6/19/2018
Today from Hiiraan Online:  _
Wararka Maanta- Talaado, Jan 9 , 2018
Machadka Hano Academy oo qabtay Mashruuc lagu tabarucayo dadkii ku wax yeeloobay Qaraxii Zoobe



Talaado, Janaayo, 09, 2018 (HOL) – Falalka Bani’adaannimo waxaa ay kaalin weyn ka qaataan mar walba yareynta dhibaatooyinka laga dhaxlo masiibooyinka sida Qaraxii 14kii October ka dhacay Isgooyska Zoobe ee magaalada Muqdisho ay ku nafwaayeen dad ka badan 500 oo ruux.

Qaraxaas ayaa sababay in Carruur badani ku agoontoobaan, Waalidiin badanina ay carruurtoodii ku waayeen iyo Aabayaal xaasaskoodii waayay, waxaana uu sidoo kale Mustaqbalka Carruur badan ka dhigay mid hubaal la’aan ah.

Hadaba iyada oo taa laga anbaqaadayo Hano Academy ayaa bilaawday mashruuc lagu caawinayo dadkii ay dhibaatadu ka soo gaartay Qaraxii 14ka Oktobar kaa oo lahaa ilaa Afar qeybood oo kala duwan.

Wajiga hore ee mashruucan ayeey Hano Academy ku caawisay qaar ka mid ah Qoysaska ay dhibaatadu soo gaartay lacago loo soo mariyay Telleefoonnadooda gacanta.

Sidoo kale Hano Academy ayaa si loo soo nooleeyo Rajada qaar ka mid ah dadkii ay wax yeelladu soo gaartay waxaa ay deeq Waxbarasho siisay 12 Carruur ah iyo Ganacsi yar yar oo loo abuuray Qoysaskii ay wax yeeladu soo gaartay waxaana taa barbar socday tababaro dhinaca shaqada ah oo la siinayo dadkii nasiibka u helay shaqo abuurkan si ay uga faa’ideytaan Ganacsigooda dibna ugu soo ceshan lahaayeen nolashoodii hore ee ka bur-burtay.

‘’Marka la eego Muddada diyaar-garoowga iyo adeega Maareynta Masiibooyinka oo ay bixisay Machadka Hano Academy waa mid aad muhiim u ah waxaana ay gacan ka geysan doontaa yareynta Masiibooyinka sida dhacdadii Qaraxii 14kii October ka dhacay Isgoyska Zoobe ayuu yiri Dr Maxamed Cismaan oo ka socday wasaaradda Caafimaadka kana tirsanaa Dhakhaatiirtii ka howlgashay Qaraxii Zoobe.

Mashruucan ayaa waxaa ka qeybgalay soo gudbintiisa Aqoonyahanno, bulshada rayidka, shaqaalaha bani'aadamnimada, dadka caafimaadka ka shaqeeya, Dowladda Federaalka Soomaaliya oo uu ka mid yahay Wasiirka Waxbarashada iyo Tacliinta sare Cabdiraxmaan Daahir Cismaan, Agaasimaha Guud ee wasaaradda Bani'aadamnimada & Maareymta Masiibooyinka Prof Ismaacil Olow, Wasaaradda Caafimaadka iyo Isgaarsiinta (Axmed Cilmi), Agaasimaha Adeegga Gurmadka Banaadir Mudane Cabdiqani Maxamed Axmed iyo Agaasimaha Somali National TV iyo Radio Mr. Liibaan Cabdiqaadir.

Sidoo kale  Machadka ayaa gobolka Banaadir u tababaraya 50 qof oo xiriir la leh ka jawaab celinta Maareynta Masiibooyinka sida Dabdemiyeyaasha, Dhakhaatiirta Gargaarka degdega ah ee Caafimaadka (EMTs) iyo  shaqaalaha Caafimaadka,  Kalkaaliyeyaasha, Saraakiisha Taraafikada iyo kuwa Booliiska ee Muqdisho ayeey tiri "  Dr Sadiyo Siad oo Hiiraan Online la hadashay.

Mashruucan oo noqonaya kiisii ugu horeeyay ee ugu ballaarnaa marka la eego saameynta dhaqaale iyo nolaleed ee Qaraxii Zoobe ayaa waxaa ka mahad celiyay dadkii ka faa’ideystay oo sheegay in gurmadka noocan oo kale ah wax weyn ka tarayso nolashooda.

