Isniin, Janaayo, 15, 2018 (HOL) -Maxkamadda degmadda
Berbera ayaa maanta xukunno ku riday laba suxufi oo uu hore u soo dacweeyey
maayarka magaaladda Berbera Cabdicashuur Cidin.
Maxkamadda degmadda Berbera ayaa toddoba bilood oo xadhig
ah ku xukuntay labadan wariye ee magacyadoodda kala yihiin Cabdiraxmaan Maxamed
Cigge oo ka hawlgala Saab Tv, xaruntiisa Berbera iyo Axmed Siciid Maxamed oo
isna ka hawlgala Television Eryal.
Labadan wariye ayaa lagu eedeeyey inay warar been ah ka
baahiyeen Maayarka degmadda Berbera, waxaanay maxkamadda Berbera ku xukuntay
xukun dhan toddoba bilood.
Sidoo kale, waxa xabsiga Boorama ku jira laba wariye oo
iyagana maxkamaddi ku xukuntay midkiiba laba sanno oo xadhig ah.
Xukunkan wariyeyaasha waxa cambaareeyey wriyeyaasha madax
banaan ee ka hawlgala Somaliland, waxaanay ku tilmaameen cabudhi ka dhan ah
saxaafada madax banaan.
Barkhad-ladiif M. Cumar, Hiiraan Online
[email protected]
Hargeysa,
Somaliland.
