3/28/2024
Today from Hiiraan Online:  _
Wararka Maanta- Jimco, July 27, 2018
Ra’iisal Wasaare Kheyre : Ardeyda Jaamacadaha waxaan leenahay dowladdii-nu wey idin aqoonsan-tahay

 

Jimco, July, 27, 2018 (HOL) -Ra’iisal wasaaraha xukuumadda Soomaaliya Xassan Cali Kheyre oo maanta hadal ka jeediyay munaasabad ay soo qaban-qaabisay wasaaradda dhalinyarada iyo cayaaraha oo maanta lagu qabtay magaalada Muqdisho ayaa soo hadal qaaday aragtida xukuumadda Soomaaliya ee Jaamacaddaha dalka.

Ra’iisal wasaaraha oo hadal ka horjeediyay Boqolaal dhalinyaro ah ayaa sheegay in dowladda Soomaaliya sida uu hadalka u dhigay abaal –weyn u heyso guud ahaanba bahda waxbarashada dalka oo sida uu sheegay ku soo shaqeeyay marxalad adag, isaga oo intaa ku daray in dowladda Soomaaliya aqoonsan-tahay guud ahaan Jaamacadaha dalka.

‘’Waxaa jira wal wal dhalinyarada Soomaaliyeed ee dhigata Jaamacadaha ay ka muujiyeen in dowladdu aqoonsan tahay iyo kale, sidaa daraadeed waxaan rabaa in aan maanta hor-tiina ka cadeeyo in ardeyda ka soo baxday Jaamacadaha iyo kuwa hadda dhigta-ba in dowladdii-nu idin aqoonsan-tahay’’ ayuu yiri ra’iisal wasaare Kheyre.

Laakiin haddana ra’iisal wasaaruhu meesha kama uusan saarin baahida loo qabo in la xoojiyo tayada wax-barashada guud ahaan, gaar ahaan Jaamacadaha dalka oo la gaarsiiyo sida uu sheegay heer ay la tartami karaan kuwa qaarada.

Hadalka ra’iisal wasaaraha ayaa imanaya xili maalin ka hor xil ka qaadis lagu sameeyay Wasiirkii Waxbarashada Hidaha iyo Tacliinta Sare Cabdiraxmaan Daahir Cismaan oo sheegay in xukumadda Soomaaliya aysan aqoonsaneyn Jaamacadaha dalka oo ay ka mid tahay Jaamacadda Ummadda Soomaaliyeed madaama ayuu yiri aysan dhamaantood soo buuxin sharuudihii looga baahnaa.

C/raxmaan Diini, Hiiraan Online
[email protected]

 













Click here
7/27/2018 2:44 PM EST
Waxay kuu soo gudbinaysaa doodo gaar ah, warar aan horey loo maqal iyo codad kala duwan oo Soomaali ah: 30-ka daqiiqo ee barnaamijka cusub ee Caawa iyo Caalamka ee BBC News Somali TV wuxuu billaabanayaa Isniinta 30 July.

7/27/2018 2:35 PM EST
Jimco, July, 27, 2018 (HOL)-Sarkaal ka tirsan booliska Puntland ayaa goor dhow lugu dilay magaalada Gaalkacyo ee gobolka Mudug , sida ay xaqiijiyeen saraakiisha deegaanka.

7/27/2018 8:58 AM EST
Jimco, July, 27, 2018 (HOL)– Madax-weynaha dowladda Soomaaliya Maxamed Cabdullaahi Farmaajo iyo wafdi ballaaran oo uu horkacayo ayaa lagu wadaa in maalinta berri ah booqasho taariikhi ah ku tagaan magaalada Asmara ee dalka Eritrea.

7/27/2018 8:41 AM EST
Jimco, July, 27, 2018 (HOL)– Guddiga Doorashada Pakistan ayaa sheegay in cayaaryahankii hore ee isku beddelay siyaasaiga, Imran Khan, uu ku guuleystay doorashadii baarlamanka ee dalkaas ka dhacday, hase yeeshee xisbigiisa uusan helin codad ku filan si uu dowlad usoo dhiso.

7/27/2018 4:37 AM EST
Jimco, July, 27, 2018 (HOL)–Wasiiru-dowlaha Wasaarrada Arr Diinta iyo Aw-qaafta dowladda Soomaaliya ahna ku-simaha Wasiirka Diinta Cabdixakiin Xassan Ashkir ayaa sheeegay isaga oo ku sugan dalka Boqortooyada Saudi Arabia in la bilaabayo soo qaadista xujeyda Soomaaliyeed ee guda-naya sanadkan waajibaadka Xajka.

7/27/2018 1:23 AM EST
Jimco, July, 27, 2018 (HOL)–Dowladda Turkiga ayaa cambaareysay weerarkii ay Xuutiyiinta Yemen ku qaadeen Markab Shidaal oo laga leeyahay dalka Sacuudiga.

7/27/2018 1:08 AM EST
Jimco, July, 27, 2018 (HOL) -Maxkamada ku taalla dalka Uganda ayaa xalay ridday gudoon ay ku taageerayso isbadal ay baarlamaanka dalkaasi ku sameeyeen dastuurka, taasi oo meesha ka saartay qodobkii xaddadiyay da'da cidda u tartamaysa madaxwaynanimada in ay noqoto mid ka sareysa 35 sano islamarkana uusan qofka ka waynaan 75.

7/27/2018 12:53 AM EST
Jimco, July, 27, 2018 (HOL) – Dabley ilaa iyo hadda aan la garan ayaa xalay toogasho ku dilay xildhibaan hore oo ka tirsanaa Baarlamaankii 9aad ee dowladdii KMG oo lagu magacaabi jiray Cali Maxamed Cabdi.

7/27/2018 12:42 AM EST
Jimco, July, 27, 2018 (HOL) - Afhayeen u hadlay maamulka Koonfur Galbeed Soomaaliya ayaa sheegay in howlgal ballaaran oo ay sameeyeen ciidamada maamulka iyo kuwa dowladda Soomaaliya ku dileen xubno dagaalyahanno iyo saraakiil isugu jira oo ka tirsanaa Ururka Al-shabaab.