Jimco, July, 27, 2018 (HOL) -Maxkamada ku taalla dalka Uganda
ayaa xalay ridday gudoon ay ku taageerayso isbadal ay baarlamaanka dalkaasi ku
sameeyeen dastuurka, taasi oo meesha ka saartay qodobkii xaddadiyay da'da cidda
u tartamaysa madaxwaynanimada in ay noqoto mid ka sareysa 35 sano islamarkana
uusan qofka ka waynaan 75.
Garsoorayaasha ayaa xukumay in laalida da'da
madaxweynenimo aysan meesha ka saareyn awoodii ay dadku u leeyihiin in ay
aayahooda ka tashadaaan, sida uu qeexayo qodobka koowaad ee dastuurka dalkaasi.
Wax ay intaas ku dareen garsoorayaashu in
baarlamaanku ay ku saxnaayeen isbadelkii ay sameeyeen, waxa ayna ku dhawaaqeen
ansaxnaashaha isbadelkaasi.
Golaha garsoorayaasha oo gaarayay shan ayaa afar
ka mid ah waxa ay isku raaceen in isbadelka baarlamaanku ay ku saameeyn
dastuurka dalka uu ahaa mid sax ah.
Dhammaan garsoorayaasha ayaa ku garab istaagay
baarlamaanka meel marinta sharcigan, maadaama baarlamaanku u codeeyeen in muddada
xileedka madaxweynaha laga dhigo ilaa 7 sano.
Waxyaabaha muranka dhaliyay ayaa waxaa ka mid ah
in meel marinta sharcigan ay kusoo beegmatay xili ay jireen rabhado,
madaxbanaanida baarlamaankana ay qatar soo wajahday kaddib markii rag ku
labisnaa dareyska ciidanka ay weerareen xarunta baarlamaanka.
Doodi ka dhalatay qaanuunkaan bishii disember ee
sanadkii lasoo dhaafay ayaa waxaa hareeyay rabshado iyo dibadbaxyo ka dhacay
guud ahaan dalkaasi Uganda.
Garsoorayaashu waxa ay sheegeen in ciidamada iyo
milatariga loo daaad gureeyay dhismaha baarlamaanka ay ahayd mid loo baahnaa,
sababtoo ah ciidamada waxaa mas'uuliyad ay ka saarnaa inay ka jawaabaan
xaaladaha degdega ah.
Maxkamadda ayaase ku tilmaantay inay ahayd geyru
mas'uulnimo amarkii ay boolisku ku joojiyeen in xildhibbaanadu ay qabtaan isu
soo baxyo si ay ugala tashadaan hindisa sharciyeedkaan codbixiyayaasha, taasi
oo dhalisay rabshado ka dhacay tuulooyinka fog fog ee dalkaasi.
Dadka dhaliilaya isbadelkaan ayaa u arka
tallaabadan inay tahay mid lagu doonayo inuu xukunka kusii hayo madaxweye
Yoweri Museveni.
Madaxweyen Museveni ayaa haya tallada dalka
Uganda muddo 32 sano ah, isla markaana sharciyan uma suuragaleyso inuu u
tartamo doorashada 2021 hadii sharcigan xadidaada da'da madaxweynaha uu sii
jiri lahaa.
Xigasho BBC
