11/23/2017
Today from Hiiraan Online:  _
Wararka Maanta- Isniin, Sept 11, 2017
Faah-Faahin: Kooxo hubeysan oo Suuqa-Bakaaraha ku dilay haweeney la joogtay seygeeda


 
Isniin, September, 11, 2017 (HOL) –Saddex nin oo Bistoolada ku hubeysan ayaa shalay gelinkii dambe Suuqa Bakaaraha ku dilay qof dumar ah, iyagoona dilka kaddib goobta ka baxsaday.

Haweeneyda la dilay ayaa waxaa magaceeda lagu sheegay Nuura Aadan Guutaale, waxaana xiligii la dilayay la socday saygeeda, kaas oo aan isaga la beegsan, sida goob-joogayaal ay sheegeen.

Dilka marxuumada ayaa waxaa uu ka dhacay agagaarka Saldhiga Booliska ee Suuqa Bakaaraha.

“Raggii dilka geystay waxa ay dhowr-xabadood ku dhufteen haweeneyda, kaddibna goobta ayey isaga-tageen, ka hor inta aysan imaan ciidanka booliska”, mid kamid ah ganacsatadda suuqa ayaa sidaasi Hiiraan Online u sheegay.

Ciidanka Booliska oo ku soo baxay rasaastaasi, ayaa waxay hawlgallo ka sameeyeen halkaasi, walow aanay gacanta ku soo dhigin dembiile-yaasha.

Ilaa iyo hadda ma jirto cid sheegatay mas'uuliyada dilka haweeneydaasi. 

Dilka loo geystay marxuumada ayaa waxaa uu kusoo beegmayaa xili shalay hal ruux la dilay laba kalena la dhaawacay kaddib markii gaari ay la socdeen dadkaas oo marayay xaafadda Ceeldheere ee Degmada Dharkiinley lagu rasaaseeyay.

Hiiraan Online,
Hassan Istiila
[email protected]
Mogadishu,Somalia





Post your comments

9/11/2017 10:36 AM EST
Isniin, September, 11, 2017 (HOL) – Faah faahin dheeraad ah ayaa ka soo baxaya qarax xoogan oo goor dhaw ka dhacay inta u dhaxeysa Isgoysyada Sayidka iyo Dabka ee magaalada Muqdisho.

9/11/2017 10:05 AM EST
Isniin, September, 11, 2017 (HOL) – Wadahadalada labadii maalmood ee la soo dhaafay uga socdey magaalada Caynabo Somaliland iyo Khaatumo ayaa soo dhamaaday kaas oo ay labada dhanacba sheegeen in lagu guulaystey.

9/11/2017 9:33 AM EST
Isniin, September, 11, 2017 (HOL) – Qarax loo adeegsaday gaari walxaha qarxa lagu soo raray ayaa daqiiqado ka hor ka dhacay meel aan wax badan ka fogeyn hotelka Weheliye wadadda Maka Al-Mukarama ee magaalada Muqdisho.

9/11/2017 4:29 AM EST
Isniin, September, 11, 2017 (HOL) – Xildhibaannada Aqalka sare ayaa dib u dhigay dooddii ay maanta ka yeelan lahaayeen go’aankii ay xukuumada ka qaadatay kiiska Cabdikariin Sheekh Muuse Qalbi-Dhagax oo loo gacan galiyay dowladda Itoobiya.

9/11/2017 4:01 AM EST
Isniin, September, 11, 2017 (HOL) –Degmada Baladxaawo ee gobolka Gedo oo ay saaka aroortii la wareegeen Maleeyshiyaadka ka tirsan Al-shabaab ayaa haatan lagu soo warmayaa in ay xaaladeedu tahay mid kacsan, ayadoo xoogaggii Alab-shabaab ee saaka soo weeraray ay isaga baxeen.

9/11/2017 2:27 AM EST
Isniin, September, 11, 2017 (HOL) –Dagaalyahannada Al Shabaab ayaa sheegay mashruuca lagu shaqaalleysiinayo 1,000-ka dhallinyaro in ay u-jeedkiisa tahay sidii dhallinyaradaasi ay uga qeyb-qaadan lahaayeen dagaalka ka socda dalka Soomaaliya, sida uu hadalka u dhigay Abuu Muscab oo ah Afhayeenka kooxda.

9/11/2017 1:49 AM EST
Isniin, September, 11, 2017 (HOL) –Wasiirka Gaashaandhigga Soomaaliya Mudane C/rashiid C/llaahi Maxamed, ayaa sheegay in ciidamada dowladda Soomaaliya loo diyaarinayo sidii ay ciidamadda AMISOM ugala wareegi lahaayeen guud ahaan Ammaanka Dalka, taasi oo haatan qorsheheeda uu socdo.

9/11/2017 1:20 AM EST
Isniin, September, 11, 2017 (HOL) –Xildhibaanada Aqalka Sare ee Baarlamaanka Soomaaliya,ayaa maanta lagu wadaa in ay cadeeyaan mowqif-kooda ku aadan wareejintii C/kariin Sheekh Muuse (Qalbi Dhagax) iyo go’aankii kasoo baxay golaha wasiirada ee ku saabsanaa arrinta jabhadda ONLF.

9/11/2017 12:57 AM EST
Isniin, September, 11, 2017 (HOL) –Xafiiskani oo loogu talagalay in in lagu qabto Cabashooyinka bulshada Soomaaliyeed ee laxiriira dhinacyada Cadaaladda iyo talo bixinta ayaa waxaa magaalaad Muqdisho ka hirgelisay Wasaaradda Cadaaladda Xukuumadda Federaalka Soomaaliya.

9/11/2017 12:21 AM EST
Isniin, September, 11, 2017 (HOL) –Dagaalyahannada Al Shabaab ayaa saaka dagaal xooggan kula wareegay Degmada Beled Xaawo ee Gobolka Gedo, sida dadka deegaanka ay sheegeen.