3/28/2024
Today from Hiiraan Online:  _
Wararka Maanta- Talaado, Jun 20, 2017
Puntland oo magaalada Bosaaso ku soo Bandhigtay rag ka soo goostay Daacish

Talaado, June., 20, 2017 (HOL) –Maamulka Puntland ayaa maanta magaalada Bosaso ku soo bandhigay rag ka soo goostay Daacish oo dhawaan isku soo dhiibay ciidamada Puntland ee fadhigoodu yahay Buuraha Cal-Bari ee gobolka Bari.

Rag-gan oo lagu sheegay in ay yihin saraakiil sar-sare oo ka tirsan ururka Daacish ayaa tiradoodu ay gaaraysay 8 nin sida laga sheegay munaasbad lagu soo bandhigayay oo maanta lagu qabtay magaalada Bosaso.

Qaar kamid ah rag-gan oo la hadlay warbaahinta ayaa ka dalbaday dowladda iyo dadwaynaha Soomaaliyeed in la iska cafiyo , isla markaana ay ka laabteen fikirkii hore ee Jihaadka oo ay ku sheegeen in uu ahaa mid lagu khalday.

Saraakiisha Puntland ayaa goobta ka sheegay in ragan ay horey uga tirsanaan jireen kooxda Al-shabaab ka dib-na ay ku biireen Daacish oo kamid ah kooxaha dagaalka adag kula jira Puntland , isla markaana fariisamaha ku leh gobolka Bari.

Ma cad-da go’aanka rasmiga h ee dowladdu ay ka qaadatay rag-gan oo la aamisan-yahay in cafis loo fidin doono ,waxaana si weyn loo adkeeyay amniga magaalooyin badan oo ku yaala Puntland, xilli ay soo dhowdahay munaasabad-dii ciidul-fidriga.

Ugu danbayn,Ciidamada ammaanka Puntland ayaa maanta galinkii hore sheegay in fariismo ay kooxda Al-shabaab ku leeyihiin buuraha Gal-gala la bur-buriyay , isla markaana la dilay saraakiil ka tirsan kooxdaas oo ku dhuumaalaysanay buuraha Cal-bari.

Faysal M. Hassan
[email protected]














Click here
6/20/2017 12:47 PM EST
Talaado, June, 20, 2017 (HOL)-Ra’iisul Wasaaraha Xukuumada Federaalka Soomaaliya Xasan Cali Khayre ayaa si kulul u cambaareeyey qarax ismiidaamin ahaa oo lagu weeraray xarunta degmada Wadajir ee magaalada Muqdisho.

6/20/2017 9:45 AM EST
Talaado, June, 20, 2017 (HOL) -- Madaxweynaha maamul gobolleedka Hirshabeelle Cali Cabdullaahi Cosobole ayaa xilkii ka qaaday wasiirkii maaliyada Maxamed Maxamuud Cabdulle [Maxamed Dheere]

6/20/2017 7:17 AM EST
Talaado, June, 20, 2017 (HOL)- Waxaa isa soo taraya khasaaraha ka dhashay weerar ismiidaamin ah duhurnimadii maanta lagu qaaday xarunta degmada Wadajir ee gobolka Banaadir.

6/20/2017 6:51 AM EST
Talaado, June, 20, 2017 (HOL)-Faah faahin dheeraad ah ayaa ka soo baxaya weerar ismiidaamin ah oo goor dhaw lagu qaaday xarunta degmada Wadajir ee gobolka Banaadir, waxaana wararka hor dhaca ah ee soo baxaya sheegayaan in uu halkaa ka dhashay khasaare ballaaran isugu jira dhimasho iyo dhaawac.

6/20/2017 6:05 AM EST
Talaado, June., 20, 2017 (HOL) –Qarax xooggan ayaa ka dhacay nawaaxiga xaruunta degmada Wadajir oo aan ka fogeyn suuqa weyn ee degmada Wadajir.

6/20/2017 4:36 AM EST
Talaado, June., 20, 2017 (HOL) – Wasaaradda Waxbarashada hiddaha iyo tacliinta sare ee xukuumadda federaalka Soomaaliya ayaa maanta soo bandhigtay daabacaadda buuggaagta manhajka waxbarshada Qaranka ee Soomaaliya.

6/20/2017 3:36 AM EST
Talaado, June., 20, 2017 (HOL) –Ra’iisul wasaaraha xukuumadda Federaalka ee Soomaaliya Mudane Xasan Cali Khayre, ayaa sheegay in uu u mahacelinayo ciidamada amniga oo shalay gacanta ku dhigay madaxii Amniyaadka Al Shabaab ee Gobolka Banadir.

6/20/2017 3:15 AM EST
Talaado, June., 20, 2017 (HOL) –Madaxweynaha Jamhuuriyadda Federaalka ah ee Soomaaliya Mudane Maxamed Cabdullaahi Maxamed Farmaajo ayaa ballanqaaday xanaaneeynta carruurta agoonta ee ku jira xarun ku taalla degmada Afgooye ee gobolka Shabeellaha Hoose.

6/20/2017 2:57 AM EST
Talaado, June., 20, 2017 (HOL) –Dowladda Qadar aya sheegtay in aysan wax wada hadal ah la geli doonin dowladaha carbeed ee xiriirada dhinacyada dhaqaalaha iyo safarka u jaray ilaa ay ka laabanayaan go’aankaasi lagu go’doominayo, sida laga soo xigtay wasaaradda arimaha dibadda dalkaasi.

6/20/2017 2:42 AM EST
Talaado, June., 20, 2017 (HOL) –Mas’uuliyiinta maamulka Puntland ayaa sheegay in Ciidamada amniga Puntland ee loo yaqaano (PSF), ay bur-buriyeen saldhigyo ay ku sugnaayeen Al Shabaab oo ku yaalla Buuraha Cal Madow.

6/20/2017 2:38 AM EST
Talaado, June., 20, 2017 (HOL) –Ilaa sideed nin oo laba kamid ah ay kasoo jeedaan dalka Iiraan, lixda kalena ay u dhasheen Hindiya islamarkaana sitay doono nooca kalluumeysiga ayaa shalay gelinkii danbe lagu xiray xabsiga dhexe ee magaalada Kismaayo.