Sabti, August , 25, 2018 (HOL) –Guddoomiyaha degmada Buurdhuubo ee gobolka Gedo Xassan Maxamuud Cali ayaa warbaahinta u sheegay howlgal ay sameeyeen ciidamada dowladda Soomaaliya ku dileen 7 xubnood oo ka tirsan dagaalamayaasha Al-shabaab.
Guddoomiyaha ayaa sheegay in howlgalkan laga sameeyay deegaanno dhowr ah oo hoos-taga qeybo ka mid ah gobolka Gedo.
Xubnaha la dilay ayuu sheegay in ay ka mid yihiin saraakiil ka tirsan Ururka Al-shabaab ee ka howlgala qeybo ka tirsan gobolka.
Gedo ayaa ka mid ah deegaannada ay ku xoogan yihiin Al-shabaab oo weerarro kala duwan ku qaadaan xarumaha ciidamada dowladda iyo kuwa Kenya ay ku leeyihiin gobolka.
C/raxmaan Diini, Hiiraan Online [email protected]