Bandhig Carweedka Buugaagta oo maalintii labaad ka socta magaalada Muqdisho Sawirro
Khamiis, September, 14, 2017 (HOL) – Waxaa maalintii labaad galay magaalada
Muqdisho Bandhiga Carwada buugaagta oo sanadkii Saddexaad lagu qabanayo
Muqdisho.
Munaasabadan oo ah mid siweyn loo soo agaasimay ayaa furintaankeedii waxaa
ka qeybgalay mas’uuliyiin ka tirsan dowladda Soomaaliya, xubno ka socday beesha
caalamka, dadweyne fara badan oo u badnaa dhalinayo wiilal iyo gabdho isugu
jira.
Bandhiga sanadkan ayaa lagu martiqaaday Aqoonyahano, Xirfadlayaal, Qorayaal
iyo Dad kale, kuwaas oo soo bandhigga buugaagta ay Qoreen, waxaana ka faa’idaysta
buugaagta ay soo bandhigaan dadka ka qeyb galayaasha ah.
Carwadda bandhigga buugaagta ayaa lagu tilmaamay mid guul u ah shacabka
Soomaaliyeed oo ay wax badan oo aqoon ah ka faa’iidaystaan, iyadoo la ogyahay
in magaalooyinka qaar ee dalka laga bilaabay bandhig nuucaan ah sida Hargeysa
iyo Garoowe.
Waxaa la filayaa in maalinta berri ah la soo afjaro bandhigan Carawada
buugaagta, iyada oo lagu wado in ay ka qeyb galaan madaxda ugu sareysa ee
dalka.
C/raxmaan Diini, Hiiraan Online
[email protected]