C/raxmaan Diini, Hiiraan Online
[email protected]







Click here
1/9/2018 11:14 AM EST
Talaado, Janaayo, 09, 2018 (HOL) –ilaa 48-qoys oo danyar ah ayaa ka faa’ideystay deeq lacageed oo uu dadkaasi ugu tala galay Guddoomiye kuxigeenka labaad ee golaha shacabka Mudane Mahad Cabdala Cawad oo deeqdaasi u wakiishay Hay’adda Towfiiq Foundation oo ka mid ah hay’adaha ka shaqeeya daryeelka bulshada iyo kaalmeynta dadka tabarta yar

1/9/2018 10:54 AM EST
Talaado, Janaayo, 09, 2018 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo maanta khudbad u jeediyey ardayda wax kabarata jaamacdaha Puntland ayaa sheegay in uu rajo wanaagsan ka qabo mustaqbalka dalka maadaama ay kordhayaan xarumaha waxbarasho ee dalka.

1/9/2018 9:01 AM EST
Talaado, Janaayo, 09, 2018 (HOL) –Taliyaha ciidamada xoogga dalka ee gobolka Hiiraan Towane Axmed Gurey oo warbaahinta kula hadlay magaalada Beledweyne ayaa sheegay in howlgalo ay sameeyeen ciidamada dowladda iyo kuwa AMISOM Al-shabaab kala wareegeen fariisimo ay ku lahaayeen dhulka Buuraleyda ee gobolka Hiiraan.

1/9/2018 8:28 AM EST
Maalintii shalay oo ku aadanayad Isniin Janaayo 08, 2018, ayaa lagu qabtay xarunta laga xukumo magaalada Minneapolis xaflada munaasabadda dhaarinta iyo caleema saarka madaxda magaaladan hogaamin doonta affarta sano ee inagu soo aadan, kuwaas oo la doortay bishii bilawgii bishii November ee sanadkii ina dhaafay. Xafladdaan ayaa ahayd mid xiisa badan kana duwanayd xafladahii hore.

1/9/2018 3:53 AM EST
Talaado, Janaayo, 09, 2018 (HOL) – Ugu yaraan Saddex Askari oo ka tirsanaa ciidamada dowladda ayaa ku dhaawacmay kaddib Bam ganacmeed lagu weeraray fariisin ay ku sugnaayeen magaalada Beledweyne ee xarunta gobolka Hiiraan.

1/9/2018 12:58 AM EST
Talaado, Janaayo, 09, 2018 (HOL) –Faah faahin dheeraad ah ayaa ka soo baxaya Qarax Miino oo saakay ka dhacay Waddada Warshadaha ee magalada Muqdisho, waxaana Qaraxa lala eegtay gaari ay la socdeen ciidamo ka tirsan kuwa Booliiska.

1/9/2018 12:45 AM EST
Talaado, Janaayo, 09, 2018 (HOL) – Madaxweynaha Soomaaliya Maxamed Cabdullaahi Farmaajo oo booqasho ku jooga magaalada Garoowe ayaa sheegay in deegaanno ka tirsan Puntland soo galleen sida uu hadalka u dhigay dagaalyahanno ka tirsan Al-shabaab oo baxsad ka ah duqeymaha cirka.

1/9/2018 12:20 AM EST
Talaado, Janaayo, 09, 2018 (HOL)–Kuuriyada Waqooyi iyo Kuuriyada Koonfureed ayaa billaabay wadahadallo heer sare ah, kaas oo noqonaya midkii koobaad ee ay dalalkaasi yeeshaan muddo labo sano ah.

1/9/2018 12:16 AM EST
Talaado, Janaayo, 09, 2018 (HOL) – Iyadoo habeennimadii xalay uu qorshuhu ayaa in magaalada Garoowe lagu qabtay munaasabada Sanad-Guuradii Afaraad maamulka Cabdiwali Maxamed Cali Gaas ayaa loo baajiyay xiisada colaadeed ee ka soo cusboonaatay deegaannada u dhaxeeya Puntland iyo Somaliland.

1/9/2018 12:09 AM EST
Talaado, Janaayo, 09, 2018 (HOL) – Guddoomiyaha gobolka Nuugaal ee dowlad gobolleedka Puntland Cumar Fara-weyne ayaa sheegay in la joojiyay gadiidkii rayidka ee isaga kala gudbi jiray deegaannada Puntland iyo Somalland, waxaana uu intaa ku daray in loo ogol yahay oo kaliya dhaqdhaqaaq gadiidka mas’uuliyiinta iyo kuwa ciidamada.

1/9/2018 12:04 AM EST
Talaado, Janaayo, 09, 2018 (HOL)-Dalada ay ku mideysan yihiin ururada aan Dowliga aheyn ee Soomaaliya ayaa Dowladda Federalka ku eedeeyay in ay barakicineyso dadka barakacayaasha ah ee ku nool duleedka magaalada Muqdisho.