9/22/2018
Today from Hiiraan Online:  _
Wararka Maanta- Arbaco, Aug 8 , 2018
Xog-hayihii Wasaaradda Maareynta Masiibooyinka oo is casilay


 

Arbaco, August, 08, 2018 (HOL)– Xoghayihii joogtada Wasaarradda Maareynta Masiibooyinka Qaranka Maxamed Cumar Macalin ayaa sheegay in uu is casilay sababo la xiriira wax uu ku tilmaamay daruufo adag oo dhinaca shaqada ah oo la soo darsay

Xoghayaha ayaa warqadihiisa is casilaada ku sheegay in ay soo wajaheen daruufo adag shaqada ah kaddib markii sida uu hadalka u dhigay Wasiirka Wasaaradda Xamza Saciid Xamse isku fahmi waayeen shaqada wasaaradda.

Sidoo kale waxaa la leeyahay is casilaada xoghayaha ayaa salka ku heysan kiis dhowaan ka dhacay wasaaradda oo lagu xiray Daahir Maxamed Nuur oo ahaa Agaasimihii Waaxda Dib-u-Dejinta Barakacayaasha oo haatan ku jira xabsi kadib markii dawladda Soomaaliya ku eedaysay “xatooyo xoolo dadweyne” sida lagu baahiyey warbaahinta rasmiga ah ee dawladda Soomaaliya.

C/raxmaan Diini, Hiiraan Online
[email protected]







Click here
8/8/2018 12:39 PM EST
Arbaco, August, 08, 2018 (HOL)– Tan iyo wixii ka danbeeyay markii ay rabshaduhu ka dhaceen qeybo ka mid ah dhulka ismaamulka Soomaalida Itoobiya waxaa habi ahaanba is taagan dhaqdhaqaaqii iyo isku socodkii dadka iyo ganacsiga Jigjiga ay la laheyd qeybaha kale ee dalka iyo deegaannada dariska la ah.

8/8/2018 11:30 AM EST
Arbaco, August, 08, 2018 (HOL)–Waxaa sii xoogeysanaya khilaafka dhanka diblomaasiyadda ee u dhexeeya Mareykanka iyo Iiraan, kadib markii Donald Trump uu diiday heshiiskii Iiraan lala gaaray.

8/8/2018 6:53 AM EST
Arbaco, August, 08, 2018 (HOL)–Danjiraah Shiinaha ee Soomaaliya ayaa si weyn uga hadlay xiriirka diplomaasiyadeed ee ka dhexeeya Soomaaliya iyo Shiinaha,isagoo xusay in labada dal uu ka dhexeeyo xiriir qoto dheere oo saaxiibti-nimo ku dhisan.

8/8/2018 4:06 AM EST
Arbaco, August, 08, 2018 (HOL) –Wararka naga soo gaaraya xaafadda Suuqa Xoolaha ee degmada Huriwaa ee magaalada Muqdisho ayaa sheegaya in qarax xoogan lala eegtay ciidamo ka tirsan kuwa howlgalka midowga Africa AMISOM oo marayay Is-goyska SOS.

8/8/2018 3:50 AM EST
Arbaco, August, 08, 2018 (HOL) –Dowladda dhexe ee Itoobiya ayaa si faah faahin ka bixisay waxa soo dadajiyay is badalka ka dhacay dhulka Ismaamulka Soomaalida Itoobiya, kaddib markii tallada deegaanka laga wareejiyay Cabdi Maxamuud Cumar oo hadda ku jira gacanta dowladda Itoobiya.

8/8/2018 2:20 AM EST
Arbaco, August, 08, 2018 (HOL)–Dowladda Soomaaliya ayaa Qoraal ka soo baxay waxaa ay markii ugu horreysay ka hadashay khilaafka u dhaxeeya dowladdaha Sacuudiga iyo Canada.

8/8/2018 12:53 AM EST
Arbaco, August, 08, 2018 (HOL)-Dowladda Itoobiya ayaa heshiis nabadeed la saxiixatay jabhadda hubeysan ee ONLF.

8/8/2018 12:43 AM EST
Arbaco, August, 08, 2018 (HOL) -Iyadoo bilihii ugu danbeeyayba ay dhacayeen dagaalo iyo iska horimaadyo u dhaxeeya labada Qowmiyadood ee Oromada iyo Soomaalida wada dega dalka Itoobiya oo ay ku naf-waayeen Boqolaal dad ah oo ka kala tirsan labada dhinac, ayaa waxaa baaq nabadeed oo arrintaa la xiriira diray markii ugu horeysay Jaaliydaha labada dhinac ee ku dhaqan gobolka Minnesota.