle Dr Maxamed Cabdi Waare ayaa tacsi u diray qoyskii, eheladii iyo shacabka Soomaaliyeed ee uu ka geeriyooday Allaha u naxariistee Xildhibaan Axmed Cabdi Faarax Kabaweyne oo ka tirsanaa Baarlamaanka Dowlad Goboleedka Hirshabelle, iyo Wasiiru Dowlaha Amniga Maamulka Koonfur Galbeed Soomaaliya Cabdiqaadir Cabdiraxmaan Baraf Oo labaduba Qarax lagula eegtay Duleedka Garoonka Bali-doogle ku geeriyooday.

3/7/2018 11:45 AM EST
Arbaco, Maarso, 07, 2018 (HOL)-Guddoomiyaha degmada Buula-burte ee gobolka Hiiraan Cismaan Daahir Guure ayaa VOA u sheegay in ay Al-shabaab ka soo badbaadiyeen Labo Caruur oo ka baxsaday Dugsi ay Al-shabaab ku hayeen.

3/7/2018 11:10 AM EST
Arbaco, Maarso, 07, 2018 (HOL) - Wararka naga soo gaaraya degmada Wanlaweyn ee Gobolka Shabeellaha Hoose ayaa sheegaya in Wasiiru dowlihii Amniga Koofur Galbeed lagu dilay qarax miino, xilli kolonyo uu la socday ay ka soo ambabaxeen Garoonka Balli-doogle, halkaasoo uu maanta booqday Madaxweynaha Koofur Galbeed.

3/7/2018 8:56 AM EST
Arbaco, Maarso, 07, 2018 (HOL)-Xaalada degaanno dagaalo shalay ka dheceen oo ka tirsan Buuhoodle ayaa maanta degan iyadoo waxgarad iyo ciidamo dhexdhexaad ah ay ku baxeen deegaannadas.

3/7/2018 6:54 AM EST
Arbaco, Maarso, 07, 2018 (HOL)-Hay’adda Camuud Foundation ayaa maanta dawo iyo agab caafimaad gaarsiisay Isbitalka Madiina iyo Jaamacadaha Muqdisho iyo Baanadir ee Magaalada Muqdisho.

3/7/2018 4:53 AM EST
Arbaco, Maarso, 07, 2018 (HOL)- Garoonka diyaaradaha Aadan Cadde ee magaalada Muqdisho ayaa maanta lagu soo dhaweeyay ilaa 13 dhalinyaro Soomaaliyeed ah oo laga soo celiyay dalka Libya, waxaana garoonka diyaaradaha ku soo dhaweeyay mas’uuliyiin ka tirsan dowladda federaalka.

3/7/2018 4:16 AM EST
Arbaco, Maarso, 07, 2018 (HOL)-Kulan looga hadlayay xaalada xuquuqul insaanka Soomaaliya gaar ahaan xadgudubyada loo geysto suxufiyiinta iyo xoriyatul qowlka ayaa shalay lagu qabtay xarunta QM ee magaalada Geneva ee dalka Switzerland.

3/7/2018 1:56 AM EST
Arbaco, Maarso, 07, 2018 (HOL) - Iyadoo ay jiraan magaalooyin dhowr ah oo ay godoomiyeen Al-shabaab, dhinaca kalana kordheen weerarrada lagu qaado kolanyada ciidamada AMISOM, ayeey ku dhawaaqeen saraakiisha ciidamada AMISOM in ay qaadayaan howlgalo waddo furis ah.

3/7/2018 1:20 AM EST
Arbaco, Maarso, 07, 2018 (HOL)–Waxaa dibeda u soo baxaya khilaaf xoog leh oo soo kala dhaxgalay guddiga la socodka dib-u-eegista dastuurka ee labada Aqal iyo Wasiirka Wasaaradda Dastuurka Cabdiraxmaan Xoosh Jabriil.

3/7/2018 12:38 AM EST
Arbaco, Maarso, 07, 2018 (HOL)-Aqalka Cad ayaa Talaadadi shalay ku dhawaaqay in Gary Cohn oo ah lataliyihii dhinaca dhaqaalaha ee madaxweyne Trump uu is casilayo.

3/7/2018 12:33 AM EST
Arbaco, Maarso, 07, 2018 (HOL) - Taliyaha howlgalka ciidamada Mareykanka ee Africa ee loo soo gaabiyo Africom Gen. Thomas D. Waldhauser ayaa shalay guddiga arrimaha ciidamada ee Aqalka Wakiilada ee Mareykanka uga warbixiyay howlgallada ka dhanka ah Al Shabab ee uu taliskiisu ka wado Soomaaliya.

3/7/2018 12:18 AM EST
Arbaco, Maarso, 07, 2018 (HOL)-Xoghayaha Arrimaha Dibadda dalka Mareykanka ayaa ku dhawaaqay lacag dhan 5,33 Milyan oo Dollar in Mareykanka uu ugu deeqay dalalka Soomaaliya, Koonfurta Suudaan iyo Itoobiya, lacagtaasi oo wax lagaga qabanayo arrimaha Bani’aadanimada, Amniga iyo la dagaalanka Argagixisada.