9/26/2017
Today from Hiiraan Online:  _
Wararka Maanta- Isniin, Sept 11, 2017
Faahfaahin ku saabsan dagaalka saaka ka dhacay degmada Baladxaawo ee gobolka Gedo


Isniin, September, 11, 2017 (HOL) –Degmada Baladxaawo ee gobolka Gedo oo ay saaka aroortii la wareegeen Maleeyshiyaad ka tirsan Al-shabaab ayaa haatan lagu soo warmayaa in ay xaaladeedu tahay mid kacsan, ayadoo xoogaggii Alab-shabaab ee saaka soo weeraray ay isaga baxeen.

"Xaaladda magaalada way kacsantahay, Al-shabaab way ka baxeen, ciidamadii kalena ma soo gaarin, laakiin waxaan maqleeynaa rasaas," sidaa waxaa yiri mid kamid ah dadka deegaanka oo isagoo magaciisa qarinaya la hadlay shabakadda HOL.

Shariif Axmed Taajir oo kamid ah warieyayaasha ka howlgala Baladxaawo oo markii uu dagaalka dhacayay ku sugnaa magaalada ayaa HOL u sheegay in dagaalku ahaa mid xooggan oo ay labada dhinac is weeydaarsanayeen hubka noocyadiisa kala duwan.

"Xerada 1-aad ee ciidamada oo ku taallay duleedka bari ee magaalada ayaa lala wareegay, waxaa lagu weeraray gaari UD Qarax laga soo buuxiyay iyo weerar toos ah, ciidamadii ku sugnaana way isaga baxeen," Ayuu hadalkiisii raaciyay.

Dadka deegaanka ayaa inoo Xaqiijiyay in Shabaab ay toogasho ku dileen nin ka ganacsan jiray gaadiidka oo lagu magacaabo Faysal Cabdi Cali, kaa oo la sheegay in ay gurigiisa kala baxeen.

Ciidamadii ku sugnaa Baladxaawo ayaa la sheegay in ay dib isu soo abaabuleen, haataanna ay ku wahanyihiin degmada oo ay Al-shabaab isaga baxeen.

Dadka deegaanka ayaa sidoo kale sheegaya in dad badan oo shacab ah ay waxyeelo kasoo gaartay madaafiic lagu soo tuuray magaalada.

Weerarkii saaka ayaa lagu soo waramayaa in uu sababay qasaarooyin isugu jira dhimasho iyo dhaawac, walow saraakiil ka tirsan ciidamada Jubaland oo aan la xiriirn ay inoo sheegeen in ay dib faahfaahin ka bixin doonaan.

Dhanka Al-shabaab weli wax war ah kama soo saarin dhacdadan, mana jiraan warar madax bannaan oo qeexaya qasaaraha rasmiga ah ee ka dhashay weerarka.

Xasan Nuur, Hiiraan Online
[email protected]
Kismaayo-Soomaaliya.




Post your comments

9/11/2017 10:36 AM EST
Isniin, September, 11, 2017 (HOL) – Faah faahin dheeraad ah ayaa ka soo baxaya qarax xoogan oo goor dhaw ka dhacay inta u dhaxeysa Isgoysyada Sayidka iyo Dabka ee magaalada Muqdisho.

9/11/2017 10:05 AM EST
Isniin, September, 11, 2017 (HOL) – Wadahadalada labadii maalmood ee la soo dhaafay uga socdey magaalada Caynabo Somaliland iyo Khaatumo ayaa soo dhamaaday kaas oo ay labada dhanacba sheegeen in lagu guulaystey.

9/11/2017 9:33 AM EST
Isniin, September, 11, 2017 (HOL) – Qarax loo adeegsaday gaari walxaha qarxa lagu soo raray ayaa daqiiqado ka hor ka dhacay meel aan wax badan ka fogeyn hotelka Weheliye wadadda Maka Al-Mukarama ee magaalada Muqdisho.

9/11/2017 4:29 AM EST
Isniin, September, 11, 2017 (HOL) – Xildhibaannada Aqalka sare ayaa dib u dhigay dooddii ay maanta ka yeelan lahaayeen go’aankii ay xukuumada ka qaadatay kiiska Cabdikariin Sheekh Muuse Qalbi-Dhagax oo loo gacan galiyay dowladda Itoobiya.

9/11/2017 2:27 AM EST
Isniin, September, 11, 2017 (HOL) –Dagaalyahannada Al Shabaab ayaa sheegay mashruuca lagu shaqaalleysiinayo 1,000-ka dhallinyaro in ay u-jeedkiisa tahay sidii dhallinyaradaasi ay uga qeyb-qaadan lahaayeen dagaalka ka socda dalka Soomaaliya, sida uu hadalka u dhigay Abuu Muscab oo ah Afhayeenka kooxda.

9/11/2017 1:49 AM EST
Isniin, September, 11, 2017 (HOL) –Wasiirka Gaashaandhigga Soomaaliya Mudane C/rashiid C/llaahi Maxamed, ayaa sheegay in ciidamada dowladda Soomaaliya loo diyaarinayo sidii ay ciidamadda AMISOM ugala wareegi lahaayeen guud ahaan Ammaanka Dalka, taasi oo haatan qorsheheeda uu socdo.

9/11/2017 1:20 AM EST
Isniin, September, 11, 2017 (HOL) –Xildhibaanada Aqalka Sare ee Baarlamaanka Soomaaliya,ayaa maanta lagu wadaa in ay cadeeyaan mowqif-kooda ku aadan wareejintii C/kariin Sheekh Muuse (Qalbi Dhagax) iyo go’aankii kasoo baxay golaha wasiirada ee ku saabsanaa arrinta jabhadda ONLF.

9/11/2017 12:57 AM EST
Isniin, September, 11, 2017 (HOL) –Xafiiskani oo loogu talagalay in in lagu qabto Cabashooyinka bulshada Soomaaliyeed ee laxiriira dhinacyada Cadaaladda iyo talo bixinta ayaa waxaa magaalaad Muqdisho ka hirgelisay Wasaaradda Cadaaladda Xukuumadda Federaalka Soomaaliya.

9/11/2017 12:42 AM EST
Isniin, September, 11, 2017 (HOL) –Saddex nin oo Bistoolada ku hubeysan ayaa shalay gelinkii dambe Suuqa Bakaaraha ku dilay qof dumar ah, iyagoona dilka kaddib goobta ka baxsaday.

9/11/2017 12:21 AM EST
Isniin, September, 11, 2017 (HOL) –Dagaalyahannada Al Shabaab ayaa saaka dagaal xooggan kula wareegay Degmada Beled Xaawo ee Gobolka Gedo, sida dadka deegaanka ay sheegeen.